အီတလီဘောလုံးအဖွဲ့ချုပ်ဥက္ကဋ္ဌအဖြစ် တာဗက်ချီယို ခန့်အပ်ခံခဲ့ရပြီး လက်ရွေးစင်အသင်းနည်းပြ ရွေးချယ်မှုကို စတင်ဆောင်ရွက်ရဖွယ်ရှိ
အီတလီဘောလုံးအဖွဲ့ချုပ်(FIGC)သည် လစ်လပ်နေသည့် ဥက္ကဋ္ဌရာထူးအတွက် ဒုတိယဥက္ကဋ္ဌဖြစ်သူ တာဗက်ချီယိုကို ခန့်အပ်လိုက်ကြောင်း သိရှိရသည်။
အီတလီဘောလုံးအဖွဲ့ချုပ်၏ ယခင်ဥက္ကဋ္ဌဟောင်း ဂီယန်ကာလိုအဘီတီသည် ပြီးခဲ့သည့် ၂၀၁၄ ကမ္ဘာ့ဖလားပြိုင်ပွဲတွင် အီတလီလက်ရွေးစင်အသင်းအုပ်စုအဆင့်မှ စောစီးစွာလှည့်ပြန်ခဲ့ရသည့်အတွက် ရာထူးမှ နုတ်ထွက်သွားခဲ့ခြင်းဖြစ်သည်။ ထို့ကြောင့် ဥက္ကဋ္ဌသစ်ရာထူးအတွက် တာဗက်ချီယိုနှင့် အီတလီဘောလုံးအဖွဲ့ချုပ်တွင် အားကစားဒါရိုက်တာအဖြစ် တာဝန်ယူနေသူ အေစီမီလန်ကစားသမားဟောင်း ဒီမီထရီယိုအယ်လ်ဘာတီနီတို့ အပြိုင်ဖြစ်ခဲ့ကြသည်။ ဥက္ကဋ္ဌသစ်ရွေးချယ်မှုကို ဆန္ဒမဲစနစ်ဖြင့် ဆုံးဖြတ်ခဲ့ခြင်းဖြစ်ပြီး တာဗက်ချီယိုသည် (၆၃ .၃၃%)ဖြင့် အနိုင်ရရှိခဲ့ခြင်းဖြစ်ကြောင်း သိရှိရသည်။
တာဗက်ချီယိုသည် အာဖရိကကစားသမားများကို လူမျိုးရေးခွဲခြားသည့်စကား ပြောဆိုခဲ့ဖူးသည့်အပြင် အမျိုးသမီးများအပေါ် လိင်ပိုင်းဆိုင်ရာ ချိုးနှိမ်ပြောဆိုမှုများ ပြုလုပ်ခဲ့ဖူးသူဖြစ်သော်လည်း လိုအပ်သည့်ထောက်ခံမဲအရေအတွက်ကို ရယူနိုင်ခဲ့ခြင်းဖြစ်သည်။
တာဗက်ချီယိုအနေဖြင့် အီတလီဘောလုံးအဖွဲ့ချုပ်ဥက္ကဋ္ဌအဖြစ် ပထမဆုံးစတင်ဆောင်ရွက်ရမည့်တာဝန်မှာ လစ်လပ်နေသည့် လက်ရွေးစင်နည်းပြခန့်အပ်ရန်ဖြစ်ကြောင်း သိရှိရသည်။
Photo : footballitalia
from Eleven Media Group's Facebook Wall http://ift.tt/1vzmkTv
Comments
Post a Comment