တက္ကသိုလ်ကျောင်းသားများသမဂ္ဂ (တကသ) တွေက အမျိုးသားပညာရေးဥပဒေကို ကန့်ကွက်တဲ့ လှုပ်ရှားမှုကုို လှိုင်သာယာ နည်းပညာ တက္ကသုိုလ်ကျောင်းရှေ့မှာ ဒီနေ့ နေ့လယ် ၁၁ နာရီခွဲ ပြုလုပ်သွားဖုို့ ရှိနေပါတယ်။
ပြည်ထောင်စု လွှတ်တော်က အတည်ပြုထားတဲ့ အမျိုးသားပညာရေး ဥပဒေကို ရန်ကုန်၊ မန္တလေး၊ စစ်ကိုင်း စတဲ့ နုိုင်ငံတ၀ှမ်းက တက္ကသုိုလ်တွေ မှာ ကျောင်းသား သမဂ္ဂအဖွဲ့ဝင်တွေ ဆက်တုိုက်ဆုိုသလုို ကန့်ကွက်ဆန္ဒပြတဲ့ လှုပ်ရှားမှုတွေ အရှိန်မြှင့် လုပ်ဆောင်နေတာပါ။
အဲဒီအတွက် အစုိုးရနဲ့ ကျောင်းအာဏာပုိုင်တွေက တားဆီး ပိတ်ပင်မှုတွေ လုပ်ဆောင်နေတဲ့အပေါ်မှာ ကျောင်းသားသမဂ္ဂတွေက ရှုတ်ချလုိုက်ပြီး ပညာရေးစနစ်ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (အန်အန်အီးအာ) ရဲ့ ကြေညာချက်ပါ အချက် ၉ ချက် မရမချင်း ဆက်လက်လုပ်ဆောင်သွားမယ်လို့ ဆုိုပါတယ်။
အမျိုးသားပညာရေးဥပဒေမူကြမ်းမှာ ဗဟိုချုပ်ကိုင်မှုစနစ်ရှိနေတာ၊ ကျောင်းသားတွေ တောင်းဆိုနေတဲ့ သမဂ္ဂ ဖွဲ့စည်းခွင့် မပါရှိတာ၊ တိုင်းရင်းသားတွေ တောင်းဆိုနေတဲ့ ဘာသာစကားသင်ကြားခွင့်နဲ့ ပတ်သက်ပြီး အငြင်းပွားဖွယ် ဖြစ်စေတာတွေကြောင့် ပြန်လည်သုံးသပ်ရေးဆွဲသင့်တယ်လို့ အန်အန်အီးအာက ထောက်ပြဝေဖန်ထားပါတယ်။
By ဒီဗွီဘီ
http://ift.tt/1tZlwSI
ကွန်ပျုတာ တက္ကသိုလ် ဗဟန်းတွင် ပြီးခဲ့သည့် စက်တင်ဘာ ၁၀ ရက်နေ့ ဆန္ဒပြခဲ့ကြစဉ် |
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1tZlv16
Comments
Post a Comment