ရှမ်းပြည်နယ် (အရှေ့ ပိုင်း) တာချီလိတ်မြို့ နယ် ၀မ်ပုံနယ်မြေ ရဲစခန်း အနောက် တောင်ဘက် ၁၅မိုင်ခန့်  အကွာ ဝှေလေလန်ရွာ အနီးတွင် ယာဉ်နှစ်စီး မျက်နှာချင်းဆိုင် တိုက်မိ၍ ခေါက်ဆွဲ ဆိုင်သို့ အရှိန်လွန်ကာ ထပ်မံ ၀င်ရောက် တိုက်မိရာ ဆိုင်အတွင်းရှိ အမျိုးသမီး တဦး ဒဏ်ရာရရှိပြီး တစ်ဦးမှာ သေဆုံးသွားကြောင်း မြန်မာ့အလင်း သတင်းစဉ် အရသိရသည်။
ဖြစ်စဉ်မှာ စက်တင်ဘာလ ၁၈ရက်နေ့ ညက ဝှေလေလန်ရွာ အ၀င်တွင် အိုက်ဟောင်း မောင်းနှင် လာသော Vigo အဖြူရောင် ယာဉ်နှင့် မနန်းအိလျှိုး မောင်းနှင်လာသော ယာဉ် တိုက်မိပြီးနောက် လမ်းဝဲဘက်ခြမ်းရှိ ဦးအိုက်ခမ်း၏ ခေါက်ဆွဲ ဆိုင်ကို တိုက်မိခြင်း ဖြစ်သည်။
အဆိုပါ ယာဉ်တိုက်မှုကြောင့် ခေါက်ဆွဲဆိုင် စားပွဲထိုးများ ဖြစ်သည့် မနန်းဆု (၂၀နှစ်) မိုင်းပြင်းမြို့ နေသူနှင့် မနန်းဖောင်း (၂၀နှစ်) ဆန်ဆိုင်း (က)ရပ်ကွက် တာချီလိတ် မြို့ နေသူတို့ ဒဏ်ရာများ ရရှိခဲ့သဖြင့် တာချီလိတ် ပြည်သူ့ ဆေးရုံသို့ ပို့ ဆောင်စဉ် မနန်းဆုမှာ ရရှိသည့် ဒဏ်ရာဖြင့် သေဆုံးသွားကြောင်း ယနေ့ ထုတ် မြန်မာ့အလင်း သတင်းစဉ်မှာ ဖော်ပြထားပါသည်။
BY THIT HTOO LWIN
ဓါတ်ပုံ - မြန်မာ့အလင်း |
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1wBhy4s
Comments
Post a Comment