ထမင်းပေါင်းအိုးအပူလွန်ကဲရာမှ မီးလောင်

ပျဉ်းမနား နိုဝင်ဘာ ၄

နေပြည်တော်ကောင်စီနယ်မြေ ဒက္ခိဏခရိုင် ပျဉ်းမနားမြို့နယ် ကင်ပွန်းတန်းအုပ်စု ကင်ပွန်းတန်းကျေးရွာ၌ ယနေ့နံနက် ၁ဝ နာရီခွဲက မီးလောင်မှုဖြစ်ပွားခဲ့သည်။

ဖြစ်စဉ်မှာ ကင်ပွန်းတန်းကျေးရွာ (၄)လမ်းနှင့်(၅)လမ်းကြားရှိ ဒေါ်အေးအေးဝင်း၏ အိမ်အပေါ်ထပ်၌ ထမင်းပေါင်းအိုးအပူလွန်ကဲပြီး မီးပလပ်ခုံရှော့ခ်ဖြစ်၍ အရည်ပျော်ကျရာမှတစ်ဆင့် စတင်လောင်ကျွမ်းခဲ့သည်။

မီးလောင်မှုကြောင့် လူတိရစ္ဆာန် အသေအပျောက် မရှိသော်လည်း ဒေါ်အေးအေးဝင်း၏ နေအိမ်အပေါ်ထရံလေးချပ်နှင့်အိမ်နီးချင်း ဦးတင်စိုး၏နေအိမ် အပေါ်ထပ်ထရံလေးချပ်ကို မီးကူးစက်လောင်ကျွမ်းခဲ့ပြီး နေအိမ်နှစ်လုံး အပေါ်ထပ်ပတ်လည်ထရံများ ဆုံးရှုံးခဲ့သည်။

အမှုဖွင့်စစ်ဆေးလျက်ရှိ

မီးလောင်ရာသို့ နေပြည်တော် မီးသတ်ဦးစီးဌာန ညွှန်ကြားရေးမှူး၊ ပျဉ်းမနားအထွေထွေအုပ်ချုပ်ရေးမှူး၊ မြို့နယ်ရဲတပ်ဖွဲ့မှူး၊ မြို့နယ်အဆင့်တာဝန်ရှိသူများ၊ မြို့နယ်မီးသတ်ဦးစီးဌာနနှင့်မီးသတ်တပ်ဖွဲ့ဝင်များရောက်ရှိ၍ ကျေးရွာနေပြည်သူများနှင့်ပူးပေါင်းငြှိမ်းသတ်ခဲ့ပြီး အိမ်ရှင်ဒေါ်အေးအေးဝင်းကို ပျဉ်းမနားမြို့မရဲစခန်းက အမှုဖွင့် စစ်ဆေးလျက်ရှိကြောင်း သိရသည်။

သတင်း-မျိုးဇေယျာ(ပျဉ်းမနား)

ဓာတ်ပုံ-ဇော်ထွန်းဝင်း

Myanmaalinn

http://ift.tt/1xK4A5u

from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1piy76p