အဲ့ဒီပါတီမှာ နာယကအဖြစ် ဦးဆောင်မယ့် ဦးစောနိုင်းနိုင်းက အဖွဲ့ဖွဲ့လိုက်တာနဲ့ ပတ်သက်ပြီး RFA ကို ပြောပါတယ်။
"ကျနော်တို့ အခုဖွဲ့တာက အမျိုးသား ဒီမိုကရေစီအဖွဲ့ချုပ် ပြင်ပရောက်နေတဲ့ နိုင်ငံရေး လုပ်ဖော်ကိုင်ဖက်တွေ စုစည်းတယ်၊ ရှေ့လျှောက်ကို ပါတီနိုင်ငံရေးမှာ ဘာတွေလုပ်သင့်လဲ၊ ဘယ်နည်းဘယ်ပုံစံ ပူးပေါင်းဆောင်ရွက်မလဲ၊ မကြာခင် ကျနော်တို့ နောက်ထပ်တိုးချဲ့ပြီးတော့ ဖွဲ့စည်းတဲ့ အဖွဲ့အစည်းတစ်ခုက နိုင်ငံရေးပါတီလုပ်မလား၊ ဒါမှမဟုတ် လွှတ်တော်ပြင်ပကနေ နိုင်ငံရေးပါတီမဟုတ်ဘဲနဲ့ လုပ်မလား ဒါကိုကျနော်တို့ ဆုံးဖြတ်ကြတယ်"
အဲဒီပါတီရဲ့ ကြေညာချက်မှာ ပြည်တွင်းငြိမ်းချမ်းရေး၊ တစ်မျိုးသားလုံးပါဝင်တဲ့ ပြည်ထောင်စု ညီလာခံကျင်းပရေး၊ အမျိုးသားရေးတန်းတူမှုနဲ့ ကိုယ်ပိုင်ပြဌာန်းခွင့်ရရှိရေး ဆိုတာတွေကို ဖေါ်ပြထားပါတယ်။
နိုင်ငံရေးပါတီတစ်ခုအနေနဲ့ မှတ်ပုံတင်ပြီး လာမယ့်ရွေးကောက်ပွဲတွေမှာ ၀င်ရောက်ယှဉ်ပြိုင်ဖို့ နောက်လာမယ့်အစည်းအဝေးတွေမှာ ဆုံးဖြတ်သွားမယ်လို့ ဦးစောနိုင်းနိုင်းက ပြောပါတယ်။
NLD ပါတီဝင်ဟောင်းတွေဖြစ်ကြတဲ့ ဦးစောနိုင်းနိုင်းက နာယကအဖြစ် ဦးဆောင်ပြီး ဥက္ကဌ ဒေါက်တာသက်မင်း၊ ဒုဥက္ကဌ ဒေါက်တာဇော်မြင့်၊ အထွေထွေအတွင်းရေးမှုး ဦးအောင်သူရ၊ အတွင်းရေးမှူး ဦးဒေးဗစ်လှမြင့် တို့နဲ့ ဖွဲ့စည်းလိုက်တာလို့ သိရပါတယ်။
RFA Burmese
http://ift.tt/1mveILg
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/104AcqY
Comments
Post a Comment