ရမည်းသင်းမြို့နယ် သိမ်ကုန်းကျေးရွာ အနီး သပြေပင်ချောင်း အတွင်း မာကျူရီနှင့် ဆိုင်ယာနိုက် ဓာတ်များ လွန်ကဲ
မန္တလေးတိုင်း ဒေသကြီး ရမည်းသင်း မြို့နယ် သိမ်ကုန်းကျေးရွာအနီး သပြေပင်ချောင်းအတွင်း၌ မာကျူရီ နှင့် ဆိုင်ယာနိုက်ဓာတ်များ လွန်ကဲ နေသည်ဟု လုပ်ငန်းခွင်ကျန်းမာရေး ဌာနမှ ဒေါက်တာကြည်လွင်ဦးက ပြောကြားခဲ့သည်။
ရမည်းသင်း၊ ပျော်ဘွယ်နှင့် တပ်ကုန်းနယ်တစ်ဝိုက် မှာ အဖြစ်များနေသည့် အကြောပျော့ ရောဂါများနှင့် ပတ်သက်ပြီး ကွင်းဆင်း မေးမြန်းစဉ် ယခုကဲ့သို့ပြောကြားခဲ့ခြင်း ဖြစ်သည်။
''ဒီအကြောပျော့ရောဂါ ဖြစ်တာ ရေကြောင့်လို့သံသယရှိလို့ ဆရာတို့က ရေကိုဓာတ်ခွဲကြည့်တာ ပါ၊ သိမ်ကုန်းကျေးရွာမှာရှိတဲ့ ရေတချို့ မှာ ဓာတ်သတ္တုပါဝင်မှုဟာ ဆရာတို့ သတ်မှတ်ထားတာထက် အနည်းငယ် များနေတာ တွေ့ရပေမယ့် သပြေပင် ချောင်းထဲမှာတော့ တော်တော်ကြီးကို များနေတာတွေ့ရတယ်''ဟု ဆိုသည်။
''အခုလို ဓာတ်သတ္တုပါဝင်မှုတွေ များလာတာဟာ ရမည်းသင်းနယ် တစ်ဝိုက်က ရွှေတူးဖော်ရေးလုပ်ငန်း တွေနဲ့ဆက်စပ်မှုတွေရှိနေတယ်''ဟု ရမည်းသင်းဒေသခံ ဒေါက်တာ မင်းမင်းက သုံးသပ်ပြောဆိုသည်။ ၄င်းက ''ရမည်းသင်းနယ်တစ်ဝိုက် မှာရှိတဲ့ ရေ၊ မြေရဲ့အထက်ပိုင်းမှာ ရွှေလုပ်ငန်းတွေလုပ်တယ်။ ရွှေချက်ရာ မှာ အသုံးပြုတဲ့ ဆိုင်ယာနိုက်ဆိုတဲ့ ဒြပ်ပေါင်းတွေကြောင့်လို့ များသော အားဖြင့် ပြောရမှာပေါ့၊ ဆိုင်ယာနိုက် ဓာတ်တွေက ရေထဲမှာစိမ့်ပြီး သောက်သုံးရေထဲမှာပါလာတဲ့အတွက် ကျွန်တော်တို့ အဲဒါတွေသောက် မိရင် ပိုတက်စီယမ်ဓာတ်တွေလျော့ သွားတယ်၊ ဒါကြောင့်မို့ ဒီရောဂါ ဖြစ်တယ်လို့ပြောရမယ်''ဟု ဆက်လက် ပြောကြားသည်။
ခန္ဓာကိုယ်တွင်း ပိုတက်စီယမ်ဓာတ် ချို့တဲ့မှုကြောင့်ဖြစ်သည့် အကြော ပျော့ရောဂါသည် ရမည်းသင်းနယ် တစ်ဝိုက်တွင် လွန်ခဲ့သည့် နှစ်နှစ် လောက်ကတည်းက စတင်ဖြစ်ပွားနေ ကြောင်း ဒေသခံဆရာဝန်များထံမှ သိရသည်။ ထိုရောဂါဖြစ်လျှင် ခန္ဓာကိုယ်နုံးခွေခြင်း၊ ကြွက်သားများ နာကျင်ခြင်းနှင့် ခြေလက်များ မသယ် နိုင်လောက်အောင် ခံစားရသည်ဟု သိရသည်။ ရောဂါပြင်းထန်လာလျှင် ရုတ်တရက် နှလုံးခုန်နှုန်းရပ်သွားနိုင် ကြောင်း ရောဂါဗေဒပထမတန်း ပါရဂူ ဒေါက်တာမင်းမင်းစိုးက ''နှလုံးခုန်နှုန်း တွေမြန်လာမယ်၊ နှလုံးစည်းချက်တွေ မမှန်တော့ဘူး၊ နောက်ဆုံးပိုဆိုး သွားရင် ရုတ်တရက်နှလုံးခုန်နှုန်းတွေ ရပ်သွားတဲ့အထိ ဖြစ်နိုင်တယ်'' ဟု ဆိုသည်။
ယခုဖြစ်ပွားသည့် အကြောပျော့ ရောဂါသည် ရေနှင့်ဆက်စပ်မှုရှိ၊ မရှိ ၂ဝ၁၄ ခုနှစ် ဖေဖော်ဝါရီလအတွင်း လုပ်ငန်းခွင် ကျန်းမာရေးဌာနက ရမည်းသင်းမြို့နယ် သိမ်ကုန်းကျေးရွာ နှင့် အနီးအနားတစ်ဝိုက်ရှိ ကျေးရွာ များကို စစ်တမ်းကောက်ယူခဲ့သည်။ သိမ်ကုန်းကျေးရွာအနီး သပြေပင် ချောင်းအတွင်းမှာ ဆိုင်ယာနိုက်နှင့် မာကျူရီဓာတ်များ လွန်ကဲနေသည်ကို တွေ့ရသော်လည်း လူနာများ၏ သွေး ကို ဓာတ်ခွဲရာတွင် အဆိုပါဓာတ် များ မတွေ့ရဘူးဟု ဆိုထားသည်။ ထိုရောဂါ မည်သို့ဖြစ်ပွားသည်ကို သုတေသနများ ဆက်လက်လုပ်ဆောင် သွားမည်ဟု လုပ်ငန်းခွင်ကျန်းမာရေး ဌာနမှ သိရသည်။
(ပြည့်ဖြိုးလှိုင်)
The Mirror Daily
http://ift.tt/1n2DVIZ
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/14bbmYg
Comments
Post a Comment