တရားမဝင် လူကုန်ကူးမှုတိုက်ဖျက်ရေးကို မြန်မာနိုင်ငံရဲတပ်ဖွဲ့အနေဖြင့် ပြည်သူများနှင့် ပူးပေါင်း၍ အရေးယူဆောင်ရွက်လျက်ရှိရာ အောက်တိုဘာ ၁၄ ရက် ည ၁၁ နာရီခွဲက ပဲခူး တိုင်းဒေသကြီး ဖြူးမြို့နယ်တွင် တရုတ်ပြည်သို့ တရားမဝင်ပို့ဆောင်သူအချို့ ရောက်ရှိနေကြောင်း သတင်းအရ ဖြူးမြို့မရဲစခန်းမှ နယ်ထိန်း ခေါင်းဆောင် ဒုရဲအုပ်ကျော်ဇင်ထိုက်နှင့်အဖွဲ့ သည် ဖြူးအမြန်လမ်းရဲစခန်း ဇဟားချောင်း ရဲကင်းမှူး အရာခံဗိုလ်ရန်နိုင်ထွန်းတို့ပါဝင်သော ပူးပေါင်းအဖွဲ့က ခင်တန်းကြီးကျေးရွာအုပ်စု ပိန္နဲခုံ ကရင်ကုန်းကျေးရွာနေ ဒေါ်ကြည်ပြုံး(၅၂နှစ်) နေအိမ်ကိုဝင်ရောက်ရှာဖွေစစ်ဆေးခဲ့ရာ ဒေါ်ကြည် ပြုံး၏ နေအိမ်၌ ကိုကျော်အောင် (၃၉နှစ်) ကျော်လှ အုပ်စု ရင်းတိုက်စိန်ကျေးရွာ ဖြူးမြို့နယ်နေသူ နှင့်ဒေါ်ဝိုင်းမြင့် (၄၄နှစ်) စပ်သောင်(၁)ရပ်ကွက် ကညွတ်ကွင်းမြို့နေသူတို့ကို တွေ့ကြောင်း၊ လွန်ခဲ့ သောတစ်နှစ်ခွဲခန့်က ကိုကျော်အောင်၏ သမီး ဖြစ်သူ မအေး(၁၆နှစ်)၊ ဒေါ်ဝိုင်းမြင့်၏သမီး ဖြစ်သူ မလှလှမွန် (၂၈နှစ်) တို့ကို ဒေါ်ကြည်ပြုံးက တရုတ်နိုင်ငံသို့ တရားမဝင်ပို့ ဆောင်ထားကြောင်း၊ ပို့ဆောင်ထားသောသမီးများကို သွားရောက် တွေ့ဆုံရန် ဒေါ်ကြည်ပြုံးကခေါ်၍ ရောက်ရှိနေ ခြင်းဖြစ်ကြောင်း သိရသည်။
ထို့အတူ တရုတ်နိုင်ငံ သို့ ပို့ဆောင်ရန်ခေါ်ထားသော မခင်မာဦး (၂၅နှစ်) ညောင်ပင်သာစိမ့်ကြီးရွာ ဖြူးမြို့နယ်နေသူနှင့် တစ်ရွာတည်းနေ မခင်သူဇာဝင်း (၁၆ နှစ်) တို့နှစ်ဦး ကို တွေ့ရှိရ၍စစ်ဆေးခဲ့ရာ ဒေါ်ကြည်ပြုံးက တရုတ် နိုင်ငံတွင် တစ်နှစ်လျှင် ငွေကျပ်ခုနစ်သိန်းဖြင့် အလုပ်အကိုင်ရရှိမည်ဟုပြောပြီး ပို့ဆောင်ရန် ခေါ်ယူထားခြင်းဖြစ်ကြောင်း စစ်ဆေးပေါ်ပေါက် ချက်များအရ တရားဝင်ခွင့်ပြုချက်မရှိဘဲ ပြည်ပ တွင် အလုပ်အကိုင်ရရှိရေးအတွက် ပို့ဆောင်ပေး သူ ဒေါ်ကြည်ပြုံးကို ဖြူးမြို့မရဲစခန်းက အမှုဖွင့် အရေးယူထားကြောင်း သိရသည်။
ကိုလွင်(ဆွာ)
Myanmaalinn
http://ift.tt/1FezkA4
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1FeznvH
Comments
Post a Comment