မြန်မာဘက်မှတင်ပို့သည့် ဆန်များကို တရုတ်အစိုးရ စီမံချက်ဖြင့် ဖမ်းဆီးနေမှုများကြောင...

မြန်မာဘက်မှတင်ပို့သည့် ဆန်များကို တရုတ်အစိုးရ စီမံချက်ဖြင့် ဖမ်းဆီးနေမှုများကြောင့် မြန်မာ-တရုတ်နယ်စပ်တွင် ဆန်အရောင်းအ၀ယ် ရပ်ဆိုင်းလုနီးပါး ဖြစ်နေ



မြန်မာနိုင်ငံမှ တရုတ်နိုင်ငံသို့ ဆန်များတင်ပို့လျက် ရှိသော်လည်း တရုတ်ဗဟို အစိုးရ၏ စီမံချက်ဖြင့် မြန်မာ့ဆန်ကို တရုတ်နိုင်ငံ ရွှေလီမြို့နှင့် နေရာအနှံ့အပြားတွင် ဖမ်းဆီးနေမှုများကြောင့် တရုတ်ဘက်မှ ကုန်သည်များက မြန်မာ့ဆန်ကို မဝယ်ယူရဲသကဲ့သို့ မြန်မာဘက်မှလည်း မရောင်းရဲသည့် အနေအထားရှိလာကာ မြန်မာ-တရုတ်နယ်စပ်တွင် ဆန်အ ရောင်းအဝယ် ရပ်ဆိုင်းလုနီးပါးဖြစ်ကြောင်း မြန်မာနိုင်ငံဆန်စပါးအသင်း (မူဆယ်) မှ သိရသည်။



တရုတ်ဗဟိုအစိုးရ၏ စီမံချက်ဖြင့် ဆန်များအား တရုတ်နိုင်ငံ ရွှေလီမြို့နှင့် အနှံ့အ ပြားတွင် ဖမ်းဆီး၍ ကုန်ပစ္စည်းများကို သိမ်းယူခြင်းအပြင် ရွှေလီရှိကုန်သည်များ၏ ဂိုဒေါင်များအား ဝင်ရောက်စစ်ဆေး၍ မြန်မာ့ဆန်းမျာကို ဖမ်းဆီးခြင်း၊ ဆန်ကဲ့ကား များအပေါ်တွင် ဖမ်းဆီးမိပါက ပစ္စည်းသိမ်းမည့်အပြင် ကားအား တစ်လခန့် ထိန်းသိမ်း မည်ဖြစ်သည့်အပြင် လူကိုပါ ဖမ်းဆီးအရေး ယူမည်ဖြစ်သောကြောင့် ဝယ်ယူသည့်တရုတ် ကုန်သည်များ မဝယ်ရဲသကဲ့သို့ ရောင်းချ သည့်ကုန်သည်များလည်း မရောင်းချရဲသဖြင့် အရောင်းအဝယ်မရှိဘဲ ဈေးကွက်ရပ်ဆိုင်း လုနီးပါးဖြစ်နေကြောင်း၊ ယင်းကြောင့် ဈေး နှုန်းထွက်ခြင်း မရှိဖြစ်နေကြောင်းလည်း မြန်မာနိုင်ငံဆန် စပါးအသင်း (မူဆယ်) မှ သိရသည်။



“ဈေးအနေနဲ့ ဒီရက်ပိုင်းမှာ သုံးရက် လောက်ရှိပြီ။ ဈေးမထွက်ဘူးဖြစ်နေတယ်။ ဘာဖြစ်လို့လဲဆိုတော့ တရုတ်ဘက်က ဗဟို အစိုးရစီမံချက်ကြောင့်ပေါ့နော် ဒီရက်ပိုင်းအ ဖမ်းအဆီးများနေတယ်။ ဟိုဘက်မှာ ဖမ်း ဆီးတဲ့အတွက် တရုတ်ကုန်သည်တွေကလည်း ဒီကိုလာပြီးတော့ မဝယ်ရဲဘူး။ ရောင်းတဲ့ သူကလည်း မရောင်းရဲဘူး။ ကဲ့ပေးတဲ့ ကဲ့ သမားတွေအနေနဲ့ကလည်း မကဲ့ပေးရဲတဲ့အ တွက် ဈေးကွက်ကအရောင်းအဝယ်မရှိ သလောက်ဖြစ်သွားတယ်။ ရောင်းသူက လည်း မရောင်းရဲဘူး။ ဘာဖြစ်လို့ လဲဆိုတော့ ကျွန်တော်တို့က အကြွေးစနစ်ကိုးဗျ။ တရုတ် ဘက်ကို။ တရုတ်ဘက်မှာ အဖမ်းအဆီး ခံရရင်တောင်မှ ကျွန်တော်တို့ကို ငွေမရှင်း ပေးဘူးဆိုရင် ပြဿနာရှိလာနိုင်တယ်။ ဝယ်သူအနေနဲ့ကလည်း သူတို့ဖမ်းဆီးခံရမယ် ဆိုရင် ပြဿနာတက်လာနိုင်တယ်။ ဖမ်းမယ် ဆိုပြီးလည်း သူတို့ဘက်မှာ ကြေညာထားတာကိုး။ အဲဒီအတွက် ပြသနာတက်နိုင် တဲ့အတွက် လာဝယ်တဲ့သူလည်းသိပ်မရှိ ဘူး။ ရောင်းတဲ့သူကလည်း မရောင်းရဲဘူး ဆိုတော့အရောင်းအဝယ်က အဓိကအားဖြင့် ရပ်ဆိုင်းနေတဲ့ သဘောမျိုးဖြစ်နေတာပေါ့။ ဒါကြောင့် ဩဂုတ်၁ ရက်ဆိုရင် မူဆယ် ဆန်အသင်းမှာ အဲဒါနဲ့ပတ်သက်ပြီး သတင်း ထုတ်ပြန်ပေးထားတယ်”ဟု ဆန်စပါးကုန် စည်ဒိုင် (မူဆယ်) မှ ဒုတိယဥက္ကဋ္ဌ ဦးချမ်းသာဦးက ပြောပြသည်။



ယခင်ကပုံမှန်အားဖြင့် မူဆယ်နယ်စပ်မှ တရုတ်နိုင်ငံသို့ တစ်နေ့လျှင်ဆန်အိတ်ရေ ၆ဝဝဝဝမှ ၇ဝဝဝဝ ခန့်အထိ တင်ပို့မှု ရှိခဲ့ကြောင်းသိရသည်။ မူဆယ်သို့ ဧရာဝ တီတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသ ကြီး၊ ရန်ကုန်တိုင်းဒေသကြီး စသည်တို့မှ ဆန်တင်ပို့မှုများပြားပြီး ပြီးခဲ့သည့်ရက်ပိုင်း က တရုတ်သို့ တင်ပို့သည့်ဆန်ဈေးနှုန်းမှာ တစ်အိတ်လျှင် ၁၅၃ ယွမ်ဝန်းကျင်ရှိခဲ့ ကြောင်း သိရသည်။



မြန်မာနိုင်ငံမှ ပြည်ပသို့ ဆန်တင် ပို့မှု၏ ၈ဝရာခိုင်နှုန်းကို တရုတ်နိုင်ငံသို့ တင်ပို့နေခြင်းဖြစ်ကြောင်း၊ တရုတ်သို့ ဆန် တင်ပို့ရာ၌ မြန်မာဘက်မှ တရားဝင်တင် ပို့ခြင်းဖြစ်သော်လည်း တရုတ်ဘက်တွင်မူ တရား ဝင်တင်ပို့ခွင့် ပြုမထားသေးကြောင်း၊ ယင်းအခြေအနေများကြောင့် တရားဝင်တင်ပို့ခွင့်ရရေး ဆွေးနွေးမှုများ ပြုလုပ်လျက်ရှိသော်လည်း နှစ်နိုင်ငံဆွေးနွေးမှုများ၌ ကြန့်ကြာမှုများရှိနေသည်။



ယခုနှစ် ဧပြီလအတွင်းက မြန်မာ့ဆန်ကို တရုတ်သို့ တင်ပို့ရာ၌ တရုတ်ဘက်မှ ဖမ်းဆီးမှုအချို ရှိနေသည့်အတွက် မြန်မာကုန်သည်များ အနေဖြင့် တံဆိပ်မပါသည့် အိတ်များဖြင့် တရုတ်ဈေးကွက်အတွင်းသို့ တင်ပို့ခဲ့ရကြောင်း မူဆယ်နယ်စပ်ရှိ ဆန်ကုန်သည်များထံမှ သိရသည်။



မူဆယ် ၁၀၅ မိုင် ကုန်သွယ်ရေးဇုန်ဝင်းအတွင်း ဆန်တင်ယာဉ်တစ်စီးအား ၂၀၁၄ ခုနှစ်၊ ဇန်န၀ါရီလက တွေ့ရစဉ်







from Eleven Media Group's Facebook Wall http://ift.tt/1kunACw