သဘာဝဘေးဒဏ်ခံ လယ်သမား ထောက်ပံ့ကြေးရမည်

သဘာဝဘေး အန္တရာယ်ကြောင့် သီးနှံတွေ ပျက်စီးဆုံးရှုံးရင် တိုင်းဒေသကြီးနဲ့ ပြည်နယ်အစိုးရတွေက မျိုးစပါးနဲ့ စိုက်ပျိုး စားရိတ်ကို နိုင်ငံတော် သမ္မတရဲ့သီးသန့်ရန်ပုံငွေကနေ ထောက်ပံ့နိုင်ကြောင်း လယ်ယာစိုက်ပျိုးရေးနဲ့ ဆည်မြောင်း ၀န်ကြီးဌာန ဒုတိယ၀န်ကြီး ဦးခင်ဇော်က ပြည်သူ့ လွှတ်တော်မှာ မနေ့က ပြောဆိုခဲ့ပါတယ်။

နွေစပါး စိုက်ပျိုး စရိတ်ချေးငွေဟောင်း အကြေပေးသွင်းပြီးမှ မိုးစပါး စိုက်ပျိုး စရိတ်ချေးငွေ အသစ် ထပ်ချေးတဲ့ စည်းကမ်းချက်ရှိပေမဲ့၊ သဘာဝဘေးနဲ့ ပိုးမွှားဒဏ်ကြောင့် သီးနှံတွေပျက်စီးဆုံးရှုံးပြီး ပြန်လည်ပေးဆပ်ဖို့ အခက်အခဲ ဖြစ်နေတဲ့ လယ်သမားတွေအတွက် အဲဒီစည်းကမ်းချက်ကို လျှော့ပေါ့ပေးဖို့ အစီအစဉ်ရှိ မရှိ၊ ရွှေဘိုမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါက်တာအောင်သန်းရဲ့ မေးမြန်းချက်ကို ဒုတိယ၀န်ကြီး ဦးခင်ဇော်က အခုလိုပြန်လည်ဖြေကြားခဲ့ပါတယ်။

"သဘာဝဘေးအန္တရာယ်ကြောင့် သီးနှံပျက်စီးမှုများအထူးများပြားစွာ ဖြစ်ပေါ်လာပါက ပြည်ထောင်စု၏ ဘဏ္ဍာငွေရသုံးဆိုင်ရာ ဥပဒေပြဌာန်းထားသည့်အတိုင်း တိုင်းဒေသကြီး ပြည်နယ်အစိုးရများအနေဖြင့် နိုင်ငံတော်သမ္မတ၏ သီးသန့်ရန်ပုံငွေမှ မျိုးစပါးများနဲ့ စိုက်စေ့များ တောင်သူလုပ်ငန်းများသို့ ထောက်ပံ့ပေးနိုင်ရေး လုပ်ထုံးလုပ်နည်းနဲ့အညီ တင်ပြဆောင်ရွက်လျှက်ရှိပါတယ်"

ဒါ့အပြင် ပြီးခဲ့တဲ့ သြဂုတ်လအတွင်းမှာ ပဲခူးတိုင်းအတွင်းရေကြီးခဲ့လို့ ပျက်စီးဆုံးရှုံးခဲ့တဲ့ လယ်ယာမြေ တွေအတွက် နိုင်ငံတော်သမ္မတရဲ့ သီးသန့်ရန်ပုံငွေထဲကနေပြီး ကျပ်သန်းပေါင်း တစ်ထောင်ကျော် ထောက်ပံ့ခဲ့ကြောင်းလည်း ဒုတိယ၀န်ကြီးက ပြောဆိုပါတယ်။

စပါးနဲ့ ကြံသီးနှံအတွက် တစ်ဧက တစ်သိန်းနှုန်းနဲ့ ဆယ်ဧကအထိ မြန်မာ့လယ်ယာဖွံ့ဖြိုးရေး ဘဏ်က ချေးပေးပြီး အခြားသီးနှံတွေအတွက် တစ်ဧကကို နှစ်သောင်းနှုန်းနဲ့ ချေးပေးနေကြောင်းသိရပါတယ်။

RFA Burmese

http://ift.tt/1mveILg

from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1rcUTaN