တရုတ်အမျိုးသားများ နှင့် လက်ထပ်ရန် စီစဉ်ထားသည့် ဗီယက်နမ် သတို့သမီးများ ထွက်ပြေးမှုနှင့် စပ်လျဉ်း၍ ရဲတပ်ဖွဲ့က လိုက်လံရှာဖွေလျက်ရှိ
ပေကျင်း ၊ ၁၂-၁၂-၂၀၁၄
တရုတ် ရဲတပ်ဖွဲ့သည် နိုင်ငံ အတွင်းရှိ အမျိုးသားများနှင့် လက်ထပ်ရန် စီစဉ်ထားသည့် ဗီယက်နမ် နိုင်ငံမှ သတို့သမီး ဦးရေ ၁ဝဝ ထွက်ပြေးမှုနှင့် စပ်လျဉ်း၍ လိုက်လံ ရှာဖွေလျက် ရှိကြောင်း မီဒီယာများ က ယမန်နေ့တွင် ဖော်ပြထားသည်။
အဆိုပါ ဗီယက်နမ် သတို့သမီး များသည် တရုတ်နိုင်ငံ အတွင်းရှိ ကျေးလက်ဒေသမှ ဆင်းရဲသည့် အမျိုးသားများနှင့် လက်ထပ်ရန် စီစဉ်ပေးခြင်း ခံရပြီးနောက် ယင်းသို့ ထွက်ပြေးခဲ့ ခြင်းဖြစ်သည်။ တရုတ် အမျိုးသား များသည် ဗီယက်နမ် သတို့သမီး တစ်ဦးကို လက်ထပ်နိုင်ရန် အတွက် ယွမ် ၁ဝဝဝဝဝ (ဒေါ်လာ ၁၆ဝဝဝ) ခန့် အကုန်အကျ ခံ၍ ရှာဖွေခဲ့ရခြင်း ဖြစ်ပြီး သတို့သမီး များမှာ ယခုကဲ့သို့ အစုလိုက် ပျောက်ဆုံးခဲ့ ရခြင်းမှာ နောက်ကွယ်တွင် ၄င်းတို့ကို ထိန်းချုပ် ထားသည့် ဂိုဏ်းတစ်ဂိုဏ်း ရှိမည်ဟု တရုတ် အာဏာပိုင်များက ယူဆထားသည်။
သို့ရာတွင် နည်းပညာ ဆန်းသစ်လျက် ရှိသည့် ယနေ့ခေတ် ကာလတွင် သတို့သမီးများမှာ တစ်ချိန်တည်း ထွက်ပြေးရန် အခွင့်အလမ်း ရှိကြောင်း ငွေကြေး အကုန်အကျခံ၍ သတို့သမီး ဝယ်ယူခဲ့သည့် အမျိုးသား တစ်ဦးဖြစ်သူ ဝူ က ပြောကြား ခဲ့သည်။
တရုတ်နိုင်ငံတွင် အရှေ့တောင် အာရှမှ အမျိုးသမီး များကို သတို့သမီးအဖြစ် ဝယ်ယူခြင်းသည် ဖြစ်ရိုးဖြစ်စဉ် တစ်ခုကဲ့သို့ ဖြစ်လာလျက် ရှိပြီး တရုတ်နိုင်ငံတွင် ကျား၊ မ ခွဲခြားသည့် စနစ်ကြောင့် အမျိုးသမီး ဦးရေ ထက်
အမျိုးသား ဦးရေက အဆမတန် များပြား ခြင်းကြောင့် အခြားနိုင်ငံ များမှ အမျိုးသမီးငယ် များကို ငွေကြေးဖြင့် သော် လည်းကောင်း၊ အခြား နည်းလမ်းများဖြင့် သော် လည်းကောင်း စည်းရုံး သိမ်းသွင်း၍ တရုတ် အမျိုးသား များက ဇနီးမယား အဖြစ် ဝယ်ယူလျက် ရှိသည်ဟု သိရသည်။
#PyiChitThar
http://ift.tt/1us8Z8V
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1zEnFrL
Comments
Post a Comment