ရန်ကုန် မြောက်ပိုင်းခရိုင် အင်းစိန်မြို့နယ် မြို့သစ်( က+ခ) ရပ်ကွက်၊ ဘုရင့်နောင် လမ်းမပေါ်တွင် အောက်တိုဘာ ၃၁ ရက် ည ၇ နာရီ မိနစ် ၄ဝ ခန့်က ကွန်တိန်နာ ၁ဝ ဘီးယာဉ်တစ်စီး ဘရိတ်ပေါက်၍ ခ/၆ လမ်းထိပ်ရှိ ဓာတ်တိုင်၊ အငှားယာဉ်၊ ကွမ်းယာဆိုင်နှင့် ကားဝပ်ရှော့ဆိုင်တို့ ကို ဝင်ရောက်တိုက်မိခဲ့သည့် ဖြစ်စဉ် တစ်ခုဖြစ်ပွားခဲ့သည်။
ဖြစ်ပွားပုံမှာ ဘုရင့်နောင်လမ်းမ ကြီးအတိုင်း ရန်ကုန်ဘက်မှ ပေါက်တောဝဘက်သို့ ယာဉ်မောင်း နေဝင်းအောင်(၂၈ နှစ်) ဖိုလေးလုံးကျေးရွာ မကွေးမြို့နယ်နေသူ မောင်းနှင် လာသော H/----ကွန်တိန်နာ ၁ဝ ဘီးယာဉ်သည် မြို့သစ်(က+ခ) ရပ် ကွက်၊ ခ/၆ လမ်းထိပ်အရောက်တွင် ဘရိတ်ရှူးပေါက်၍ ဓာတ်တိုင်ကို ဝင်ရောက်တိုက်မိကာ ဓာတ်တိုင်နားတွင် ရပ်ထားသော အငှားယာဉ်နှင့်ကိုထင်ကျော် ကွမ်းယာဆိုင်၊ လှိုင်မင်း ကားပြင်ဆိုင်တို့ကို ဆက်လက်တိုက်မိရာ ဓာတ်တိုင်မှာ တိမ်းစောင်းသွားခဲ့ပြီး လျှပ်စစ်မီးများ ပြတ်တောက်သွားခဲ့သည်။
အဆိုပါ ဖြစ်စဉ်နှင့် ပတ်သက်၍ နယ်မြေ (၁၄) ယာဉ်ထိန်းတပ်ဖွဲ့စုမှ ယာဉ်မောင်းနေဝင်းအောင်ကို အရေးယူထားပြီး မြို့နယ်လျှပ်စစ်အုပ်ချုပ် ရေးမှူးနှင့်အဖွဲ့က လျှပ်စစ်ဓာတ်အားလိုင်းများကို လာရောက်စစ်ဆေးသည်။ ယင်းဖြစ်စဉ်တွင် တစ်ဦးတစ်ယောက်မျှ ထိခိုက်ဒဏ်ရာရရှိမှုမရှိကြောင်း သိရသည်။
မြင့်ဦး(အင်းစိန်)
Myanmaalinn
http://ift.tt/1nAnMka
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1o1YHQe
Comments
Post a Comment