မကာအိုရှိ စက်ရုံအလုပ်ရုံများနှင့် ကာစီနိုလုပ်ငန်းများတွင် လုပ်ကိုင်ရန် မြန်မာအလုပ်သမားများ စေလွှတ်မည်
မကာအိုရှိ စက်ရုံအလုပ်ရုံများနှင့် ကာစီနိုလုပ်ငန်းများတွင်လုပ်ကိုင်ရန် မြန်မာအလုပ်သမားများ စေလွှတ်သွားမည် ဖြစ်ကြောင်း ပြည်ပအလုပ်အကိုင် အေဂျင်စီအဖွဲ့ချုပ်မှ ဥက္ကဋ္ဌဦးမင်းလှိုင်က ဩဂုတ် ၁၆ ရက် တွင်The Daily Eleven သတင်းစာသို့ ပြောကြားခဲ့သည်။
ထိုသို့ မကာအိုသို့ အလုပ်သမားစေ လွှတ်နိုင်ရန်အတွက် ပြည်ပအလုပ်အကိုင်အေ ဂျင်စီအသင်းချုပ်နှင့် မကာအိုရှိ အေဂျင်စီတို့ အလုပ်သမားစေလွှတ်ရေး နှစ်ဖက်နားလည်မှု စာချွန်လွှာ(MoU)ကို မကြာမီရေးထိုးသွား မည်ဖြစ်သည်ဟု သိရသည်။
“မကာအိုက တိုင်းပြည်ကလည်းအေး ချမ်းတယ်။ လစာကလည်း ထိုင်းတို့ မလေးရှားတို့ထက် နှစ်ဆ သုံးဆလောက် ပိုကောင်းတယ်။ လုံခြုံရေးကိုတောင် အမေရိကန်ဒေါ် လာ ၁ဝဝဝ ကျော် လစာပေးတယ်။ လုံလောက်တဲ့အလုပ်သမား အခွင့်ရေးကလည်း ရှိတယ်ဆိုတော့ မကြာခင်မှာMoU ရေးထိုးပြီး အလုပ်သမား စေလွှတ်သွားမှာပါ။ အလုပ်သမား ဝန်ကြီးဌာနကလည်း ကျွန်တော်တို့ကို အမြန် ဆုံး MoU ထိုးဖို့ တိုက်တွန်းထားပါတယ်” ဟု ဦးမင်းလှိုင်က ဆိုသည်။
“အဓိကတော့ အမျိုးသားရော၊ အမျိုးသမီးကိုရော စေလွှတ်မှာပါ။ စက်ရုံ အလုပ်ရုံ တွေလည်းပါမယ်။ ကာစီနိုမှာလည်း ဖြစ်ချင်ဖြစ်မယ်။ လစာကောင်းတဲ့အတွက် ဒီအခွင့်ရေးကို ကျွန်တော်တို့အလုပ်သမားတွေ လက်မလွှတ်သင့်ပါဘူး”ဟု ယင်းက ဆက်လက်ပြောကြားသည်။
မကာအိုရှိ စက်ရုံအလုပ်ရုံလုပ်ငန်း၊ ကာစီနိုလောင်းကစားလုပ်ငန်းများ အလုပ်သမားများ သွားရောက်လုပ်ကိုင်မည်ဆိုပါက အလုပ်သမားတစ်ဦးလျှင် အမေရိကန်ဒေါ်လာ အနည်းဆုံး ၆ဝဝ မှ ၁ဝဝဝ ကျော်အထိ ရရှိနိုင်မည်ဖြစ်ကြောင်း သိရသည်။
ထိုင်း၊ မလေးရှား၊ စင်ကာပူ၊ ကိုရီးယားနှင့် ဂျပန်အပါဝင် ပြည်ပနိုင်ငံ ၁၅ နိုင်ငံကို မြန်မာအလုပ်သမားများ တရားဝင်ပို့ဆောင်လျက်ရှိပြီး မကြာခင် မကာအိုသည် မြန်မာအလုပ်သမားပို့ဆောင်ရာ ဈေးကွက်တစ်ခု ဖြစ်လာတော့မည်ဖြစ်သည်။
ပြည်တွင်းအလုပ်အကိုင် အခွင့်လမ်းရှားပါးမှုနှင့် လစာနည်းပါးမှုတို့ကြောင့် လက်ရှိတွင် မြန်မာနိုင်ငံလူဦးရေ၏ ၁ဝ ရာခိုင်နှုန်း ကျော်ခန့်သည် ပြည်ပသို့ပြောင်းရွှေ့ အလုပ်လုပ်ကိုင်လျက်ရှိကြောင်း နိုင်ငံတကာရွှေ့ပြောင်း သွားလာမှုဆိုင်ရာ စီမံခန့်ခွဲမှု အဖွဲ့အစည်း (IOM) က ထုတ်ပြန်ထားသည်။
အလုပ်သမား ၀န်ကြီးဌာနရုံးတွင် ပြည်ပအလုပ်ခေါ်စာကပ်ထားသည်ကို လာရောက်ကြည့်ရှုနေသူများအား တွေ့ရစဉ်
from Eleven Media Group's Facebook Wall http://ift.tt/1uH3Zm0
Comments
Post a Comment