ဆိုမာလီ al-Shabab ခေါင်းဆောင် သေဆုံးကြောင်း ကန် အတည်ပြု

ဆိုမားလီးယားနိုင်ငံမှာ ပြုလုပ်ခဲ့တဲ့ အမေရိကန် လေကြောင်း တိုက်ခိုက်မှု အတွင်း အကြမ်းဖက် စစ်သွေးကြွ အဖွဲ့ al-Shabab ခေါင်းဆောင် Ahmed Abdi Godane သေဆုံး သွားကြောင်း အမေရိကန် အရာရှိတွေက အတည်ပြု ပြောဆို ပါတယ်။ တနင်္လာနေ့က ပြုလုပ်ခဲ့တဲ့ အမေရိကန် စစ်ဆင်ရေးကြောင့် Godane သေဆုံးသွားခြင်း ဖြစ်ကြောင်း ပင်တဂွန် ပြောခွင့်ရ ရေတပ်ဗိုလ်ချုပ် John Kirby က ကြေညာချက်ထုတ်ပြန် ပြောဆိုပါတယ်။

ဆိုမားလီးယားတောင်ပိုင်းမှာ al-Shabab အဖွဲ့ စည်းဝေးပွဲလုပ်နေတဲ့အချိန် အမေရိကန် မောင်းသူမဲ့ယာဉ်က ဒုံးကျည်နဲ့ ပစ်ခတ်လိုက်တာ ဖြစ်တယ်လို့ မျက်မြင် သက်သေတွေက ပြောပါတယ်။ Al-Shabab အဖွဲ့ အားနည်းသွားအောင် အမေရိကန် အနေနဲ့ အမြဲတမ်း ကြိုးပမ်း ဆောင်ရွက်နေခဲ့ကြောင်း သမ္မတ Barack Obama ကလည်း သောကြာနေ့မှာ ပြောပါတယ်။

အမေရိကန်က အခုလို ခေါင်းဆောင်ကို သတ်ဖြတ်လိုက်နိုင်တာဟာ al-Shabab အဖွဲ့အတွက် အထိနာစေတဲ့ လုပ်ရပ်ဖြစ်တယ်လို့ တခြား ပင်တဂွန် ပြောခွင့်ရပုဂ္ဂိုလ် ဗိုလ်မှူး Steve Warren ကလည်း ဗွီအိုအေကို ပြောပါတယ်။

ဆိုမားလီးယားအစိုးရက Godane ဘယ်နေရာမှာ ရှိနေတယ်ဆိုတာကို လက်ထောက်ချပေးခဲ့တာဖြစ်ပြီး ၀င်ရောက် တိုက်ခိုက်ခွင့်လည်း ပြုခဲ့ကြောင်း ဆိုမားလီး ၀န်ကြီးချုပ် Abdiweli Sheikh Ahmed က ဗွီအိုအေကို ပြောပါတယ်။

ဗွီအိုအေ (မြန်မာပိုင်း)

http://ift.tt/1qD5oGj

ဆိုမာလီးယားနိုင်ငံ အကြမ်းဖက် စစ်သွေးကြွအဖွဲ့ al-Shabab။

from သစ်ထူးလွင် (နေ့စဉ်သတင်း) - Thit Htoo Lwin http://ift.tt/1qD5ptY