မာလာလာကို လုပ်ကြံသတ်ဖြတ်ဖို့ ကြိုးပမ်းခဲ့သူလို့ မသင်္ကာသူ ၁၀ ဦးကို ဖမ်းဆီး ထိန်းသိမ်းနိုင်ခဲ့ကြောင်း ပါကစ္စတန် အရာရှိတွေက သောကြာနေ့ မှာ ပြောပါတယ်။ သေမလောက်အထိ တိုက်ခိုက်ခံခဲ့ရတဲ့ ဒဏ်ရာတွေ ပြန်ကောင်း လာခဲ့ပြီးတဲ့နောက် မာလာလာဟာလည်း ကမ္ဘာသိ လူ့အခွင့်အရေး တက်ကြွလှုပ်ရှားသူတဦး ဖြစ်လာခဲ့ပါတယ်။
ပါကစ္စတန် လူမျိုးစုဒေသတွေမှာ အခြေစိုက်တဲ့ Tehrik-e-Taliban ညွန်ပေါင်းအဖွဲ့နဲ့ ဆက်နွယ်မှုရှိတဲ့ ပါကစ္စတန် တာလီဘန်အဖွဲ့ရဲ့ ညွန်ကြားချက်နဲ့ သူတို့က တိုက်ခိုက်ခဲ့တာဖြစ်တယ်လို့ အာဏာပိုင်တွေက ပြောပါတယ်။ သူတို့အနေနဲ့ မာလာလာကို တိုက်ခိုက်ခဲ့ကြောင်းလည်း အဲဒီအဖွဲ့က ၀န်ခံထားပြီး ဖြစ်ပါတယ်။
၂၀၁၂ ခုနှစ်အတွင်း အကြမ်းဖက်သမားတွေက သူမရဲ့ခေါင်းကို သေနတ်နဲ့ပစ်ပြီး လုပ်ကြံခြင်း မခံရခင်က မာလာလာဟာ ပါကစ္စတန်နိုင်ငံအတွင်းမှာ အမျိုးသမီးတွေ ပညာသင်ခွင့်ရဖို့အတွက် လိုက်လံ ဆော်သြနေသူ ဖြစ်ပါတယ်။ တခြား အမျိုးသမီးငယ် ၂ ဦးလည်း အဲဒီတိုက်ခိုက်မှုအတွင်း ထိခိုက် ဒဏ်ရာ ရခဲ့ကြပါတယ်။
ဗွီအိုအေ (မြန်မာပိုင်း)
http://ift.tt/1pZ2kjS
မာလာလာနဲ့ ဖခင်Ziauddin Yousafzai။ |
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1pZ2isj
Comments
Post a Comment