မြန်မာနိုင်ငံရဲတပ်ဖွဲ့နှင့် ဌာနလေးခုတို့တွင် မောင်းနှင်နေသော ယာဉ်အတွင်းပိုင်းအား...

မြန်မာနိုင်ငံရဲတပ်ဖွဲ့နှင့် ဌာနလေးခုတို့တွင် မောင်းနှင်နေသော ယာဉ်အတွင်းပိုင်းအား မြင်နိုင်သည့် နည်းပညာမြင့် လုံခြုံရေးစက်များ အပါအ၀င် ဆက်သွယ်ရေး ကိရိယာများကို တစ်နိုင်ငံလုံး အတိုင်းအတာဖြင့် တိုးမြှင့်အသုံးပြုသွားမည်



ပြည်ထဲရေးဝန်ကြီးလက်အောက်ရှိ မြန်မာနိုင်ငံရဲတပ်ဖွဲ့ အပါအဝင် ဌာနငါးခုတို့တွင် မောင်းနှင်နေသော ယာဉ်အတွင်းပိုင်းအား မြင်နိုင်သည့် နည်းပညာမြင့် လုံခြုံရေးအတွက် စစ်ဆေးနိုင်မည့် စက်ကိရိယာများနှင့် ဆက်သွယ်ရေးကိရိယာများကို တစ်နိုင်ငံလုံး အတိုင်းအတာဖြင့် တိုးမြှင့်အသုံးပြုသွား တော့မည်ဖြစ်ကြောင်း မြန်မာနိုင်ငံရဲတပ်ဖွဲ့ဌာနချုပ် ထောက်ပံ့ရေးဌာနမှ ညွှန်ကြားရေးမှူး ရဲမှူးကြီး ဌေးအောင်က ဩဂုတ် ၁၆ ရက် နံနက်ပိုင်းတွင် ပြောကြားသည်။



ယင်းကဲ့သို့ နည်းပညာမြင့် စက်ကိရိယာများဖြင့် အသုံးပြုနိုင်ရန်အတွက် ပုဂ္ဂလိက ကုမ္ပဏီများကို တင်ဒါခေါ်ယူထားကြောင်း စုံစမ်းသိရသည်။



“ရဲတပ်ဖွဲ့နဲ့ ဆက်စပ်ဌာနတွေမှာ နည်းပညာမြင့် လုံခြုံရေးစက်ကိရိယာတွေနဲ့ ဆက်သွယ်ရေးပစ္စည်းတွေကို တစ်နိုင်ငံလုံး အတိုင်းအတာအနေနဲ့ အားလုံးကိုင်နိုင်အောင် တိုးချဲ့ခွင့်ပြုသွားမှာ ဖြစ်တယ်။ အခုလောလောဆယ်တော့ နှစ်အလိုက် ဘဏ္ဍာရေးအခြေအနေ ပေါ်မူတည်ပြီးတော့ တိုးမြ§င့်ဖြည့်ဆည်းသွား မှာဖြစ်ပါတယ်။ နိုင်ငံတကာ အသုံးပြုနေ တဲ့ နည်းပညာမြင့်တဲ့ စက်ကိရိယာတွေကို ဝယ်ယူသွားမှာဖြစ်ပါတယ်။ ဒါတွေအားလုံး ဖြည့်ဆည်းပေးပြီးရင်တော့ ပြစ်မှုဖြစ်စဉ် အများစုကိုလည်း အမြန်ဆုံး ဖော်ထုတ်ဖမ်း ဆီးနိုင်မှာ ဖြစ်သလို၊ ကြိုတင်ကာကွယ်မှု အပိုင်းမှာလည်း အများကြီးတိုးတက်လာမှာ ဖြစ်ပါတယ်” ဟု မြန်မာနိုင်ငံရဲတပ်ဖွဲ့ဌာနချုပ် ထောက်ပံ့ဌာနမှ ညွှန်ကြားရေးမှူးရဲမှူးကြီး ဌေးအောင်က ပြောကြားသည်။



အဆိုပါ နည်းပညာမြင့် ဆက်ကိရိယာများကို ဖြည့်ဆည်းပေးသွားမည့် ဌာနများမှာ မြန်မာနိုင်ငံရဲတပ်ဖွဲ့၊ အကျဉ်းဦးစီးဌာန၊ မီးသတ်ဦးစီးဌာန၊ အထူးစုံစမ်းစစ်ဆေးရေးဌာနနှင့် အထွေထွေအုပ်ချုပ်ရေး ဦးစီးဌာနတို့ဖြစ်ကြောင်း မြန်မာနိုင်ငံ ရဲတပ်ဖွဲ့ဌာနချုပ်မှ သိရသည်။



လုံခြုံရေးအတွက် စစ်ဆေးနိုင်သည့် မိုင်းရှာဖွေရေးကိရိယာများ၊ X-ray စက်များ၊ ခရီးဝေးဆက်သွယ်ရေးပစ္စည်း၊ ခရီးတို ဆက်သွယ်ရေးပစ္စည်း စသည့်ဆက်သွယ်နိုင်သည့် ကိရိယာများပါဝင်ကြောင်း ရဲမှူးကြီး ဌေးအောင်ထံမှ သိရသည်။



ဆက်လက်၍ ရဲမှူးကြီး ဌေးအောင်က “ဒီလိုကောင်းမွန်တဲ့ ဆက်သွယ်ရေး ကိရိယာတွေကို ဝေးလံခေါင်ဖျားတဲ့ နယ်စွန်နယ်ဖျားအထိ ဖြန့်ဝေပေးသွားမှာဖြစ်တယ်။ ထူးခြားဖြစ်စဉ်တွေ၊ ထူးခြားတဲ့ အမှုကြီးဖြစ်စဉ်တွေ အကယ်၍ ဖြစ်လာခဲ့ရင် အမြန်ဆုံး ဆက်သွယ်နိုင်မှာ ဖြစ်တယ်။ ဒါ့အပြင် ဝယ်ယူမယ့် စက်ကိရိယာတွေထဲမှာ ကားတစ်စီး ဖြတ်သွားရင်တောင်မှ အဲဒီကားထဲမှာ ဘာပစ္စည်းတွေပါတယ် ဆိုတာတောင် ရှင်းရှင်းလင်းလင်း စစ်ဆေးနိုင်တဲ့ နည်းပညာမြင့်စက်တွေ ပါဝင်ပါတယ်” ဟု ဩဂုတ် ၁၆ ရက်က ပြောကြားသည်။



၂၀၁၃ ခုနှစ်အတွင်း သံတွဲပဋိပက္ခဖြစ်စဉ်တွင် လုံခြုံရေးဆောင်ရွက်နေသည့် ရဲတပ်ဖွဲ့ဝင်တစ်ဦးအား တွေ့ရစဉ် (ဓာတ်ပုံ-၀င်းမြင့်ကျော်)







from Eleven Media Group's Facebook Wall http://ift.tt/1oRxEAx