ပါကစ္စတန် နိုင်ငံတွင် အဆိပ်သင့် အချိုမုန့်များ စားမိရာမှ အနည်းဆုံး လူ ၂၃ ဦး သေဆုံးခဲ့ကြောင်း သိရှိရသည်။ နိုင်ငံအလယ်ပိုင်း ပန်ဂျပ်ပြည်နယ်တွင် ပြီးခဲ့သည့် သီတင်းပတ်အတွင်းက လူတစ်ဦးသည် သားဖြစ်သူ၏ မွေးနေ့ပွဲအတွက် သကြားဓာတ်ကဲသော အချိုမုန့်များ ဝယ်လာပြီး လူအများကို ဝေမျှကျွေးမွေးရာမှ အစာအဆိပ်သင့်မှုများ ဖြစ်ပွားခဲ့သည်။ ထိုသူနှင့် ဆွေမျိုး ၁၁ ဦးတို့သည်လည်း သေဆုံးသူများ စာရင်းတွင်ပါဝင်ခဲ့ပြီး မုန့်စားမိသူ ၇၇ ဦးစလုံး အစာအဆိပ်သင့် ဝေဒနာများ ခံစားခဲ့ရသည်။ ၅ ဦးမှာ အသက်လု ကုသရသည့် အခြေအနေတွင် ရှိနေဆဲ ဖြစ်သည်။ ရဲတပ်ဖွဲ့က ဒေသတွင်းရှိ သကြားလုံး အရောင်းဆိုင်တစ်ခုမှ ပိုင်ရှင်နှစ်ဦးနှင့် ဆိုင်ဝန်ထမ်းတစ်ဦးကို ဖမ်းဆီးထားသည်။ မုန့်များတွင် အဘယ်ကြောင့် အဆိပ်သင့် ပစ္စည်းများ ပါဝင်နေသည် ဆိုခြင်းကို ဆက်လက် စုံစမ်းနေဆဲ ဖြစ်သည်။ သကြားလုံးဆိုင် အနီးရှိ စတိုးဆိုင်မှ ကြွက်သတ်ဆေးများသည် အကြောင်းတစ်ခုခုကြောင့် လက်ဒူးခေါ် အချိုမုန့်များထဲ မတော်တဆ ရောက်ရှိခဲ့ခြင်းဟု ရဲအရာရှိများက ယုံကြည်နေသည်။ လက်ဒူးဆိုသည်မှာ လုံးဝန်းသည့် သကြားမုန့် တစ်မျိုးဖြစ်ပြီး ပါကစ္စတန်တွင် ပွဲလမ်းသဘင်များ၌ တည်ခင်း ဧည့်ခံလေ့ရှိသည်။ မူလ်တန်မြို့အနီး လေယာရှိ ကျေးရွာတစ်ခုမှ ဆာဂျတ်ဟူစိန်သည် ဧပြီ ၁၉ ရက်တွင် ဆိုင်မှ လက်ဒူးမုန့်များကို ဝယ်ယူလာခဲ့သည်။ နောက်တစ်ရက်တွင် သားဖြစ်သူ၏ မွေးနေ့အတွက် တည်ခင်းဧည့်ခံရာ လူ ၅ ဦးမှာ ချက်ချင်း သေဆုံးသွားကြောင်း ရဲတပ်ဖွဲ့ ပြောရေးဆိုခွင့်ရ အရာရှိ အာဖန်ဖေ့ဇ်က ပြောကြားခဲ့သည်။ အခြားသူများကို ဆေးရုံတင်ပို့ ကုသခဲ့သော်လည်း သီတင်းပတ်ကုန်တွင် နောက်ထပ် အသက်များစွာ ထပ်မံ ဆုံးရှုံးခဲ့သည်။ ဟူစိန်အပြင် ၎င်း၏ ညီမတစ်ဦး၊ ညီအစ်ကို တော်စပ်သူ ၇ ဦး၊ တူမ ၂ ဦးနှင့် တူ ၁ ဦးတို့လည်း သေဆုံးသူများတွင် ပါဝင်ခဲ့သည်။ ကျန်အစာအဆိပ်သင့်သူများအနက် ၅ ဦးကို မူလ်တန်ရှိ နစ်ရ်ှတာ ဆေးရုံတွင် ကြပ်မတ် ကုသပေးနေရဆဲဖြစ်ပြီး အခြားသူများမှာ အခြေအနေ ကောင်းမွန်နေပြီ ဖြစ်သည်။ ရဲတပ်ဖွဲ့က သကြားလုံး အရောင်းဆိုင်ကို အစားအသောက် စီမံထိန်းချုပ်မှုနှင့် အဆိပ်သင့် ပစ္စည်းများဆိုင်ရာ အက်ဥပဒေအရ အမှုဖွင့် အရေးယူထားကြောင်း သိရှိရသည်။ Ref: BBC Let's block ads! (Why?)
from Latest Myanmar Breaking News ( မြန်မာ့ သတင်း) http://ift.tt/1T1aRBU
via IFTTT
from Latest Myanmar Breaking News ( မြန်မာ့ သတင်း) http://ift.tt/1T1aRBU
via IFTTT
Comments
Post a Comment