အိုလံပစ်ဟိုတယ်အား ယခင်က တစ်ခန်းလျှင် တစ်ရက် ကျပ် ၅၆၀ နှုန်းဖြင့် ငှားရမ်းခဲ့ပြီး ယခုအခါ တစ်ခန်းလျှင် တစ်ရက် ကျပ် ၅၀၀၀ ကျော်ဖြင့် Jewellery Luck ကုမ္ပဏီသို့ အစိုးရက နှစ်ရှည်ထပ်မံငှားရမ်းထား
ရန်ကုန်မြို့ ဦးဝိစာရလမ်းပေါ်ရှိ အမျိုးသားရေကူးကန် ဝင်းအတွင်း တည်ရှိသည့် အိုလံပစ်ဟိုတယ်ကို အားကစားဝန်ကြီးဌာနမှ Jewellery Luck ကုမ္ပဏီလီမိတက်သို့ နှစ်ရှည်ထပ်မံ ငှားရမ်းထားကြောင်း အားကစားဝန်ကြီးဌာန အသိုင်းအဝိုင်းမှ စုံစမ်းသိရှိရသည်။
အားကစားဝန်ကြီးဌာန အနေဖြင့် အိုလံပစ်ဟိုတယ်ကို Jewellery Luck ကုမ္ပဏီလီမိတက်သို့ ၂ဝဝ၇ ခုနှစ်အတွင်းက စတင်၍ နှစ်ရှည်ငှားရမ်းခဲ့ခြင်းဖြစ်ကြောင်း၊ ၂ဝဝ၇ ခုနှစ်မှ ၂ဝ၁၂ ခုနှစ်အထိ ငါးနှစ်ဆက်တိုက်ကို ငှားရမ်းရာတွင် ဝန်ကြီးဌာနမှ ငှားရမ်းခအဖြစ် တစ်လလျှင် ကျပ်သိန်း ၂ဝ သာ ရရှိခဲ့ကြောင်း၊ အိုလံပစ်ဟိုတယ်သည် အခန်းပေါင်း ၁၁၉ ခန်း ပါဝင်သည့်အတွက် တစ်လ ကျပ်သိန်း ၂ဝ ဆိုပါက တစ်ရက်လျှင် ဟိုတယ်ခန်း တစ်ခန်းအတွက် ကျပ် ၅၆ဝ နှုန်းသာ ငှားရမ်းခ ရရှိခြင်းဖြစ်ကြောင်း သတင်းရရှိသည်။
၂ဝ၁၂ ခုနှစ် နှစ်ကုန်ပိုင်းမှစ၍ ငှားရမ်းခကို ယာယီပြင်ဆင်ပြီး Jewellery Luck ကုမ္ပဏီလီမိတက်သို့ ထပ်မံငှားရမ်းခဲ့ကြောင်း၊ ပြင်ဆင်ခဲ့သည့် နှုန်းထားအရ အိုလံပစ်ဟိုတယ်အား ယခင် တစ်လကျပ်သိန်း ၂ဝ အစား တစ်လကျပ် ၁၇၅ သိန်းဖြင့် ပြင်ဆင်ငှားရမ်းခြင်းဖြစ်သည်ဟု သိရသည်။
အိုလံပစ်ဟိုတယ်အား တစ်လ ကျပ် ၁၇၅ သိန်းဖြင့် ငှားရမ်းခြင်းဖြစ်ရာ ဝန်ကြီးဌာနအနေဖြင့် အခန်းတစ်ခန်းအတွက် တစ်ရက်ငှားရမ်းခရငွေမှာ ကျပ် ၅ဝဝဝ ကျော် ရရှိမည်ဖြစ်သည်။
ရန်ကုန်မြို့လယ်၌ရှိသော ဟိုတယ်အနေဖြင့် အများပြည်သူသို့ ပြန်လည်ငှားရမ်းပါက အနည်းဆုံး တစ်ရက်လျှင် ဟိုတယ်အခန်းတစ်ခန်းမှာ ကျပ် ၃ဝဝဝဝ နှင့်အထက် ရရှိမည်ဖြစ်သည်။
ယခု Jewellery Luck ကုမ္ပဏီလီမိတက်သို့ တစ်ရက်လျှင် ကျပ် ၅ဝဝဝ ဝန်းကျင်ဖြင့် ယာယီပြင်ဆင် ငှားရမ်းထားသည့်ဈေးဖြင့် အပြီးသတ်စာချုပ် ချုပ်ဆိုငှားရမ်းရန် စီစဉ်နေကြောင်း၊ အားကစားဝန်ကြီးဌာနမှလည်း အဆိုပါဈေးဖြင့် အပြီးသတ်စာချုပ် ချုပ်ဆိုငှားရမ်းနိုင်ရေးအတွက် အထက်အဆင့်ဆင့်သို့ တင်ပြဆောင်ရွက်လျက်ရှိကြောင်း သိရသည်။
နိုင်ငံတကာမှ အားကစားဆိုင်ရာ အဖွဲ့များ၊ ဧည့်သည်များ လာရောက်ပါက အိုလံပစ်ဟိုတယ်အနေဖြင့် ဈေးလျှော့၍ ငှားရမ်းပေးရကြောင်း၊ အား/ကာ အဖွဲ့ချုပ်များ၏ အခမ်းအနားများကို ကျင်းပမည်ဆိုပါကလည်း ဈေးလျှော့ပေးရသည်ဟု သတင်းရရှိသည်။
အိုလံပစ်ဟိုတယ်အား မြန်မာနိုင်ငံသားများ ရင်းနှီးမြှုပ်နှံမှု ဥပဒေအရ ငှားရမ်းမြှုပ်နှံ လုပ်ကိုင်ခြင်းဖြစ်ပြီး ဟိုတယ်ခန်းတစ်ခန်းလျှင် တစ်ရက်ကျပ် ၅ဝဝဝ ဝန်းကျင်နှုန်းဖြင့် Jewellery Luck ကုမ္ပဏီလီမိတက်မှ နောက်ထပ်ငါးနှစ်အထိ လုပ်ကိုင်ခွင့်ရမည်ဖြစ်ကြောင်း၊ အဆိုပါဈေးဖြင့် ငါးနှစ်ပြည့်သွားပါက နောက်ထပ်ငါးနှစ်အား ဈေးနှုန်းပြင်ဆင်ပြီး ထပ်မံငှားရမ်းခွင့် ရရှိဦးမည်ဖြစ်ကြောင်း၊ ငါးနှစ်လျှင်တစ်ကြိမ် ဈေးနှုန်းပြင်ဆင်၍ သတ်မှတ်ထားသည့် နှစ်ကာလအထိ ငှားရမ်းခွင့်များ ဆက်လက်ရရှိမည်ဟု သိရသည်။
from Eleven Media Group's Facebook Wall http://ift.tt/1t86Ktx
Comments
Post a Comment