ကျောက်ခေတ်ကာလ ရှေးဟောင်း သင်္ချိုင်းရာ တစ်ခု ဟန်လင်းမြို့ဟောင်း၌ တူးဖော်တွေ့ရှိ၍ ထိန်းသိမ်းထားရှိ

ဝက်လက် ၊ ၁၀-၉-၂၀၁၄

စစ်ကိုင်းတိုင်း ဒေသကြီး ရွှေဘိုခရိုင် ဝက်လက် မြို့နယ် ဟန်လင်း ပျူယဉ်ကျေးမှု မြို့ဟောင်းကြီး တွင် ယဉ်ကျေးမှု ဝန်ကြီးဌာန ရှေးဟောင်း သုတေသန နှင့် အမျိုးသား ပြတိုက် ဦးစီးဌာနမှ လူသား အရိုးစုများ ကျောက်ဖြစ် နေသည့် ရှေးဟောင်း သင်္ချိုင်းရာ တစ်ခုကို တူးဖော် တွေ့ရှိ၍ စနစ်တကျ ထိန်းသိမ်း စောင့်ရှောက် ထားကြောင်း ဟန်လင်း မြို့ဟောင်း ပျူယဉ်ကျေးမှု ပြတိုက် တာဝန်ခံ တစ်ဦးထံမှ သိရသည်။

''အဲဒီ သင်္ချိုင်းရာ က လွန်ခဲ့တဲ့ နှစ်ပေါင်း ၂ဝဝဝ နဲ့ ၅ဝဝဝ အကြားက ဖြစ်နိုင် မယ်လို့ ယူဆရ ပါတယ်။ စတင် တူးဖော် တွေ့ရှိ ရတာက ၂ဝဝ၅ ခုနှစ်က ဖြစ်ပါတယ် ... '' ဟု ၄င်းက ဆက်လက်၍ ပြောပြသည်။

အဆိုပါ သင်္ချိုင်းရာ သည် ဟန်လင်း မြို့ဟောင်း၏ တောင်ဘက် အရပ် မြို့ရိုး အပြင်ဘက် နေရာ၊ ရွှေဂူကြီး ဘုရား မြောက်ဘက် အနီးတွင် တည်ရှိသည်။ ၄င်း သင်္ချိုင်းအတွင်း ရှိ ရုပ်လောင်း အရိုးစု များသည် မြောက်အရပ် သို့ ဦးခေါင်း တည်၍ စနစ်တကျ မြှုပ်နှံ ထားခြင်း ဖြစ်သည်။ ရုပ်အလောင်း များနှင့်အတူ မြေအိုးများ၊ လက်ဝတ် ရတနာများ ကိုပါ ထည့်သွင်း မြှုပ်နှံ ထားသည် ကိုလည်း တွေ့ရသည်။

အချို့သော ရုပ်အလောင်း များမှာ ၄င်းတို့ မြှုပ်နှံထားရှိရာ မြေလွှာတွင် ကန့်၊ ဆား နှင့် ထုံးဓာတ်များ ပါဝင် နေခြင်းကြောင့် ရုပ်အလောင်း ၏ တစ်ဝက် တစ်ပြတ် နေရာများမှာ ကျောက် ဖြစ်နေသည်ကို ရှေးဟောင်း သုတေသန အဖွဲ့က စိစစ် တွေ့ရှိ ခဲ့ရကြောင်း မှတ်တမ်း များတွင် ဖော်ပြ ထားသည်။

အဆိုပါ သင်္ချိုင်းရာ အတွင်းရှိ ရုပ်အလောင်းများ မြှုပ်နှံ ထားသည့် မြေလွှာ၏ အတိမ်၊ အနက် တို့ကို ထောက်ရှုခြင်း အားဖြင့် ၄င်းသင်္ချိုင်းရာ သည် ခေတ် အဆက်ဆက်က မြှုပ်နှံသဂြုင်္ိဟ် ခဲ့သည်ဟု ရှေးဟောင်း သုတေသန အဖွဲ့က ခန့်မှန်းယူဆ ထားကြောင်း သိရသည်။

အဆိုပါ သင်္ချိုင်းရာကို တူးဖော်စဉ် ကာလက ရှေးခေတ် လူသားများက အဆောင် အယောင် အဖြစ် အသုံးပြု ခဲ့သော ကျောက်ချော လက်နက်များ၊ ကျောက် ပုတီးစေ့များ နှင့် ကြေးခလောက် တို့ကို သင်္ချိုင်းရာ အတွင်းမှ တူးဖော် ရရှိခဲ့သည်။

မြန်မာနိုင်ငံ၏ လူ့ ယဉ်ကျေးမှု အစဉ်အလာ သည် ရှေးယခင် နှစ်ပေါင်း များစွာကပင် စတင်၍ စနစ်တကျ မြေမြှုပ်သဂြုင်္ိဟ် ခဲ့သည့် အစဉ်အလာ ထွန်းကား ခဲ့ကြောင်း အဆိုပါ သင်္ချိုင်း၏ အထောက်အထား များအရ သိရသည်။

#Yadanarpondaily

http://ift.tt/1sgk0NA

from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1sgk2Fa