တက္ကသိုလ်နဲ့ ကောလိပ်ကျောင်းများစွာက ကျောင်းသားထောင်ပေါင်းများစွာဟာ တစ်ပတ်ကြာ သပိတ်ပွဲမှာ ပါဝင်ဖို့ သန္နိဋ္ဌာန်ချ ခဲ့ကြပါ တယ်။
ဒါဟာ ဒီမိုကရေစီ ရရှိရေး လှုပ်ရှားနေတဲ့ Occupy Central အဖွဲ့က အောက်တိုဘာ ၁ရက်မှာပြုလုပ်ဖို့ ရည်ရွယ်ထားတဲ့ ပိုမို ကျယ်ပြန့်ကြီးမားတဲ့ ကန့်ကွက်ဆန္ဒပြပွဲရဲ့ ရှေ့ပြေးတစ်ခုဖြစ်ပါတယ်။
ဆယ်ကျော်သက် တက်ကြွလှုပ်ရှားသူတွေဟာ တနလာင်္နေ့မနက်ပိုင်းက အလယ်တန်း ကျောင်းတွေ အပြင်မှာ ရပ်ပြီး ကျောင်းလာတက်တဲ့ ကျောင်းသားတွေကို အ၀ါရောင်ဖဲပြားတွေဝေကာ အတန်းမတက်ဘဲ သပိတ်မှောက်ကြဖို့ တိုက်တွန်းခဲ့ကြပါတယ်။ လူထုစုဝေးပွဲတွေ နဲ့ ဟောပြောပွဲတွေကိုလည်း သပိတ်မှောက် ကျောင်းသားတွေ ဦးစီး ပြုလုပ်ခဲ့ကြပါတယ်။
ဟောင်ကောင်ရဲ့ ခေါင်းဆောင်ပိုင်းကို ရွေးချယ်တင်မြှောက်မယ့် မဲဆန္ဒခံယူပွဲမှာ လွတ်လပ်စွာအမည်စာရင်းတင်သွင်းခွင့်ပေးရေးကို ဘေဂျင်းအစိုးရက ငြင်းပယ်ခဲ့တာဟာ ဟောင်ကောင်မှာ ဒီမိုကရေစီတိုးတက်လာစေရမယ်လို့ ၁၉၉၇ ခုနှစ်က ဗြိတိန် လက်ကနေ လွှဲယူစဉ် ပေးခဲ့တဲ့ ကတိက၀တ်နဲ့ ကိုက်ညီမှုမရှိဘူးလို့ ဆန္ဒပြကျောင်းသားတွေက ပြောပါတယ်။
ဘာသာပြန်-- မအေးသီမွန်
Ref: BBC
Kumudra
http://ift.tt/Y7HpWu
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/Z8XcVp
Comments
Post a Comment