ကျောက်ဆည်မြို့တွင် နှစ်စဉ် သီတင်းကျွတ်လဆန်း ၁၄ ရက်နှင့် လပြည့်နေ့တို့တွင် ဆင်အကအလှနှင့် ဆင်ပြိုင်ပွဲများပါဝင်သော ဆင်လှူပွဲတော်ကို ကျင်းပလေ့ရှိသည်။
ကျောက်ဆည်မြို့ ဆင်လှူပွဲတော်သည် မြန်မာတစ်နိုင်ငံလုံးတွင် မည်သည့် အရပ်ဒေသတွင်မှ ကျင်းပခြင်းမရှိ သော ထူးခြားသည့်ပွဲတော်တစ်ခု ဖြစ်၍ ပွဲတော်ကာလတွင် အနယ်နယ် အရပ်ရပ်ရှိ ရပ်ဝေးရပ်နီးမှ ဧည့် ပရိသတ်များသာမက ကမ္ဘာလှည့် ခရီးသွားဧည့်သည်များပါ လာရောက် ကြသဖြင့် ကြက်ပျံမကျစည်ကားလှ သော ပွဲတော်တစ်ခုဖြစ်သည်။ ရှေးယခင်က ဆင်လှူပွဲတော်ကို ဆွမ်းတော်ကြီးကပ်ပွဲတွင် မုန့်ရုပ်ဆင်များ ထည့်ဝင်လှူဒါန်းရာမှ အရုပ်ဆင်များ ပါဝင်လှူဒါန်းလာကြသည်။
ကနဦး အရုပ်ဆင်များမှာ(၁)ထမ်းစင်ပေါ်တွင် ဝပ်ဆင်၊ ဆင်ဖြူတော်ခေါင်းမလှုပ်၊ (၂)ထမ်းစင်ပေါ်တွင် ဆင်ဖြူ တော်ခေါင်းလှုပ်၊ နားရွက်ခတ်၊ (၃) ထမ်းစင်ပေါ်တွင် မတ်တတ်ရပ် ဆင်ခေါင်း၊ နှာမောင်းလှုပ်ခတ်နိုင်ပြီး ထိုမှတစ်ဆင့် ရွှေဆင်ရုပ်၊ ငွေဆင်ရုပ်စသည်တို့ဖြင့် တီထွင်ခဲ့ကြသည်။
ယခုခေတ် လူများဝင်၍ ကရသော မြေနင်းဆင်ရုပ် များကို ကျောက်ဆည်မြို့ ညောင်ခြောက်ပင်ရပ် "ဆရာငယ်" က စတင်တီထွင်၍ "နွဲ့ဆိုး" ဟူသော အမည်ဖြင့် ၁၉၂၅ ခုနှစ်ခန့်က စတင်ပွဲထုတ်ခဲ့သည်။ ထိုမှတစ်ဆင့် ဆင်ချိုးပညာဆင့်ပွားကာ ယခုမြင်တွေ့ နေရသော မြေနင်းဆင်ရုပ် များဖြင့် ဆင်လှူပွဲတော်ကြီးကို ကျင်းပခဲ့ ကြသည်။ ယခင်က ဆင်လှူပွဲတော်နှင့် ဆင်အကအလှပြိုင်ပွဲတွင် ပြိုင်ပွဲဝင်ဆင်များသည် ဒိုးပတ်၊ နှဲ၊ လင်းကွင်း၊ မောင်း၊ ဝါးလက်ခုပ် စသည်များဖြင့် မြို့မဈေးကြီးကို လမ်းလျှောက်၍သာ ယှဉ်ပြိုင်ခဲ့ကြပြီး တိုးတက်ပြောင်းလဲ လာသော ခေတ်စနစ်အရ နောက်ပိုင်း နှစ်များမှစတင်ကာ ယခုလက်ရှိ အချိန်ထိ ကားကြီးကားငယ်အသွယ် သွယ်ဖြင့် ခေတ်ပေါ်တေးဂီတများဖြင့် ပါဝင်ယှဉ်ပြိုင်ကြလျက်ရှိသည်။
ထို့ကြောင့် ပြိုင်ပွဲကျင်းပရေး တာဝန်ရှိသူများက ရိုးရာမပျက်ရေးအတွက် ဒိုးပတ်၊ နှဲ၊ လင်းကွင်း၊ မောင်း၊ ဝါး လက်ခုပ်များဖြင့် ပါဝင်ယှဉ်ပြိုင်သော ဆင်များကို ရှေးရိုးရာဆုများချီးမြှင့်ကာ ဆောင်ရွက်လျက်ရှိသည်။ ဆင်အကအလှပြိုင်ပွဲကို သီတင်း ကျွတ်လဆန်း ၁၄ ရက် တစ်ရက် တည်းသာ ကျင်းပသောကြောင့် လူငယ်များသည် မိမိတို့ ပြင်ဆင်ထားရှိမှုနှင့် ပျော်ရွှင်ရသည့် အချိန် နည်းပါးသောကြောင့် ယခင် နှစ်နှစ် ဝန်းကျင်မှစတင်ကာ သီတင်းကျွတ်လဆန်း ၁၃ ရက် ညပိုင်းတွင်ပါမြို့တွင်းသို့ လှည့်လည်ကပြဧည့်ခံလေ့ ရှိလာကြသည်။ ထိုညတွင်လည်း ဆင်ပွဲတော်အလား စည်ကားလာခဲ့သည်။
ဆင်အကအလှ ပြိုင်ပွဲကြီးကို သီတင်းကျွတ်လဆန်း ၁၄ ရက် နံနက် ၈ နာရီခန့်တွင် ပြိုင်ပွဲဝင်ဆင်များနှင့် လှည့်လည်ဖျော်ဖြေမည့် ဆင်များဖြင့် ဆင်ပြိုင်ပွဲကြီးကို စတင်ဖွင့်လှစ်သည်။ ဆင်အကပြိုင်ပွဲဝင်မည့် ဆင်များသည် ဖွင့်ပွဲပြီးသည်နှင့် တစ်ပြိုင်နက် ဆက်လက် ယှဉ်ပြိုင်ကြရသည်။
ပြိုင်ပွဲဝင် ဆင်အဖွဲ့အစည်းများ အနေဖြင့် မြို့မဈေးကြီးကို သုံးပတ် ပတ်ကာ အမှတ်ပေးဒိုင် သုံးဒိုင်ကို ပါဝင်ယှဉ်ပြိုင်ကြရသည်။ ကျောက်ဆည် နယ်သူနယ်သားများသည် အနော်ရထာမင်းကြီး ဆောင်ရွက် ပေးတော်မူခဲ့သည့် ဆည်မြောင်းကန်ချောင်းတို့ကို အသုံးပြုကာ စိုက်ပျိုးမွေးမြူလုပ်ကိုင် စားသောက်နေသော ကြောင့် ကျေးဇူးတော်ကို အောက်မေ့ကာ သီတင်းကျွတ်လပြည့်နေ့တွင် ရွှေသာလျောင်း တောင်ထိပ်ထိတက်၍ ဘုရားကိုလက်ယာရစ်သုံးပတ်ပတ်ပြီး ဆွမ်းတော်ပွဲ များနှင့်အတူ ဆင်ရုပ်များကိုရေစက်သွန်းချလှူဒါန်းကြပြီး အနော်ရထာမင်းကြီးနှင့်တကွ ဆင်မယဉ်သာ(ဆင်ဖြူ)ကိုပါ ရည်မှန်း၍ အမျှအတန်းပေးဝေကြသည်။
ကျောက်ဆည်မြို့ ဆင်လှူပွဲတော်ကို နှစ်စဉ်ရှေးရိုးစဉ်လာမပျက် ရိုးရာပွဲတော်အဖြစ် ကျင်းပလာခဲ့ သည်မှာ အနော်ရထာမင်း လက်ထက် မှစ၍ ယနေ့ထက်တိုင် နှစ်ပေါင်း ၉၀၀ ကျော်ကြာမြင့်ခဲ့ပြီဖြစ်သည်။ ထိုကဲ့သို့ နှစ်ပေါင်း ၉၀၀ ကျော်တိုင် ရှေးရိုးစဉ်လာမပျက် နှစ်စဉ်ကျင်းပခဲ့သော ပွဲတော်တစ်ခု ဖြစ်ခြင်း၊ မြန်မာတွင် သာမက ကမ္ဘာတွင်ပါ လူသိများ ကျော်ကြား လှသောကြောင့် ကျောက်ဆည်မြို့ ဆင်လှူပွဲတော်သို့ တစ်ခေါက် တစ်ခါ အရောက်လာခဲ့ပါဟု ဖိတ်ခေါ် လိုက်ရပါသည်။
MOI Webportal Myanmar
http://ift.tt/1ouhij1
from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1DXS6uU
Comments
Post a Comment