ကျောက်တောင်ထိပ်ကနေ လေဟုန်စီးပြသည့် သြစတြေးလျ စတန့်သမား ၂ ဦး

သြစတြေးလျနိုင်ငံက စတန့်သမားနှစ်ဦးဟာ အတောင်ပံဝတ်စုံကိုဝတ်ပြီး ကျောက်တောင်ထိပ်ကနေ တောင်ခြေကို အသည်းယားစရာ လေဟုန်စီး ခုန်ပြခဲ့ကြပါတယ်။

တောင်ပံဝတ်စုံဝတ် ခုန်သမားတွေဖြစ်ကြတဲ့ Nathan Jones နဲ့ Sam Hardy တို့ဟာ ဒီဇင်ဘာလ ၆ ရက်နေ့က ပြင်သစ်နိုင်ငံ၊ Chamonix မြို့အနားက Alps တောင်ထိပ်ပေါ်ကနေ ခုန်ချပြီး ကျောက်ဆောင်၊ ကျောက်တုံးတွေနဲ့ ပေအနည်းငယ်အကွာကနေ လေဟုန်စီးပြခဲ့ကြတာပါ။

လမ်းကြောင်းတလျှောက် သူငယ်ချင်းတွေ ထောင်ထားတဲ့ လက်ပုံစံအရုပ်တွေနဲ့လည်း ရိုက်သွားခဲ့ကြပါသေးတယ်။

အခုလို ကျောက်ဆောင်တွေနဲ့ ကပ်ပြီး ၂ ယောက်တွဲ လေဟုန်စီးခုန်ခဲ့တာဟာ ကမ္ဘာမှာ ပထမဆုံးလည်းဖြစ်ပါတယ်။

သူတို့တွေဟာ အခုလို လှည့်လည်လေဟုန်စီးခုန်ပြပြီး ဖွံ့ဖြိုးဆဲနိုင်ငံတွေမှာ သောက်သုံးရေရရှိဖို့ အလှူခံနေကြတာလို့လည်း ဆိုပါတယ်။

အခုတခေါက်ကတော့ အီသီယိုးပီးယားနိုင်ငံမှာ သောက်ရေတွင်းတွေတူးဖို့ အလှူခံနေပြီး လက်ရှိအချိန်အထိ အမေရိကန်ဒေါ်လာ ၅၆၀၀ ကျော် လှူဒါန်းပြီး ဖြစ်ပါတယ်။

ဒီလေဟုန်စီးခုန်နည်းကို Base ခုန်ချနည်းလို့ခေါ်ပြီး တကယ်ခက်ခဲ အန္တရာယ်ကြီးတဲ့ ကစားနည်းလည်းဖြစ်ပါတယ်။

Base ခုန်နည်းဟာ တံတားတွေ၊ ကျောက်တောင်တွေ၊ မိုးမျှော်တိုက်ကြီးတွေရဲ့ ထိပ်ကနေ ခုန်ပြရတာဖြစ်ပြီး လေယာဉ်ပေါ်က ခုန်နည်းထက် သေဆုံးနှုန်း ၄၃ ဆ ပိုများပါတယ်။

By ဒီဗွီဘီ

http://ift.tt/1wpPTG0

from သစ်ထူးလွင် (ကျန်းမာရေး) - Thit Htoo Lwin http://ift.tt/1zaTVnL