(သြဂုတ်လ ၁၄ ရက်ထုတ် မဇ္ဈိမနေ့စဉ်သတင်းစာမှ အယ်ဒီတာ့အာဘော်)
ခေတ်ပေါ်ဂီတ သမိုင်းပေးတာဝန် ကျေပွန်ရေး
ဂီတဟာ လူတွေရဲ့ စိတ်ကို အခြားအနုပညာပစ္စည်းများနည်းတူ ဆွဲဆောင်စည်းရုံးနိုင်စွမ်းရှိတာ ဘယ်သူမှ မငြင်းနိုင်ပါဘူး။ ဒါကြောင့်မို့လည်း လူမျိုးတိုင်းဟာ ဂီတကို မြတ်နိုးကြတဲ့အပြင် အဲဒီဂီတကိုပဲ အသုံးပြုပြီး လူတွေရဲ့စိတ်ခံစားမှုကို မြှင့်တင်စည်းရုံးတဲ့အလုပ် လုပ်ခဲ့ကြတာပါ။ ဂီတအနုပညာရှင်တွေဟာ မိမိတို့ရဲ့ သက်ဆိုင်ရာ လူမျိုးအလိုက် မိမိတို့ လူမျိုးအုပ်စုတွေ စိတ်ဓာတ်ကြံ့ခိုင်စေရေး၊ ပျော်ရွှင်တက်ကြွစေရေး အစရှိတဲ့ တွန်းတိုက်လှုံ့ဆော်ချင်တဲ့ စေတနာကို ဂီတနဲ့ ဖော်ပြခဲ့ကြပါတယ်။ အနိမ့်ဆုံးပြောရရင် ကျောက်ခေတ်ဂူ နေလူသားခေတ်မှာကတည်းက မိမိတို့ လူမျိုးအုပ်စုအပေါ် အန္တရာယ်ကျရောက်တော့မယ့်အချိန်မျိုးနဲ့ သားရဲ တိရစ္ဆာန်များနဲ့ ရင်ဆိုင်တိုက်ခိုက်ဖို့ရှိတဲ့အခါ အသံအနိမ့်အမြင့်ဖြစ်ပေါ်စေတဲ့ သစ်ခေါင်းသစ်တုံး၊ တံပိုးခရာ အစရှိသည်များကို တီးမှုတ်ခြင်းအားဖြင့် ဂီတကို ဖော်ကျူးခဲ့ကြပါတယ်။
နယ်ချဲ့အင်္ဂလိပ်အစိုးရလက်ထက် လွတ်လပ်ရေးတိုက်ပွဲ နှိုးဆော်တေးသီချင်းများကအစ မျက်မှောက်ခေတ် ခေတ်ပေါ်တေးသီချင်းများအဆုံး တိုင်းပြည်နှင့်လူမျိုး အကျိုးပြုတေးသီချင်းဂီတတွေ ရှိခဲ့ပေါ်ပေါက်ခဲ့ပါတယ်။ ရပ်ကျိုးရွာကျိုးပြု တိုင်းပြုပြည်ပြု တေးပြုစာဆိုတွေဆိုတာလည်း ပေါ်ထွန်းခဲ့တာပါပဲ။ ၀ိုင်အမ်ဘီအေ သခင်တင်၊ ရွှေတိုင်ညွန့်၊ ရန်နိုင်စိန်နဲ့ မြို့မငြိမ်းလို ဂီတပညာရှင်များရှိခဲ့ပေါ်ခဲ့သလို ဒီဘက်ခေတ်မှာကျတော့ ခင်ဝမ်းနဲ့ ထူးအိမ်သင်အဆုံး တေးဂီတပညာရှင်တွေ ရှိခဲ့ပေါ်ခဲ့တာ အထင်အရှားပါပဲ။
မြန်မာဂီတအနုပညာအနေနဲ့ တိုင်းကျိုးပြည်ပြုလုပ်ငန်းမှာ တာဝန်ကျေခဲ့တယ်လို့ဆိုရာမှာ လွတ်လပ်ရေးမရခင် လွတ်လပ်ရေးအတွက် ကြိုးပမ်းနေကြချိန်ကာလ ဂီတအနုပညာများက နားလည်ဖို့ရာ ထင်သာမြင်သာရှိပေမယ့် မျက်မှောက်ခေတ် မြန်မာနိုင်ငံရဲ့ ဒီမိုကရေစီရေး၊ လူ့အခွင့်အရေးနဲ့ ငြိမ်းချမ်းရေးကြိုးပမ်းကြရတဲ့ ကာလအတွင်းမှာကျတော့ ဂီတအနုပညာရဲ့ ပါဝင်ပတ်သက်မှုဟာ ထုံးစံအတိုင်း အာဏာရှင် လက်အောက်ဖြစ်ခဲ့တာမို့ ထင်သာမြင်သာမရှိဘဲ တင်စားမှုတွေ၊ နိမိတ်ပုံတွေ၊ သွယ်ဝိုက်အဓိပ္ပာယ်တွေနဲ့ ရေးရဖွဲ့ရစပ်ရ ဆိုရတာဖြစ်လို့ ရုတ်တရက်အားဖြင့်တော့ ဘယ်ဂီတအနုပညာဟာဖြင့် လူထုအကျိုးပြု၊ လူငယ်အကျိုးပြု၊ ဒီမိုကရေစီရေး၊ ငြိမ်းချမ်းရေးကို ရည်ညွှန်းပြီးရေးခဲ့တာပဲဆိုတာ မသိနိုင်ပါဘူး။
ဒီနေရာမှာ ခေတ်ပေါ်တေးသံရှင်လည်းဖြစ်၊ စွယ်စုံရဂီတပညာရှင်လည်းဖြစ်တဲ့ ထူးအိမ်သင်ရဲ့တေးသီချင်းများကို လေ့လာလျှင် သိနိုင်ပါတယ်။ ဥပမာ သူ့ရဲ့ရာဇ၀င်များရဲ့ သတို့သမီး၊ အရေးကြီးပြီ အစရှိတဲ့သီချင်းတွေဟာ စစ်အာဏာရှင်လက်အောက်က ရုန်းကန်ဖောက်ထွက်ဖို့ ကြိုးစားကြတဲ့လူငယ်ထုနဲ့ လူထုကို စည်းရုံးလှုံ့ဆော်ခဲ့တဲ့ တေးသီချင်းတွေပဲ ဖြစ်ပါတယ်။
ခေတ်ဟောင်းက သီချင်းတွေဟာ ဒီဘက်ခေတ်နဲ့ နှိုင်းယှဉ်ရင် ရှင်းလင်းတိကျလွယ်ကူတဲ့ စကားလုံးများနဲ့ ရက်သီထားပြီး ဒီဘက်ခေတ်မှာကျတော့ တေးသီချင်းစာသားတွေဟာ အဓိပ္ပာယ်တိုက်ရိုက်ထွက်စေတဲ့ စကားလုံးများထက် သွယ်ဝိုက်တင်စားတဲ့ စကားလုံးတွေ ဖြစ်လာခဲ့တာကတော့ သိသာထင်ရှားတဲ့ အချက်ပါပဲ။ ဒါကလည်း အာဏာရှင်လက်အောက်မှာ လူထုအကျိုးပြုတေးသီချင်းတွေ ပြုစုတဲ့အခါ အာဏာရှင်တွေ လက်လှမ်းမမီတဲ့ အာဏာရှင်တွေ မျက်စိမှောက်စေမယ့် စကားလုံးဝေါဟာရအသစ်တွေကို အသုံးပြုဖို့ လိုအပ်တာကြောင့်လည်း ဖြစ်ပါတယ်။ ဒါကို အထင်အရှားသက်သေပြနိုင်တဲ့ သီချင်းတစ်ပုဒ်ကတော့ တေးသံရှင် လေးဖြူရဲ့ အလင်းရောင်လို သီချင်းမျိုး ဖြစ်ပါတယ်။
ဒါကြောင့်မို့ အခုလို အစဉ်အလာကြီးတဲ့ သမိုင်းလှခဲ့တဲ့ တစ်နည်းအားဖြင့် ပြောရလျှင် သမိုင်းပေး တာဝန်ကျေခဲ့ကြတဲ့ ဂီတအနုပညာရှင်များ၊ တေးဂီတ အမျိုးအစားများ ခေတ်ဟောင်းကာလတုန်းက ပေါ်ထွန်းခဲ့သလို ဒီကနေ့မျက်မှောက်ခေတ်မှာလည်း ခေတ်ရဲ့လိုအပ်ချက်အရ ဒီမိုကရေစီရေး၊ လူ့အခွင့်အရေးနဲ့ ငြိမ်းချမ်းရေးအတွက် အကျိုးဖြစ်ထွန်းစေမယ့် တေးဂီတရှင်များ၊ တေးသီချင်းများ ဆက်လက်ပေါ်ထွန်းနေရေးဟာ လွန်စွာ အရေးကြီးကြောင်း တင်ပြလိုက်ပါတယ်။ #Mizzimadaily
http://ift.tt/OTcCHv
from Mizzima - News in Burmese's Facebook Wall http://ift.tt/1Af518W
Comments
Post a Comment