တူရကီနိုင်ငံနှင့် နယ်နိမိတ်ချင်း ထိနေသည့် ဆီးရီးယားမြို့ ကိုဘာနီ၌ အစ္စလာမ္မစ် နိုင်ငံ(အိုင်အက်စ်) အစွန်းရောက် အုပ်စုဖြင့် စစ်ခင်းနေသော ကာ့ဒ်တိုက်ခိုက်ရေး သမားများသည် အင်္ဂါနေ့တွင် ရှေ့သို့ချီတက် နိုင်ခဲ့ကြောင်း သတင်းများ ရရှိသည်ဟု အေအက်ဖ်ပီက ဖော်ပြသည်။
ထိပ်တန်းကာ့ဒ် တာဝန်ရှိသူများက ၎င်း၏ တိုက်ခိုက်ရေးသမားများသည် တစ်လမ်းပြီးတစ်လမ်းသိမ်း၍ ရှေ့သို့ ချီတက်နေကြောင်း၊ မကြာမီကာလတွင် အိုင်အက်စ်တို့ကို မောင်းနှင်ထုတ်ပစ်နိုင်မည်ဟု ယုံကြည်ကြောင်း အေအက်ဖ်ပီ သတင်းဌာနသို့ ပြောကြားသည်။
ဆီးရီးယား လူ့အခွင့်အရေး စောင့်ကြည့်ရေးအဖွဲ့က အဆိုပါသတင်းကို မှန်ကန်ကြောင်း ထောက်ခံသည်။
ကာ့ဒ်ပြည်သူ့ကာကွယ်ရေး တပ်ဖွဲ့များ (ဝိုင်ပီဂျီ)တို့သည် တနင်္လာနေ့ညနေစောင်းမှ စတင်ကာ အိုင်အက်စ်တို့နှင့် အပြင်းအထန် တိုက်ခိုက်ပြီး မြို့တောင်ပိုင်းရှိ အဆောက်အအုံများ၊ လမ်းများကို အိုင်အက်စ်တို့ လက်မှသိမ်းယူနိုင်ခဲ့ကြောင်း ဗြိတိန်အခြေစိုက်စောင့်ကြည့်ရေးအဖွဲ့က ပြောသည်။
ကိုဘာနီမြို့ အနှံ့အပြား၌ တပ်စွဲထားသည့် အိုင်အက်စ်စခန်းများကို ဝိုင်ပီဂျီနှင့် အီရတ်ပက်ရ်ှမာဂါ တိုက်ခိုက်ရေးသမားများက လက်နက်ကြီးဖြင့် ပစ်ခတ်ခဲ့ကြောင်း ၎င်းအဖွဲ့ကပင် ပြောသည်။
တနင်္လာနေ့ညတွင် မြို့အရှေ့တောင်ပိုင်းရှိ အိုင်အက်စ် စခန်းများကို အမေရိကန်ဦးဆောင်သည့် ညွှန့်ပေါင်း အဖွဲ့က လေကြောင်းမှတိုက်ခိုက်ခဲ့သည်။ အေအက်ဖ်ပီ။
The Mirror Daily
http://ift.tt/1n2DVIZ
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1pOuS6U
Comments
Post a Comment