အာဆီယံအတွက် အရေးအကြီးဆုံးအချိန်
လက်ရှိအာဆီယံဥက္ကဋ္ဌ မြန်မာနိုင်ငံတွင် (၄၇) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးကို နေပြည်တော်၌ ကျင်းပနေပြီဖြစ်သည်။ အမေရိကန်၊ တရုတ်၊ ရုရှား အပါအ၀င် အင်အားကြီးနိုင်ငံများမှ ကိုယ်စားလှယ်များ တက်ရောက်မည့် အာဆီယံဒေသတွင်း ဖိုရမ်ကိုလည်း နေပြည်တော်တွင် ကျင်းပမည်ဖြစ်သည်။
ထို့ပြင် ယခုတစ်ကြိမ် အာဆီယံနိုင်ငံခြားရေးဝန်ကြီးများ အစည်းအဝေးနှင့် အတူကျင်းပမည့် အာဆီယံဒေသတွင်းဖိုရမ်သည် စိတ်ဝင်စားစရာဖြစ်သည်။ အမေရိကန်နိုင်ငံခြားရေးဝန်ကြီး ဂျွန်ကယ်ရီ၊ တရုတ်နိုင်ငံခြားရေးဝန်ကြီး ၀မ်ရီ၊ မြောက်ကိုရီးယားနိုင်ငံခြားရေးဝန်ကြီး ရီဆုယောင်တို့အပြင် ကနေဒါ၊ ဂျပန်၊ တောင်ကိုရီးယား၊ အိန္ဒိယ၊ ဥရောပသမဂ္ဂ၊ သြစတြေးလျ၊ နယူးဇီလန်နှင့် ရုရှားတို့မှ ကိုယ်စားလှယ်များ တက်ရောက်ကြမည်ဖြစ်သည်။ အာရှ၏ အကြီးဆုံးသော လုံခြုံရေးဆိုင်ရာ ဆွေးနွေးပွဲအဖြစ် အများသိသည့် အာဆီယံဒေသတွင်းဖိုရမ်သို့ မြောက်ကိုရီးယားနိုင်ငံမှ ကိုယ်စားလှယ်များ တက်ရောက်မည်ဆိုသည်မှာ ရှားပါးသည့်ဖြစ်စဉ် တစ်ခုအဖြစ်လည်း မှတ်ချက်ပြုကြသည်။ သုံးရက်ကြာကျင်းပမည့် အစည်းအဝေးတွင် အရှေ့တောင်အာရှ နျူကလီးယားလက်နက် ကင်းစင်ရေးဇုန် သဘောတူစာချုပ် လက်မှတ်ရေးထိုးရေးဆိုင်ရာ အစည်းအဝေး၊ လူ့အခွင့်အရေးဆိုင်ရာ အာဆီယံအစိုးရချင်း ပူးပေါင်းဆောင်ရွက်ရေးဆိုင်ရာ ကော်မရှင်အစည်းအဝေး၊ (၄၇)ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေး၊ အာဆီယံနှင့် သုံးနိုင်ငံ နိုင်ငံခြားရေးဝန်ကြီးများ အစည်းအဝေး၊ အာဆီယံ-ဥရောပသမဂ္ဂ အစည်းအဝေး၊ အာဆီယံဒေသတွင်းဖိုရမ် အစရှိသည့် အစည်းအဝေးများကို ကျင်းပမည်ဖြစ်သည်။ အမေရိကန် နိုင်ငံခြားရေးဝန်ကြီးနှင့် မြောက်ကိုရီးယား နိုင်ငံခြားရေးဝန်ကြီးတို့ တက်ရောက်မှု၏ နောက်ကွယ်တွင် စိတ်ဝင်စားမှုများစွာ ဖြစ်ပေါ်စေသည်။ ဒေသတွင်းအင်အားကြီး တရုတ်၏ မိတ်ဖက်နိုင်ငံအဖြစ် ရပ်တည်နေသော အာဆီယံဥက္ကဋ္ဌ မြန်မာနိုင်ငံ၏ ဒေသတွင်း အရေးကိစ္စများအပေါ် မည်ကဲ့သို့ ရပ်တည်မည်ဆိုသည်ကိုလည်း စောင့်ကြည့်နေကြမည် ဖြစ်သည်။
သြဂုတ် ၈ ရက်က ပြုလုပ်သော (၄၇) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးဖွင့်ပွဲတွင် သမ္မတဦးသိန်းစိန်က လက်ရှိအချိန်အခါသည် အာဆီယံအတွက် အရေးအကြီးဆုံးအချိန် ရောက်နေပြီဖြစ်ကြောင်း ပြောကြားခဲ့သလို အာဆီယံအသိုက်အ၀န်း ထူထောင်မှုနှင့် ပတ်သက်၍ အောင်မြင်အောင် ဆောင်ရွက်နိုင်မည်ဟု ယုံကြည်ကြောင်းလည်း ပြောကြားခဲ့သည်။
အမှန်တကယ်လည်း အာဆီယံဒေသအတွက် အရေးကြီးနေပြီဖြစ်သလို ဒေသတွင်းပြဿနာများ ဖြေရှင်းရေးတွင် အာဆီယံဥက္ကဋ္ဌ၏ အခန်းကဏ္ဍသည် အဓိကနေရာတွင် ရှိသည်။ ထို့အတူ အာဆီယံဥက္ကဋ္ဌ မြန်မာနိုင်ငံအတွက်လည်း လက်ရှိကာလသည် အရေးကြီးသော ကာလတစ်ခုဖြစ်နေသည်။ မကြာမီ ရောက်ရှိလာတော့မည့် ၂၀၁၅ ခုနှစ် ရွေးကောက်ပွဲအတွက် လက်ရှိအစိုးရ၏ လက်ကျန်သက်တမ်း တစ်နှစ်ကျော်အတွင်း လုပ်ဆောင်စရာ ဖြေရှင်းစရာ ကိစ္စရပ် အများအပြား ရှိနေသည်။ အစိုးရအဖြစ် စတင်တာဝန်ယူစဉ်က ပေးအပ်ခဲ့သော ကတိက၀တ်များ၊ အကောင်အထည်ဖော်ရန် ကိစ္စများ၊ မပြီးပြတ်သေးသော ကိစ္စများအတွက် လက်ကျန်တစ်နှစ်ကျော် ကာလတွင် မှတ်ကျောက်တင်ခံရဦးမည် ဖြစ်သည်။
ထို့ကြောင့် အာဆီယံဥက္ကဋ္ဌ မြန်မာနိုင်ငံအနေဖြင့် ဒေသတွင်းကိစ္စရပ်များကို ကိုင်တွယ်သကဲ့သို့ မြန်မာနိုင်ငံ၏ မပြီးဆုံးသေးသော ဖြေရှင်းစရာ ကိစ္စရပ်များအပေါ် လက်ကျန်သက်တမ်း တစ်နှစ်ကျော်အတွင်း မည်ကဲ့သို့ လုပ်ဆောင်မည်ကို ပြည်သူများစောင့်ကြည့်နေကြောင်း The Daily Eleven သတင်းစာက ရေးသားအပ်ပါသည်။
from Eleven Daily News http://ift.tt/1lIaYTp
Comments
Post a Comment