MPT နှင့် ပူးပေါင်းထားသည့် KDDI က မြှုပ်နှံမည်ဆိုသော ဒေါ်လာနှစ်ဘီလျံကျော်မှာ ချေးငွေများသာဖြစ်၍ အားလုံးပြန်ဆပ်ရမည်ဖြစ်ပြီး အသားတင်အမြတ်၏ ရာခိုင်နှုန်း ၅၀ ကိုလည်း KDDI သို့ခွဲပေးရန် စီစဉ်

မြန်မာ့ဆက်သွယ်ရေးလုပ်ငန်း MPT နှင့် ပူးပေါင်းထားသည့် KDDI က စိုက်ထုတ်မြ§ုပ်နှံမည်ဆိုသော အမေရိကန်ဒေါ်လာ နှစ်ဘီလျံကျော်မှာ မြန်မာ့ဆက်သွယ်ရေး ကဏ္ဍအတွက် အပြီးထည့်ဝင်မြှုပ်နှံမည့် ငွေများမဟုတ်ဘဲ ခေတ္တထုတ်ချေးပေးသည့် ငွေများသာဖြစ်ပြီး အားလုံးပြန်ဆပ်ရမည်ဟု မြန်မာ့ဆက်သွယ်ရေးလုပ်ငန်း အသိုင်းအဝိုင်းမှ စုံစမ်းသိရှိရသည်။



KDDI ဘက်က အမေရိကန်ဒေါ်လာ နှစ်ဘီလျံကျော်ကို ရင်းနှီးမြှုပ်နှံသည်ဟုသာ ထုတ်ဖော်ပြောကြားထားသော်လည်း အမှန်တကယ် MPT နှင့် KDDI-Summit Global Myanmar Co.Ltd တို့ သဘောတူစာချုပ်ချုပ်ဆိုရန် ပြင်ဆင်နေမှုအရဆိုပါက ချေးငွေသာဖြစ်ပြီး ပြန်ဆပ်ရမည်ဖြစ်ကြောင်း သိရသည်။



KDDI သို့ အားလုံးပြန်ဆပ်ရမည့်အပြင် အကျိုးအမြတ်ခွဲဝေရာတွင်လည်း အသားတင်အမြတ်၏ ရာခိုင်နှုန်း ၅ဝ ကို KDDI သို့ပေးရန် စီစဉ်လျက်ရှိကြောင်း သိရသည်။



မြန်မာ့ဆက်သွယ်ရေးလုပ်ငန်း (MPT) သည် ဆက်သွယ်ရေး ဝန်ဆောင်မှုများအတွက် နိုင်ငံတကာမှ လာရောက်မြှုပ်နှံသည့် Telenor၊ Ooredoo တို့နှင့် ယှဉ်ပြိုင်နိုင်ရန်အတွက် KDDI ဖြင့် ပူးပေါင်းထားခြင်းဖြစ်သည်။



KDDI-Summit Global Myanmar ကုမ္ပဏီလီမိတက်နှင့် MPT တို့သည် ပူးပေါင်းဆောင်ရွက်မှု သဘောတူညီချက် Joint Operation Agreement ကိုချုပ်ဆိုရန် ပြင်ဆင်ထားပြီး ပြည်ထောင်စုအစိုးရအဖွဲ့သို့ တင်ပြထားကြောင်း မြန်မာ့ဆက်သွယ်ရေးလုပ်ငန်း အသိုင်းအဝိုင်းမှ သိရသည်။



အဆိုပါ Joint Operation Agreement အရဆိုပါက စာချုပ်သက်တမ်း ၁ဝ နှစ်ဖြစ်ပြီး KDDI Summit Global Myanmar Co.Ltd မှ စိုက်ထုတ်မြှုပ်နှံမည့် အမေရိကန်ဒေါ်လာ နှစ်ဘီလျံကို နှစ်အလိုက် ပြန်လည်ပေးဆပ်ရမည်ဖြစ်ကြောင်း၊ MPT မှ လက်ရှိဝန်ထမ်းများကို အသုံးပြုမည်ဖြစ်ကြောင်း၊ ဝန်ထမ်းများအတွက် လစာကို MPT ဘက်မှသာ ကျခံသုံးစွဲရမည်ဖြစ်ကြောင်း စသည်ဖြင့် အချက်များပါဝင်သည်ဟု သိရသည်။



ထူးခြားချက်အနေဖြင့် KDDI က အမေရိကန်ဒေါ်လာ နှစ်ဘီလျံကျော်ကို စိုက်ထုတ်မြှုပ်နှံမည် ဆိုသော်လည်း အမှန်တကယ်တွင် အမေရိကန်ဒေါ်လာ တစ်ဘီလျံကျော်ကိုသာ ၎င်းတို့ဘက်မှ စိုက်ထုတ်ရခြင်းဖြစ်ကြောင်း သိရသည်။



ဥပမာအားဖြင့် သုံးနှစ်အတွင်း KDDI မှ အမေရိကန်ဒေါ်လာ တစ်ဘီလျံကျော်ကို စိုက်ထုတ်ပေးထားပြီး MPT နှင့် KDDI ပူးပေါင်းထားသည့် Joint Operation က အဆိုပါ တစ်ဘီလျံကို နှစ်စဉ်သတ်မှတ်ထားသည့် ပမာဏအတိုင်း ပြန်ဆပ်ရမည်ဖြစ်ကြောင်း၊ ပြန်ဆပ်သည့်ငွေဖြင့် KDDI မှ ပြန်လည်စိုက်ထုတ်ပေးခြင်းဖြစ်ကြောင်း၊ ထို့အတွက် KDDI မှ အမှန်တကယ် စိုက်ထုတ်ရသည့် ပမာဏမှာ ဒေါ်လာတစ်ဘီလျံကျော်သာရှိကြောင်း သိရသည်။



မြန်မာ့ဆက်သွယ်ရေးလုပ်ငန်း အသိုင်းအဝိုင်းမှ Joint Operation Agreement အပေါ် သိရှိထားသူတစ်ဦးက “လူတိုင်းသိထားတာက KDDI ဘက်က ဒေါ်လာနှစ်ဘီလျံကျော် စိုက်ထုတ်မြှုပ်နှံမယ်လို့ သိထားတာ။ တကယ်က ဒေါ်လာနှစ်ဘီလျံကျော်စလုံးကို နှစ်ဖက်ပေါင်းထားတဲ့ Joint Operation က ပြန်ဆပ်ရမှာဆိုတော့ သူက ခေတ္တစိုက်ထုတ် ချေးပေးတာပဲပေါ့။ ပြီးတော့ ဒေါ်လာနှစ်ဘီလျံစလုံးကို တစ်ခါတည်းစိုက်ထုတ်ရမှာ မဟုတ်ဘူး။ ပထမ ၃၊ ၄ နှစ်လောက်အတွင်းမှာ ဒေါ်လာတစ်ဘီလျံကျော်ကိုပဲ စိုက်ထုတ်ရမှာ။ အဲဒီ တစ်ဘီလျံကျော်ကို Joint Operation က နှစ်အလိုက် ပြန်ဆပ်ရမယ်။ အဲဒီပြန်ဆပ်တဲ့ငွေနဲ့ နောက်ပိုင်းနှစ်တွေမှာ ပြန်စိုက်ထုတ်မှာ။ ဒီတော့ သူတကယ်တမ်း စိုက်ထုတ်ပေးတာက ဒေါ်လာတစ်ဘီလျံကျော်ပဲ ရှိတယ်။ ၁ဝ နှစ်စာ သူ့ဘက်စိုက်ထုတ်တာတွေ အကုန်ပေါင်းထားလို့သာ နှစ်ဘီလျံကျော် ဖြစ်နေတာ။ တစ်ဘီလျံကျော်နဲ့ပဲ လှည့်ပတ်သုံးစွဲမှာ။ အကျိုးအမြတ်ခွဲတဲ့ အခါကျတော့ အသားတင် အမြတ်ပေါ်မှာ ၅ဝ ရာခိုင်နှုန်းသူ့ကို ပေးရမယ့်နှုန်းနဲ့ စာချုပ်ဖို့ပြင်ဆင်နေကြတယ်လို့ သိထားတယ်။ ရှင်းရှင်းပြောရင်ဗျာ အဲဒီ Joint Operation မှာ လက်ရှိ MPT ဝန်ထမ်းတွေကို သုံးမယ်ဆိုပေမယ့် အဲဒီဝန်ထမ်းလစာတွေကိုလည်း Joint Operation က မခံဘူး။ MPT ကပဲ ကျခံရမယ်။ ခြုံကြည့်ရင် KDDI ဘက်က ဒေါ်လာ တစ်ဘီလျံကျော်ကို ခဏထုတ်ချေးပေးတာရယ် နည်းပညာယူလာတာရယ် ရှိမယ်။ မြန်မာဘက်က ဒေါ်လာတစ်ဘီလျံကိုလည်း ပြန်ဆပ်။ MPT ရဲ့ ဝန်ထမ်းလစာလည်း ကိုယ့်ဟာကိုယ်ပေး၊ အကျိုးအမြတ်ကိုလည်း ၅ဝ ရာခိုင်နှုန်း ခွဲပေးရမှာပေါ့။ မိုဘိုင်းစခန်းသစ်တွေ၊ တာဝါတိုင်သစ်တွေ အများကြီးကတော့ ထပ်ရလာမယ်။ ဒါကလည်း ပြန်ဆပ်ရမယ့်ငွေနဲ့ လုပ်တာဆိုတော့ ကိုယ့်ငွေနဲ့ ကုန်ကျခံလုပ်တာလို့ပဲ ပြောရမှာပဲ” ဟု ရှင်းပြသည်။



မြန်မာ့ဆက်သွယ်ရေးလုပ်ငန်း အနေဖြင့် မိုဘိုင်းဖုန်းများကို ကနဦးတပ်ဆင်ခ ကျပ် ၁၅ သိန်းအထိယူ၍ နိုင်ငံတကာတွင်မရှိသည့် နှုန်းများဖြင့် ချထားပေးခြင်းကြောင့် ယခင်က ဖုန်းတစ်လုံးပြင်ပပေါက်ဈေးကျပ် ၂၅ သိန်းမှ ကျပ်သိန်း ၄ဝ အထိ ဝယ်ယူသုံးစွဲခဲ့ရသူများ နစ်နာခဲ့ရဖူးသည်။

• Business

from Eleven Daily News http://ift.tt/1ucxhWx