နေပြည်တော် ၊ ဒီဇင်ဘာ ၂၁
နားလေး ရောဂါသည် မြန်မာနိုင်ငံ၌ မထင်မှတ်ဘဲ များပြားလာသည်။ ကျောင်းသား၊ ကျောင်းသူများတွင် ၆ ရာခိုင်နှုန်းမှာ နားလေးရောဂါ ရှိသည်။
နားလေး ရောဂါ၏ ၈ဝ ရာခိုင်နှုန်းသည် နားပြည်ယိုခြင်းကြောင့် ဖြစ်သည်။ စာမလိုက်နိုင်သည့် ကလေးများတွင် နားလေးရောဂါကို ခံစားနေရသူများ ပါဝင်နေသည်။ နားလေး ရောဂါကို ကြိုတင် ကာကွယ်နိုင်သည် ဖြစ်ရာ ရောဂါဖြစ်မှ ကုသခြင်းထက် မဖြစ်မီ ကြိုတင် ကာကွယ်ခြင်းက ပိုမို အကျိုးသက်ရောက်မှု ရှိစေသည့် အပြင် ငွေကုန်မှု၊ အချိန်ကုန်မှုလည်း သက်သာ စေသည်။ နားကို အပြင်နား၊ အလယ်နား၊ အတွင်းနားဟူ၍ သုံးပိုင်း ခွဲခြားနိုင်သည်။ အပြင်နားနှင့် အလယ်နားသည် အသံကို ဖမ်းယူပြီး အတွင်းနားထဲသို့ ပို့ဆောင်ပေးသည်။ အပြင်နားနှင့် အလယ်နား၏ အင်္ဂါ အစိတ်အပိုင်းများ ချို့ယွင်း ပျက်စီးခဲ့လျှင် ပို့ဆောင်မှု လျော့နည်း၍ နားလေးခြင်း ဖြစ်သည်။ အတွင်းနားတွင် အသံနှင့် သက်ဆိုင်သည့် အာရုံကြောများ တည်ရှိရာ အတွင်းနား၏ အင်္ဂါ အစိတ်အပိုင်းများ ချို့ယွင်း ပျက်စီးလျှင် အာရုံကြော နားလေးခြင်း ဖြစ်သည်။ နားပြည်ယိုခြင်းသည် နား၊ နှာခေါင်း၊ လည်ချောင်း ရောဂါများမှ တစ်ဆင့် စတင် ဖြစ်ပေါ်လေ့ ရှိပြီး နှာစေးခြင်း၊ လည်ချောင်းနာခြင်း စတင် ဖြစ်ပေါ်ချိန်တွင် ဂရုစိုက်ပြီး ကုသပါက နားထဲသို့ ရောဂါပိုး ပျံ့နှံ့ခြင်းမှ ကြိုတင် ကာကွယ်နိုင်သောကြောင့် နားပြည်ယိုခြင်းကို ကာကွယ် တားဆီးနိုင်သည်။ ရောဂါပိုးများ အလယ်နား အတွင်း ပျံ့နှံ့သွားပါက ကောင်းစွာ ကုသပါ။ မကုသပါက နားအင်္ဂါ အစိတ်အပိုင်းများကို ရောဂါပိုးများက ဖျက်ဆီးပစ်နိုင်ပြီး ဦးနှောက် အတွင်းသို့ ပျံ့နှံ့ ရောက်ရှိ သွားနိုင်ကာ အသက် အန္တရာယ် ပေးနိုင်သည့် အခြေအနေသို့ ရောက်ရှိ နိုင်ပါသည်။
ကလေးသူငယ် များတွင် အခြား ဖြစ်တတ်သည့် နားလေးရောဂါမှာ အလယ်နားအတွင်း ချွဲစုဆောင်းခြင်း ဖြစ်သည်။ ယင်းရောဂါ စတင် ချိန်တွင် အလယ်နားမှ ချွဲများကို စုပ်ထုတ်ပေးလျှင် နားလေးရောဂါကို ကြိုတင် ကာကွယ် ပေးနိုင်သည်။ ရောဂါကို ဂရုမစိုက်ဘဲ နေပါက နားအုံ အမြှေးသည် အတွင်းထဲသို့ ကပ်ဝင်ပြီး တစ်သက်လုံး နားလေးရောဂါ ဖြစ်သွား တတ်သည်။ ကလေးငယ်များတွင် အဆိုပါ ရောဂါကို ခံစားရပါက နားလေးသဖြင့် ကျောင်းစာကို ကောင်းစွာ မကြားရသောကြောင့် စာမလိုက်နိုင်ဘဲ ရှိသည့်အပြင် မိဘများ၏ ခေါ်ပြောခြင်းကို ဂရုမစိုက်ဘဲ နေသလို အထင် ခံရတတ်သည်။ ထိုမျှသာမက ထုံသည်၊ အသည်ဟု အထင် ခံရသည်။ ဝမ်းတွင်းပါ နားလေးခြင်းမှာ ကလေးများသည် မွေးကတည်းက နားလေး လာပါက စကားလည်း ပြောနိုင်ခြင်း မရှိဘဲ ဆွံ့အ နေလိမ့်မည်။ အသံကိုကြားမှ အသံ၏ အဓိပ္ပာယ်ကို ဦးနှောက်က ဆက်စပ် နားလည်ပြီး စကား ပြောနိုင်သည်။ ဝမ်းတွင်းပါ နားလေး ဆွံ့အသည့် ရောဂါကို ဝဋ်ကြောင့်၊ ကံကြောင့်ဟု ယူဆကာ ကာကွယ်ခြင်း၊ ကုသခြင်း မလုပ်ကြပေ။ အချို့ မိဘများက ရှက်ပြီး နားပါရဂူထံ ပြသခြင်း မရှိကြပေ။ ပြသ ပါကလည်း နောက်ကျ တတ်သည်။ မမွေးမီ ကာကွယ်နိုင်ရန် သိထားသင့်သည်မှာ မိခင် ကိုယ်ဝန်ဆောင်စဉ် ဝက်သက်ပေါက်ခြင်း၊ ကိုယ်ဝန်ရှိစဉ် အပြင်းဖျားခြင်း၊ မိခင် ကိုယ်ဝန်ရှိစဉ် နားလေးစေသည့် ဆေးများ သောက်သုံးခြင်း၊ နားလေးဗီဇ ပါသည့် မိဘနှစ်ပါးမှ မွေးသည့် ကလေးတွင် မွေးရာပါ နားလေးရောဂါ ဖြစ်နိုင်ခြေ ရှိသည်။
မိခင် ကိုယ်ဝန်ရှိစဉ် ပထမ သုံးပတ်အတွင်း ဝက်သက် ပေါက်ပါကနား၊ နှလုံး၊ မျက်စိ စသည့် အင်္ဂါ အစိတ်အပိုင်းများမှာ ပျက်စီးနိုင်သဖြင့် မွေးလာသည့် ကလေးသည် များသောအားဖြင့် နားလေးရောဂါ ခံစား ရတတ်သည်။ ဝက်သက် ကာကွယ်ဆေး ထိုးခြင်း သို့မဟုတ် ကိုယ်ဝန် ဖျက်ခြင်းကို အချို့နိုင်ငံ၌ ခွင့်ပြု ထားသည်။ မွေးရာပါ နားလေးရောဂါသည် ဗီဇကြောင့်လည်း ဖြစ်တတ်သည်။ မိဘ တစ်ဦးဦး သို့မဟုတ် နှစ်ဦးစလုံး နားလေးပါက မွေးလာသည့် ကလေးပါ နားလေးသည်။ နားလေးရောဂါ ဖြစ်ပေါ်သော ရာခိုင်နှုန်း များပါက သင့်လျော်သည့် အကြံဥာဏ် ရယူ၍ မွေးရာပါ နားလေးရောဂါကို ကာကွယ် နိုင်သည်။ နေ့စဉ် သောက်သုံးရသည့် ဆေးများကြောင့်လည်း နားလေးစေသည်။ တီဘီဆေး ထဲတွင် စထရပ်တိုမိုင်ဆင်တို့ ဆေးသည် နားလေး စေသည်။ လူကြီးများ နားလေးရောဂါ ကာကွယ်ရန် အရေးကြီးသည်။ ဆူညံသည့် အလုပ်ရုံတွင် အလုပ် လုပ်သူများ၊ ဆူညံသည့် ရပ်ကွက်၊ စက်မှုဇုန်တွင် နေထိုင်သူများ၊ လေယာဉ်ကွင်း အနီးတွင် နေထိုင်သူများသည် နားလေးရောဂါ ခံစားရသည်။ သွေးလည် ပတ်မှု ချို့ယွင်းပါကလည်း နားလေး၊ နားအူ၊ နားလေထွက်ကာ နားလေး တတ်ပါသည်။ ။
from သစ်ထူးလွင် (ကျန်းမာရေး) - Thit Htoo Lwin http://ift.tt/1x9FGzv
Comments
Post a Comment