ရဲမေလောင်းများအနေဖြင့် အိမ်ထောင်မရှိသူ ဖြစ်ရမည့်အပြင် အပျိုစင်လည်း ဖြစ်ရန် လိုအပ်နေကာ ယင်းစစ်ဆေးမှုကို ထိပ်တန်းရဲအရာရှိကြီးအချို့က မပြုလုပ်ရန် တင်ပြလာကြသော်လည်း တွင်တွင်ကျယ်ကျယ် ဆက်လက်လုပ်ဆောင်နေခြင်း ဖြစ်သည်ဟု လူ့အခွင့်အရေးစောင့်ကြည့်သူများအဖွဲ့က ဆိုသည်။
ယခုနှစ်အတွင်း စစ်ဆေးခံခဲ့ရသည့် ရဲမေလောင်းများအပါအ၀င် အမျိုးသမီးငယ်လေးများက ယင်းစစ်ဆေးမှုမှာ နာကျင်ခံစားစေရသကဲ့သို့ စိတ်ဒဏ်ပါ ရရှိစေနိုင်ကြောင်း ဖွင့်ဟပြောကြားသည်။
အမျိုးသမီး ဆရာဝန်များက မစစ်ဆေးခင် ကညာမြှေး မွေးရာပါအတိုင်း ပကတိရှိမရှိ ကြည့်ရန် ရဲများက ၀တ်လစ်စလစ်ဖြစ်သည်အထိ အ၀တ်အစားများကို ချွတ်ရန် တွန်းအားပေးကြသည်ဟု ၎င်းတို့က ဆိုသည်။
“အဲဒီအတွေ့အကြုံကို မေ့ဖျောက်ပစ်လို့ရချင်တယ်၊ သိပ်ရှက်ဖို့ကောင်းတယ်” ဟု ဆူမားတြားကျွန်း အနောက်ပိုင်း ပီကန်ဘာရူမြို့တွင် စစ်ဆေးခံခဲ့ရဖူးသည့် အသက် ၁၉ နှစ်အရွယ် အမျိုးသမီးငယ်လေးက ရင်ဖွင့်လာသည်။
“သူစိမ်းတွေရဲ့ ရှေ့မှာ ကျွန်မတို့က ဘာကြောင့် အ၀တ်အစားတွေ ချွတ်ပြရမှာလဲ၊ မလိုအပ်ပါဘူး၊ ဒီလိုမလုပ်သင့်တော့ဘူးလို့ ထင်တယ်” ဟု ၎င်းက ဆက်ပြောသည်။
လူ့အခွင့်အရေး စောင့်ကြည့်သူများအဖွဲ့မှ အမျိုးသမီး အခွင့်အရေးများအတွက် လှုပ်ရှားဆောင်ရွက်နေသည့် ဒါရိုက်တာ နီရှာဗာရီယာက ယင်းစစ်ဆေးမှုများမှာ အမျိုးသမီးများအပေါ် နှိမ်ချဆောင်ရွက်ခြင်း ဖြစ်ကာ အန္တရာယ်ကြီးမားသကဲ့သို့ အရှက်လည်း ရစေကြောင်း ဝေဖန်လိုက်သည်။
“ဂျာကာတာက ရဲအရာရှိကြီးတွေအနေနဲ့ ဒီစစ်ဆေးမှုကို ချက်ချင်း တိတိကျကျ ဖျက်သိမ်း ပေးဖို့လိုပါတယ်၊ တစ်နိုင်ငံဝန်က ရဲစုဆောင်းရေး ဌာနတွေ အနေနဲ့လည်း ဒီလိုစစ်ဆေးနေတာကို လုံးဝ ရပ်တန့်ပစ်ရမယ်” ဟု ၎င်းက ပြောသည်။
ယင်းစစ်ဆေးမှုများသည် ရဲဌာန၏ တပ်သားစုဆောင်းရေး လမ်းညွှန်ချက်များနှင့်လည်း သွေဖီနေသကဲ့သို့ အပြည်ပြည်ဆိုင်ရာ လူ့အခွင့်အရေးနှင့်လည်း ဆန့်ကျင်နေသည်ဟု လူ့အခွင့်အရေးစောင့်ကြည့်သူများအဖွဲ့က ထုတ်ပြန်ထားသည်။
ရဲဌာန၏ ပြောရေးဆိုခွင့်ရ ပုဂ္ဂိုလ် ရွန်နီဆမ်ပီက ရဲမေလောင်းများအား ပြည့်စုံသည့် ကျန်းမာရေး စစ်ဆေးမှုများ ပြုလုပ်ကြောင်း၊ ရဲဌာနအနေဖြင့် ရဲမေလောင်းများတွင် လိင်မှတစ်ဆင့် ကူးစက်သော ရောဂါများ ကင်းရှင်းစေလိုကြောင်း ပြောကြားသည်။
အပျိုစင် စစ်မစစ် စစ်ဆေးမှုတွင် မအောင်မြင်သော်လည်း လျှောက်ထားမှု တစ်ခုလုံး ရှုံးနိမ့်သည် မဟုတ်ဟု ၎င်းက ဆိုသည်။
သို့ရာတွင် အင်ဒိုရဲဌာန၏ ၀က်ဘ်ဆိုက်စာများဌာတွင် ရဲမေလောင်းများအနေဖြင့် အပျိုစင် ဖြစ်ရမည်ဟု ယခုလတွင် ကြေညာထားသည်။
ရဲချုပ် ဆရီရူမီယာတီက လူ့အခွင့်အရေးစောင့်ကြည့်သူများအား ပြည့်တန်ဆာများကို ရဲဖြစ်စေလိုပါသလားဟု တန်ပြန်မေးခွန်းထုတ်လိုက်သည်။
အင်ဒိုနီးရှား၏ နေရာဒေသအတော်များများတွင် လူ့အဖွဲ့အစည်းသည် အလွန်အမင်း ရှေးရိုးဆန်နေသေးကာ အချို့မှာမူ အမျိုးသမီးများ၏ အပျိုရည် တန်ဖိုးကို ကြီးကြီးမားမား အလေးထားနေကြသည်။
ယမန်နှစ်ကလည်း မြို့နယ်ပညာရေးမှူးတစ်ဦးက ဆယ်ကျော်သက် ကျောင်းသူများကို အပျိုစင် စစ်မစစ် စစ်ဆေးပြီးမှ အထက်တန်းပညာသင်ကျောင်းသို့ တက်ရောက်သင့်ကြောင်း ပြောဆိုခဲ့ဖူးသည်။
ကျော်လင်းထွန်း
Ref; Bangkok Post
News Watch(စောင့်ကြည့်သတင်းဂျာနယ်)
http://ift.tt/1tZU6ML
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1tdzApE
Comments
Post a Comment