အီတလီလက်ရွေးစင်အသင်းနည်းပြအဖြစ် ဂျူဗင်တပ်စ်နည်းပြဟောင်း ကွန်တီကို (၂)နှစ်စာချုပ်...

အီတလီလက်ရွေးစင်အသင်းနည်းပြအဖြစ် ဂျူဗင်တပ်စ်နည်းပြဟောင်း ကွန်တီကို (၂)နှစ်စာချုပ်ဖြင့် ခန့်အပ်



အီတလီဘောလုံးအဖွဲ့ချုပ်သည် လစ်လပ်နေသည့် လက်ရွေးစင်အသင်းနည်းပြရာထူးအတွက် ဂျူဗင်တပ်စ်နည်းပြဟောင်း ကွန်တီကို ခန့်အပ်လိုက်ပြီဖြစ်ကြောင်း သိရှိရသည်။



ကွန်တီသည် ပြီးခဲ့သည့်နွေရာသီတွင် ဂျူဗင်တပ်စ်အသင်းနှင့် မမျှော်လင့်ဘဲ လမ်းခွဲခဲ့သူဖြစ်ပြီး ယင်းအချိန်ကတည်းက အီတလီလက်ရွေးစင်နည်းပြအဖြစ် ခန့်အပ်ခံရလိမ့်မည်ဟု ရေပန်းစားခဲ့သူ ဖြစ်သည်။ အီတလီဘောလုံးအဖွဲ့ချုပ်သည် ပြီးခဲ့သည့် တနင်္လာနေ့က အဖွဲ့ချုပ်ဥက္ကဋ္ဌအဖြစ် တာဗက်ချီယိုကို ခန့်အပ်ခဲ့ပြီးနောက် နည်းပြသစ်ကိုလည်း အမြန်ဆုံးခန့်အပ်လိုက်ခြင်း ဖြစ်သည်။ ကွန်တီသည် တာဗက်ချီယိုနှင့် တွေ့ဆုံဆွေးနွေးခဲ့ပြီးနောက် ယူရို-၂၀၁၆ပြိုင်ပွဲအထိ အီတလီအသင်းကို ကိုင်တွယ်ရန် သဘောတူညီမှု ရခဲ့ခြင်းဖြစ်ပြီး တစ်နှစ်လစာ ယူရို(၂)သန်း ၀န်းကျင်ရရှိမည်ဖြစ်သည်။ ကွန်တီသည် လာမည့် အင်္ဂါနေ့တွင် အီတလီလက်ရွေးစင်အသင်းနည်းပြအဖြစ် မီဒီယာများနှင့် သတင်းစာရှင်းလင်းပွဲပြုလုပ်သွားမည်ဖြစ်ပြီး စက်တင်ဘာ(၃)ရက်တွင် ယှဉ်ပြိုင်ကစားမည့် နယ်သာလန်နှင့်ပွဲကို စတင်ကိုင်တွယ်သွားရမည်ဖြစ်ကြောင်းလည်း သိရှိရသည်။



Photo : GettyImage







from Eleven Media Group's Facebook Wall http://ift.tt/1uUqGAs