မကွေးတိုင်း ဒေသကြီး ပခုက္ကူခရိုင် ဂန့်ဂေါမြို့နယ် နှမ်းခါးရွာနေ အမျိုးသား တစ်ဦးထံက သိန်း ၁၃ဝဝ အမြတ်ခွန်မဲ ပေါက်သဖြင့် အမြတ်ခွန် ပေးဆောင်ရမည်ဆိုပြီး ငွေကျပ် ၁၂ သိန်းလိမ်လည်ယူမှု ဖြစ်ပွား ခဲ့သည်။
ဖြစ်စဉ်မှာ ဂန့်ဂေါမြို့နယ် နှမ်းခါး ကျေးရွာနေသူ ဦးကျော်ဝင်း (၅၂ နှစ်)သည် အောက်တိုဘာ ၁၄ ရက် နံနက် ၉ နာရီခန့်က နေအိမ်တွင်ရှိနေစဉ် ဦးဝင်းမင်းထွန်းဆိုသူက ဖုန်းနံပါတ် ဝ၉----- ဖြင့် သိန်း ၁၃ဝဝ အမြတ်ခွန် မဲပေါက်၍ ရရှိမည်ဖြစ်ကြောင်း၊ ထို သိန်း ၁၃ဝဝ အတွက် အမြတ်ခွန် ၅၂ သိန်း ပေးအပ်ရမည်ဖြစ်ကြောင်း၊ ဦးကျော်ဝင်းမှ ငွေ ၁၂ သိန်းသာ တတ်နိုင်ကြောင်းပြောသဖြင့် ထိုငွေ ၁၂ သိန်းအား ရန်ကုန်သို့လွှဲပို့ပေးရန် ပြောဆိုသဖြင့် ယင်းနေ့ မွန်းလွဲ၂ နာရီခွဲခန့်တွင် ကလေးမြို့ ရိုးမဘဏ်မှ ငွေလွှဲပို့ပေးခဲ့ကြောင်း၊ ထိုငွေလွှဲပို့ပေး ပြီးနောက် သိန်း ၁၃ဝဝ ကိုပြန်လည် လွှဲပို့ခြင်းမရှိခဲ့သဖြင့် မိမိလွှဲပို့ထားသည့် ငွေကျပ် ၁၂ သိန်းကို ကလေး ဘဏ်မှ ပြန်လည်သွားရောက်ထုတ်ယူရာ ရန်ကုန်မြို့ရိုးမဘဏ်ခွဲ(မင်္ဂလာ ဈေးဘဏ်)သို့ လွှဲပို့ပြီးဖြစ်ကြောင်း နှင့် ဦးထွန်းထွန်းစိုး (၄ဝ နှစ်) ဒဂုံ (မြောက်)ရန်ကုန်မြို့နေသူက ထုတ်ယူပြီးဖြစ်ကြောင်း၊ မှတ်ပုံတင်မိတ္တူသာ လက်ခံရရှိခဲ့၍ ငွေကျပ် ၁၂ သိန်းကို ဖုန်းဖြင့်ဆက်သွယ်ပြီး လိမ်လည်ရယူသွားသူကို စုံစမ်းဖော်ထုတ် အရေးယူပေးရန် ဦးကျော်ဝင်းက အောက်တိုဘာ ၁၅ ရက်တွင် တိုင်တန်းခဲ့ရာ ဂန့်ဂေါ မြို့နယ် ကန်နယ်မြေ ရဲစခန်းက အမှုဖွင့်ထားကြောင်း သိရသည်။
ကျော်ဇေယျ
Myanmaalinn
http://ift.tt/1xK4A5u
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1vun7Dg
Comments
Post a Comment