ကိုယ်ပိုင်လေယာဉ်ဖြင့် လာရောက်သည့် ခရီးသည်များ သီးသန့်နားနေ ထွက်ခွာနိုင်မည့် Myna...

ကိုယ်ပိုင်လေယာဉ်ဖြင့် လာရောက်သည့် ခရီးသည်များ သီးသန့်နားနေ ထွက်ခွာနိုင်မည့် Mynamar MJETS Business Aviation Centre ဖွင့်လှစ်



မြန်မာနိုင်ငံသို့ ကိုယ်ပိုင်လေယာဉ်ဖြင့် လာရောက်သည့် ခရီးသည်များအနေဖြင့် ရန်ကုန်လေဆိပ် အဆောက်အုံအား အသုံးပြုရန်မလိုဘဲ သီးသန့်နားနေ ထွက်ခွာနိုင်မည့် Myanmar MJETS Business Aviation centre အား ရန်ကုန်အပြည်ပြည်ဆိုင်ရာ လေဆိပ်၌ သြဂုတ် ၂ ရက်တွင် စတင်ဖွင့်လှစ်ခဲ့ကြောင်း သတင်းရရှိသည်။



Myanmar MJETS Business Aviation centre သည် ကိုယ်ပိုင်လေယာဉ်ဖြင့် မြန်မာနိုင်ငံသို့ လာရောက်သည့် ခရီးသည်များ ရန်ကုန်လေဆိပ် အဆောက်အအုံအား အသုံးပြုရန်မလိုဘဲ အဆိုပါစင်တာ၌ပင် လူဝင်မှုကြီးကြပ်ရေးနှင့် အကောက်ခွန်လုပ်ငန်းစဉ်များ အပါအ၀င် လေဆိပ်ဝန်ဆောင်မှု လုပ်ငန်းများကိုပါ တစ်ပါတည်းပြုလုပ်၍ သီးသန့်ထွက်ခွာနိုင်မည် ဖြစ်သည်။



မြန်မာနိုင်ငံကိုလာတဲ့ စီးပွားရေးလုပ်ငန်းရှင်တွေ၊ ကိုယ်ပိုင်လေယာဉ်စီး ခရီးသည်တွေအနေနဲ့ အများနဲ့ရောနှော အသုံးပြုရတဲ့ လေဆိပ်အဆောက်အုံကို အသုံးမပြုဘဲ သီးသန့် facilities ကို ရယူချင်တဲ့သူတွေအနေနဲ့ Myanmar MJETS Business Aviation centre (MMBAC) ကို အသုံးပြုနိုင်မှာဖြစ်ပါတယ်။ ဒီ (MMBAC) မှာ ကိုယ်ပိုင် Control၊ Custom၊ Immigration၊ X-rays နဲ့ လုံခြုံရေးတွေ အားလုံးထားရှိ ပေးသွားမှာ ဖြစ်ပါတယ်" ဟု Myanmar MJETS မှ Executive Chairman ဦးအုန်းမြင့်က ပြောကြားသည်။



Myanmar MJETS Business Aviation centre အနေဖြင့် ကိုယ်ပိုင်လေယာဉ်ထားရှိ၍ စင်းလုံးငှားလေယာဉ်နှင့် လူနာတင်ယာဉ်ဝန်ဆောင်မှု (Air Charter & Air Ambulance) အား ၀န်ဆောင်မှုပေးသွားမည်ဟု သိရသည်။



Myanmar MJETS Business Aviation centre သည် နိုင်ငံပိုင်မြန်မာ့လေကြောင်းလိုင်းနှင့် Joint Operation အနေဖြင့် ပူးပေါင်းလုပ်ဆောင်ခြင်းဖြစ်ပြီး၊ မြန်မာ့လေကြောင်းမှ လေယာဉ်ရုံအဆောက်အုံအား ငှားရမ်း၍ (MMBAC) အဆောက်အုံအား တည်ဆောက်ထားခြင်းဖြစ်ကြောင်း သိရသည်။



"နိုင်ငံတိုင်းက နိုင်ငံတကာလေဆိပ်တွေမှာ ဒီလိုအဆောက်အုံတွေရှိတယ်။ မြန်မာ့လေကြောင်းကတော့ မြေနေရာငှားရမ်းပေးပြီး Joint Operation အနေနဲ့ လုပ်တဲ့သဘောပါ။ MJETS အနေနဲ့ကတော့ Market ရှာဖွေပေးနိုင်မှာ ဖြစ်တဲ့အတွက် နောက်ဆို JV အနေနဲ့ လုပ်ဆောင်သွားဖို့ စီစဉ်ထားပါတယ်" ဟု မြန်မာ့လေကြောင်းမှ ဦးဆောင်ညွှန်ကြားရေးမှူး ဦးသန်းထွန်းက ပြောကြားသည်။



Myanmar MJETS Business Aviation centre တွင် ရရှိနိုင်မည့် ၀န်ဆောင်မှုလုပ်ငန်းများမှာ Business Aviation Centre, Business and Conference Facilities, Pilots Briefing room, Baggage service, Aircraft Services များဖြစ်သည့် Aircraft Refueling, Aircraft Handling, Aircraft Washing & Bright Work, Aircraft Cleaning, Hotel Reservations နှင့် Tour Booking စသည့် ၀န်ဆောင်မှုများကိုပါ ပြုလုပ်ပေးသွားမည်ဟု သိရသည်။



ရန်ကုန်အပြည်ပြည်ဆိုင်ရာ လေဆိပ်ရှိ (MMBAC) အဆောက်အအုံအား တွေ့ရစဉ်







from Eleven Media Group's Facebook Wall http://ift.tt/1kunAT4