ကရင်အမျိုးသား အစည်းအရုံး KNU ၏ အရေးပေါ် ဗဟိုကော်မတီ အစည်းအဝေးကို ယနေ့မှ စတင်ကာ ဒေါနတောင်ခြေတွင် စတင်ကျင်းပနေပြီး ဗဟိုကော်မတီဝင် ၄၉ ဦး ရှိသည့်အနက် အားလုံးနီးပါး တက်ရောက်ခဲ့ကြသည်။
အစည်းအဝေးတွင် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC တွင် ဆက်လက်၍ အဖွဲ့ဝင်ဖြစ်ရေး မဖြစ်ရေးနှင့် ယခုလ ၁၃ ရက်နေ့က ဖွဲ့စည်းလိုက်သည့် ကော်သူးလေ တပ်မတော်ဆိုင်ရာ ကိစ္စများ အပါအ၀င် ငြိမ်းချမ်းရေး လုပ်ငန်းစဉ်ဆိုင်ရာများကို ဆွေးနွေးရန်ပါရှိသည်ဟု ဗဟိုကော်မတီဝင်တဦးကပြောသည်။
အမေရိကန်နိုင်ငံမှ စောရှားဝေါ်က " လက်ရှိဖြစ်ပေါ်နေတဲ့ အခြေအနေတွေနဲ့ ပတ်သက်ပြီး စည်းလုံးညီညွတ်မှုကို ထိခိုက်နိုင်တဲ့ အတွက် တာဝန်ရှိသူတွေ အမျိုးသား အကျိုးကို ရှေးရှုပြီး သဘောထားတွေ ကြီးပေးကြဘို့ တိုက်တွန်းချင်ပါတယ်"ဟုဆိုသည်။
ဘားအံခရိုင်ရှိ လေးဝါးတပ်စခန်းတွင် ယနေ့မှစတင်သည့် အရေးပေါ် ဗဟိုကော်မတီ အစည်းအဝေးကို၂၅ ရက်နေ့အထိ ကျင်းပမည် ဖြစ်သော်လည်း လိုအပ်ပါက ရက်ထပ်တိုးကာ ဆက်လက် ဆွေးနွေးကြမည်ဖြစ်သည်။
ယခုပြု လုပ်နေသည့် အစည်းအဝေးကို နိုင်ငံတကာရှိ ကရင်အမျိုးသားများက စောင့်ကြည့် လေ့လာလျှက်ရှိပြီး အမျိုးသားထု တရပ်လုံးအတွက် ကောင်းမွန်သော ရလဒ်ကိုသာ ရရှိစေလိုသည်ဟု သဘောထားပေးကြသည်။
ကရင်ပြည်နယ်အခြေစိုက် ကရင်နိုင်ငံရေး ပါတီတခု၏ ခေါင်းဆောင်တဦးက" ကျနော်တို့ ကရင်အမျိုးသားအများစုက KNU ကိုဘဲ စံအဖြစ်ထားရှိတာပါ သူတို့တလွဲတချော် လုပ်ကြမယ်ဆိုရင်တော့ သက်ရောက်မှုကကြီးတယ်ဆိုတော့ အကောင်းဆုံး အခြေရရှိဘို့ဘဲ မျှော်လင့်ပါတယ်"ဟု ပြောဆိုသည်။
သတင်းနှင့်ဓာတ်ပုံ - ကရင်အမျိုးသား (မီဒီယာ)
http://ift.tt/1wrrVdU
ပုံစာ - ပုံတွင်ပါရှိသည့် ခေါင်းဆောင်များ အပါအ၀င် ဗဟိုကော်မတီဝင် အားလုံးနီးပါး တက်ရောက်ခဲ့ကြသည်။
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1ow27vd
Comments
Post a Comment