မြန်မာ့ရုပ်ရှင်နဲ့ ဗွီဒီယိုဇာတ်ကားတွေကို လာမယ့် ဒီဇင်ဘာလ ၁ ရက်ကစပြီး ဆင်ဆာအဖွဲ့ထံ တင်ပြပြီးမှ ထုတ်လုပ်ခွင့် ရရှိတော့မှာ ဖြစ်ပါတယ်။
ဆင်ဆာအဖွဲ့က အခုလိုပြန်လည် စိစစ်ရတာဟာ မြန်မာ့ရုပ်ရှင်လောကကို ထိန်းချုပ်လိုတာကြောင့် မဟုတ်ဘဲ ဗွီဒီယိုဇာတ်ကားတွေမှာ လိင်အသားပေးပြကွက်တွေ၊ သာသနာကို ညှိုးနွမ်းစေတဲ့ ပြကွက်တွေအပါအ၀င် မြန်မာ့ရိုးရာဓလေ့နဲ့ မကိုက်ညီတဲ့ ဇာတ်ဝင်ခန်းတွေ များလာတာကြောင့် ထိန်းကြောင်းပေးတဲ့သဘောသာ ဖြစ်တဲ့အကြောင်း ဇာတ်ကားအဆင့်အတန်း သတ်မှတ်စိစစ် အကဲဖြတ်အဖွဲ့ရဲ့ အဖွဲ့ဝင် ရှုမ၀ဦးတင်ငြိမ်းက ပြောပါတယ်။
မြန်မာဗွီဒီယိုဇတ်ကားတွေမှာ လိင်အသားပေး အခန်းတွေ များလာလို့ ဆင်ဆာပြန်တင်ခိုင်းတာကို လက်ခံနိုင်ပေမယ့် ဇာတ်ကားတကားလုံးပြီးမှ ဆင်ဆာဖြတ်မှာထက် ဇာတ်ညွှန်းကို အရင်တင်ပြီး ဖြုတ်တာမျိုးလုပ်ရင် ပိုအဆင်ပြေနိုင်မယ်လို့ ဒါရိုက်တာ ဦးသော်ကိုကိုကျော်က ပြောပါတယ်။
ဆင်ဆာအဖွဲ့ရဲ့ ထိန်းချုပ်မှုကြောင့် အနုပညာဖန်တီးမှုစွမ်းအားကို လျှော့ကျစေလို့ ဒါဟာ မြန်မာ့ရုပ်ရှင်လောကကို တိုးတက်သင့်သလောက်တိုးတက်မှု မရှိဘူးလို့ ဝေဖန်မှုတွေကလည်း အရင်က ရှိခဲ့တာပါ။
ဒါပေမယ့် ဆင်ဆာဖွင့်ပေးပြီး ၃ နှစ်နီးပါးလောက်အထိ ရုပ်ရှင်လောကမှာ ထူးခြားတဲ့ တိုးတက်မှုမျိုး မတွေ့ရပေမယ့် လိင်အသားပေး ပြကွက်တွေသာများလာပြီး မြန်မာဗွီဒီယို ဈေးကွက်ကလည်း အောက်ဆုံးအဆင့်ကို ရောက်နေတယ်လို့ ၀င်းရုပ်ရှင်ထုတ်လုပ်ရေး ဦးနေဒွေးဇော်က ဒီဗွီဘီကို ပြောပါတယ်။
By သိုက်ဇင် (ဒီဗွီဘီ)
http://ift.tt/1x71iYy
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1osa4l9
Comments
Post a Comment