စက်တင်ဘာ ၁၈ ရက်နေ့ကနေ ၁၉ ရက်နေ့အထိ ၂ ရက်ကြာ ကျင်းပနေတဲ့ ပထဆုံးအကြိမ် ညီလာခံမှာ ရှေ့ လုပ်ငန်းစဉ်တွေကို မနေ့က ဆွေးနွေးခဲ့ကြတယ်လို့ လှိုင်သာယာ ရွှေသံလွင်စက်မှုဇုန် E-group အထည်ချုပ်စက်ရုံ အလုပ်သမား သမဂ္ဂ ခေါင်းဆောင် ကိုပြည့်ဖြိုးအောင်က RFA ကို ပြောပါတယ်။
"အလုပ်သမားတွေအတွက် အမခံပေးမှုဆိုတာဘာမှသိပ်မရှိဘူး၊ လုပ်ငန်းရှင်ကလည်း သူအကျိုးအမြတ် ရပြီးတော့ အလုပ်သမားတွေကျတော့ ထိုက်သင့်တဲ့ခံစားတဲ့အခွင့်အရေး မပေးနိုင်ဘူးလား၊ အဲ့လိုကဏ္ဍ မျိုးတွေမှာ ကျနော်တို့က အကောင်အထည်ဖော်ပေးဖို့ တန်ဖိုးတွေကျဆင်းနေတဲ့ ဒီအလုပ်သမားတွေ ဘဝရေရှည်အောင် ခိုင်မာဖို့အတွက်အဖွဲ့သစ်ကို ကျနော်တို့ဖွဲ့တာပါ"
သမဂ္ဂဖွဲ့စည်းရာမှာပါဝင်မှုကြောင့် အလုပ်ထုတ်တဲ့ကိစ္စတွေ၊ လုပ်ခလစာနည်းပါးမှု၊ လုပ်ငန်းခွင်လုံခြုံရေးနဲ့ ကျန်းမာရေးစောင့်ရှောက်မှု စတာတွေကို ဒီ ညီလာခံမှာ သက်ဆိုင်ရာကဏ္ဍအလိုက် ဆွေးနွေးနေပါတယ်။
မြန်မာနိုင်ငံ ကုန်ထုတ်နဲ့ စက်မှုလက်မှုအလုပ်သမားအဖွဲ့ချုပ်ရဲ့ ညီလာခံကို ရန်ကုန်၊ မန္တလေး၊ မကွေးနဲ့ စစ်ကိုင်းတိုင်းဒေသကြီး စက်မှုဇုန်တွေက စက်ရုံအလုပ်ရုံ အလုပ်သမားသမဂ္ဂအဖွဲ့ဝင်တွေနဲ့ လေ့လာသူတစ်ချို့ပါ တတ်ရောက်ခဲ့ပြီး မနက်ဖန် ဒုတိယနေ့အဖြစ် ကျင်းပတဲ့အခါ အသင်းရဲ့ ဥက္ကဋ္ဌတစ်ယောက်နဲ့ ကော်မတီဝင် ၁၄ ဦးကို ရွေးကောက်တင်မြှောက်မှာ ဖြစ်ပါတယ်။
RFA Burmese
http://ift.tt/1kBhvP9
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1DnGyjq
Comments
Post a Comment