ထိုင်းနိုင်ငံ ခိုတောင်းကျွန်း လူသတ်မှုနဲ့ ဖမ်းဆီး တရားစွဲဆို ခံနေရသူ မြန်မာ လူငယ်နှစ်ဦးက အမျိုးသား ဒီမိုကရေစီအဖွဲ့ချုပ် ဥက္ကဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်ထံကို အကူအညီတောင်းခံတဲ့စာတစ်စောင် မနေ့က ရေးသား ပေးပို့ခဲ့တယ်လို့ ရိုက်တာ သတင်းက ဖော်ပြပါတယ်။
မိမိတို့အနေနဲ့ ပြစ်မှုတစုံတရာမကျူးလွန်ခဲ့ပဲနဲ့ အကျဉ်းထောင်ထဲမှာမနေလိုကြောင်း၊ မတရားသဖြင့် ဓါးစာခံဖြစ်နေရတာကြောင့် တရားမျှတမှုကို လိုလားမျှော်လင့်နေပါကြောင်း၊ မိမိတို့ ထိုင်းနိုင်ငံမှာ သွေးနဲ့ချွေးနဲ့ရင်းပြီး အလုပ်လုပ်ရာက ရတဲ့ငွေကြေးကို မိဘတွေဆီပြန်ပို့နိုင်တဲ့အတွက် မိဘတွေ အဆင်ပြေ ပျော်ရွှင်နေကြတာဖြစ်ကြောင်း မြန်မာဘာသာနဲ့ စာထဲမှာဖော်ပြထားပြီး၊ နှစ်ယောက်လုံး လက်မှတ်ရေးထိုး ထားကြတယ်လို့ သူတို့ရဲ့ရှေ့နေက ပြောပါတယ်။
ပြီးခဲ့တဲ့ တနင်္လာနေ့ကရုံးချိန်းမှာ သူတို့အပေါ် စွဲဆိုထားတဲ့စွဲချက်တွေကို တစ်ခုမှ မကျူးလွန်လွန်ကြောင်း နှစ်ယောက်လုံးက ထွက်ဆိုခဲ့ကြပါတယ်။
နောက်တစ်ကြိမ် ရုံးချိန်းအဖြစ် ဒီဇင်ဘာလ ၂၆ ရက်နေ့ကို တရားရုံးက သတ်မှတ်ခဲ့ပါတယ်။
ဒီကိစ္စနဲ့ပတ်သက်ပြီး သူတို့အမှုအတွက် အကျိုးဆောင်ပေးနေတဲ့ ထိုင်းရှေ့နေများအဖွဲ့ခေါင်းဆောင် နာခွန်းက ဒါဟာပုံမှန်ထက် ရှေ့ကို ၂ လစောပြီး ချိန်းဆိုတာဖြစ်တဲ့အတွက် မြန်မာလူငယ်နှစ်ယောက်အတွက် ထွက်ဆိုပေးမယ့် သက်သေတွေ အလုံအလောက်ရှာဖွေဖို့ ခက်ခဲသွားရကြောင်း၊ ဒါပေမဲ့ တရားမျှတမှုအတွက် အစွမ်းကုန်ကြိုးပမ်းဆောင်ရွက်သွားမှာဖြစ်ကြောင်း ပြောဆိုခဲ့ပါတယ်။
RFA Burmese
http://ift.tt/1kBhvP9
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1BlenQT
Comments
Post a Comment