ဂျိမ်းစ်ရိုဒရီဂွက်ဇ်နှင့် တိုနီကရူးစ်တို့ကို ဥရောပစူပါဖလားတွင် ပွဲထုတ်သွားမည်ဟု ရီးယဲလ်နည်းပြ အန်ဆယ်လော့တီ အတည်ပြု
ရီးယဲလ်နည်းပြ အန်ဆယ်လော့တီ က ယနေ့(အင်္ဂါနေ့)ယှဉ်ပြိုင်ကစားရမည့် ဥရောပစူပါဖလားပြိုင်ပွဲတွင် ကစားသမားသစ်(၂)ဦးဖြစ်သော ဂျိမ်းစ်ရိုဒရီဂွက်ဇ်နှင့် တိုနီကရူးစ်တို့ကို ပွဲထုတ်သွားမည်ဖြစ်ကြောင်း တနင်္လာနေ့က အတည်ပြုပြောကြားခဲ့သည်။
အဆိုပါကစားသမားနှစ်ဦးမှာ ယခုနွေရာသီတွင် ရီးယဲလ်အသင်းခေါ်ယူထားသည့် တန်ဖိုးအကြီးဆုံးကစားသမားများဖြစ်ပြီး ခြေစမ်းပွဲများတွင် ရီးယဲလ်အသင်းအတွက် ပါဝင်ကစားခွင့်မရသေးသူများလည်း ဖြစ်သည်။ ၎င်းတို့နှစ်ဦးသည် ကမ္ဘာ့ဖလားပြိုင်ပွဲကြောင့် အားလပ်ရက်ပိုမိုရရှိခဲ့သည့်အတွက် ပြီးခဲ့သည့် သြဂုတ်လ(၅)ရက်နေ့ကမှ ရီးယဲလ်အသင်းနှင့် စတင်ပူးပေါင်းကာ လေ့ကျင့်မှုပြုလုပ်နိုင်ခဲ့ကြောင်းလည်း သိရှိရသည်။ သို့သော် နည်းပြအန်ဆယ်လော့တီ က ဝေးလ်စ်နိုင်ငံ၊ ကာဒစ်ဖ်မြို့တွင် ယှဉ်ပြိုင်ကစားရမည့် ဥရောပစူပါဖလားပွဲသို့ ကစားသမားအစုံအလင်ခေါ်ယူလာခဲ့ပြီး ဆုဖလားရယူနိုင်ရန် လူစုံထုတ်သုံးသွားမည်ဖြစ်ကြောင်း သိရှိရသည်။ ထို့ကြောင့် ကစားသမား(၂၂)ဦး ပါဝင်သည့် ရီးယဲလ်လူစာရင်းမှာ ဥရောပစူပါဖလားကို ဆွတ်ခူးနိုင်ရန် တစ်ဖက်စောင်းနင်း ရေပန်းစားလျက်ရှိသည်။ ရီးယဲလ်အသင်းသည် ပြီးခဲ့သည့်တနင်္လာနေ့ က ကာဒစ်ဖ်မြို့သို့ ရောက်ရှိခဲ့ပြီး ပြိုင်ပွဲအကြို သတင်းစာရှင်းလင်းပွဲတွင် ဂျာနယ်လစ်များက အန်ဆယ်လော့တီအား စီရော်နယ်လ်ဒို၊ ဂျိမ်းစ်ရိုဒရီဂွက်ဇ်၊ တိုနီကရူးစ်နှင့် ဂါရတ်ဘေးလ်တို့ ပါဝင်ကစားမည်လားဆိုသည်ကို အဓိကမေးမြန်းခဲ့ကြသည်။ အန်ဆယ်လော့တီက ယခုပွဲအတွက် စီရော်နယ်လ်ဒို အသင့်ဖြစ်နေကြောင်း၊ ဂျိမ်းစ်ရိုဒရီဂွက်ဇ်နှင့် တိုနီကရူးစ်တို့ကိုလည်း ပွဲထုတ်သွားရန်စီစဉ်ထားကြောင်း၊ ဝေးလ်စ်ပရိသတ်များ မျှော်လင့်နေသည့် ဘေးလ်ကို အရန်ခုံထိုင်ခိုင်း၍ ဖြစ်နိုင်မည်မထင်ကြောင်း ပြန်လည်ဖြေကြားခဲ့သည်။
ထို့ကြောင့် ဗြိတိန်မီဒီယာများက ဥရောပစူပါဖလားပွဲမှာ ရီးယဲလ်အသင်း၏ ကမ္ဘာ့တန်ဖိုးအကြီးဆုံး တိုက်စစ်အင်အားစုကို ရာသီသစ်မတိုင်မီ စတင်မြင်တွေ့ရမည့် စိတ်လှုပ်ရှားဖွယ်ပြိုင်ပွဲတစ်ခုဖြစ်ကြောင်း သုံးသပ်ရေးသားခဲ့ကြသည်။ ရီးယဲလ်အသင်းသည် ဥရောပစူပါဖလားပွဲတွင် လာလီဂါပြိုင်ဘက် ဆီဗီလာအသင်းနှင့် ဆုံတွေ့ယှဉ်ပြိုင်ရမည်ဖြစ်ပြီး သြဂုတ်လ(၁၂)ရက်၊ မြန်မာစံတော်ချိန် ည(၁း၁၅)နာရီတွင် ယှဉ်ပြိုင်ကစားရမည် ဖြစ်သည်။
from Eleven Media Group's Facebook Wall http://ift.tt/1rjE8LN
Comments
Post a Comment