ကြံစီမံကိန်းအတွက် တပ်မတော်က မြေသိမ်းယူထားခြင်းအပေါ် မျှတစွာ ဖြေရှင်းပေးရန် ကန့်ဘလူဒေသခံ လယ်သမားတစ်သောင်းခန့် ယနေ့ ဆန္ဒထုတ်ဖော်မည်
ကန့်ဘလူ ကြံစီမံကိန်း တပ်သိမ်းမြေများနှင့် စပ်လျဉ်း၍ လက်ရှိအချိန်တွင် အငြင်းပွားဖွယ် ပြဿနာများစွာ ပေါ်ပေါက်လျက်ရှိပြီး ပြဿနာများကို မျှတစွာဖြေရှင်းပေးရန် ရွှေဘိုခရိုင်တွင်းရှိ ဒေသခံတစ်သောင်းက သြဂုတ် ၁၃ ရက်(ယနေ့) ၌ ဆန္ဒထုတ်ဖော်သွားမည်ဖြစ်ကြောင်း သတင်းရရှိသည်။ ဥပဒေမဲ့ မြေယာသိမ်းဆည်းမှုနှင့် ရိုးသားမှုမရှိခဲ့သော တရားစီရင်မှုများကို ဆန့်ကျင်ရှုတ်ချကြောင်း မြေသိမ်းဆည်းခံ တောင်သူများက ပြောကြားပြီး ဆန္ဒပြရန် တရားဝင်ခွင့်ပြုချက် ရရှိထားသည်ဟုလည်း သိရသည်။
“သြဂုတ် ၄ ရက်က ဆန္ဒပြဖို့ တရားဝင်စာတင်ခဲ့တယ်။ ကန့်ဘလူမြို့ပေါ်က အားကစားကွင်းမှာ စုဝေးပြီး မြို့ထဲကို လှည့်လည်ဆန္ဒထုတ်ဖော်မှာပါ” ဟု ငှက်ပျောတိုင်းကျေးရွာမှ တောင်သူဦးဇော်ဝင်းမောင်က ဆိုသည်။
FNI(facilitator Network with ILO) က ဦးဆောင်ပြုလုပ်မည့် ဆန္ဒထုတ်ဖော်ပွဲတွင် အဓမ္မသိမ်းဆည်းထားသော တပ်သိမ်းမြေများ ပြန်လည်ပေးအပ်ရန်၊ အကျဉ်းချခံ တောင်သူများ ပြန်လွှတ်ပေးရန်၊ လက်ရှိ တရားစွဲဆိုခံနေရသော တောင်သူများစွာကို အမှုပိတ်သိမ်းပေးရန်၊ မူလပိုင်ရှင် တောင်သူများ စိုက်ပျိုးထားသော စိုက်ခင်းဧကများစွာကို တပ်မတော်က ဥပဒေမဲ့ ဖျက်ဆီးနေခြင်းကို မျှတစွာဖြေရှင်းပေးရန်နှင့် တပ်သီးစားသမားများ အနေဖြင့် မူလပိုင်ရှင် တောင်သူများကို မြေပြန်လည်အပ်နှင်းရန် စသောအချက်များကို အဓိက တောင်းဆိုသွားမည်ဖြစ်ကြောင်း သိရသည်။
“ထောင်ကျသွားတာက ၅၄ ဦး။ လတ်တလော အမှုရင်ဆိုင်နေရတာက ၁၇၃ ဦး။ ထောင်ဝင်စာသွားတွေ့လိုက်၊ အမှုပြေးရင်ဆိုင်လိုက်နဲ့ပေါ့။ ပိုဆိုးတာက လက်ရှိစိုက်ထားတဲ့ အခင်းတွေထဲက အနည်းဆုံး ဧကငါးရာလောက်ကို တပ်ကဖျက်ဆီးနေတာ။ သိပ်မကြာခင်ကလည်း ငှက်ပျောရွာက ဦးဝင်းသိန်းကို တပ်မတော်သားတစ်ဦးက ပါးရိုက်၊ လက်သီးနဲ့ထိုး လုပ်သွားသေးတယ်။ နောက်ပြီး သတ်မယ်ဖြတ်မယ်လည်း ခြိမ်းခြောက်တာပေါ့။ ရွာမှာတော့ တပ်ရဲ့ကျေးဇူးနဲ့ ကာယဒုက္ခ၊ စိတ္တဒုက္ခ နှစ်ပါးစလုံးကို ပြီးပြည့်စုံနေတာပေါ့ဗျာ” ဟု ခအုံးတာရွာမှ မြေသိမ်းခံ တောင်သူဦးသန်းထိုက်က ဆိုသည်။
ဆန္ဒပြပွဲကို နံနက်ခုနစ်နာရီမှ နေ့လည်နှစ်နာရီအချိန်အထိ ပြုလုပ်သွားမည်ဖြစ်ပြီး ဒီမိုကရေစီ အမည်ခံထားသော အစိုးရတစ်ရပ်၏ တာဝန်ယူမှု၊ တာဝန်သိမှုကို မြင်တွေ့လိုပါကြောင်းလည်း ဆန္ဒပြပွဲကို ဦးဆောင်သူများက ပြောကြားသည်။
“သမ္မတကြီး တဖွဖွပြောနေတဲ့ တာဝန်ယူမှု၊ တာဝန်သိမှုတွေပေါ့။ သမ္မတကြီးရဲ့ မိန့်ခွန်းတွေကို သက်ဆိုင်ရာဌာနတွေက လိုက်နာဖို့ မျှော်လင့်ပါတယ်” ဟု ကန့်ဘလူဒေသခံတစ်ဦးက ဆိုသည်။
ယခင်နှစ်ဆန်းပိုင်းက စတင်ဖြစ်ပွားခဲ့သော ကြံစီမံကိန်းမြေယာ ဧက ၁၃၀၀၀ ခန့်အတွက် အငြင်းပွားမှုတွင် တပ်မတော် တာဝန်ရှိသူများက ကတိဖောက်ဖျက်မှု အကြိမ်ကြိမ် ပြုလုပ်ခဲ့ကြသည်။ အဓမ္မ မြေယာသိမ်းဆည်းမှုအပြင် တရားစွဲခံရမှု၊ အငြင်းပွားဖွယ် ထောင်ဒဏ်များချမှတ်ခံရမှုနှင့် လက်ရှိသီးနှံများ ဖျက်ဆီးခံနေရခြင်းတို့ကြောင့် မြေသိမ်းခံတောင်သူ မိသားစုများစွာမှာ ဆိုးရွားသည့် ကျပ်တည်းမှုကို ရင်ဆိုင်နေကြရကြောင်း သိရသည်။
ကြံစီမံကိန်းအတွက် တပ်မတော်က မြေသိမ်းယူထားခြင်းအပေါ် မျှတစွာ ဖြေရှင်းပေးရန် ကန့်ဘလူဒေ�
news-eleven.com
ကန့်ဘလူ ကြံစီမံကိန်း တပ်သိမ်းမြေများနှင့် စပ်လျဉ်း၍ လက်ရှိအချိန်တွင် အငြင်းပွားဖွယ် ပြဿနာများစွာ ပေါ်ပေါက်လျက်ရှိပြီး ပြဿနာများကို မျှတစွာဖြေရှင်းပေးရန် ရွှေဘိုခရိုင်တွင်းရှိ ဒေသခံတစ်သောင်းက သြဂုတ် ၁၃ ရက်(ယနေ့) ၌ ဆန္ဒထုတ်ဖော်သွားမည်ဖြစ်ကြောင်း သတင်းရရှိသည်။ ဥပဒေမဲ့ မြေယာသိမ်းဆည်းမှုနှင့် ရိုးသားမှုမရှိခဲ…
from Eleven Media Group's Facebook Wall http://ift.tt/1roDMnh
Comments
Post a Comment