ရွေးကောက်ပွဲဆိုင်ရာ သတင်းရယူခြင်းနှင့် သတင်းရေးသားခြင်းသင်တန်း မန္တလေးနှင့် တောင်ကြီးမြို့တို့၌ ဖွင့်လှစ်မည်
လာမည့်စက်တင်ဘာလအတွင်း၌ မန္တလေးမြို့နှင့် တောင်ကြီးမြို့တို့တွင် ရွေးကောက်ပွဲဆိုင်ရာ သတင်းရယူခြင်းနှင့် သတင်းရေးသားခြင်းသင်တန်းအား ဖွင့်လှစ်သွားမည်ဖြစ်ကြောင်း မြန်မာဂျာနယ်လစ်သမဂ္ဂမှ ကြေညာထားသည်။
တစ်မြို့လျှင် သင်တန်းသား ၁၂ ဦးစီ လက်ခံသင်ကြားပေးမည့်အဆိုပါသင်တန်းအား Cultures of the World Foundation နှင့် မြန်မာဂျာနယ်လစ်သမဂ္ဂ၊ Alin Dagar Art School တို့မှ ပူးပေါင်းစီစဉ်ခြင်းဖြစ်ပြီး သင်တန်းဆရာများအဖြစ် ပိုလန်နိုင်ငံမှနိုင်ငံတကာရွေးကောက်ပွဲ အတွေ့အကြုံရှိသူနှစ်ဦးဖြစ်သော Agnes Lichnerowicz နှင့် Susan Piechowicz တို့မှ သင်ကြားပေးသွားမည်ဖြစ်ကြောင်း သိရသည်။
တောင်ကြီးမြို့တွင် စက်တင်ဘာ ၂ ရက်မှ ၇ ရက်အထိ ဖွင့်လှစ်သင်ကြားသွားမည်ဖြစ်ပြီး မန္တလေးမြို့တွင် စက်တင်ဘာ ၉ ရက်မှ ၁၄ ရက်အထိ ဖွင့်လှစ်သင်ကြားသွားမည်ဟုသိရပြီး လာမည့်ရွေးကောက်ပွဲတွင် တက်ကြွစွာသတင်းရယူမည့် နယ်သတင်းထောက်များနှင့် တက်ကြွလှုပ်ရှားသူ (Activists) များကို ဦးစားပေးရွေးချယ်သွားမည်ဖြစ်သည်။ သင်တန်းသားများ၏ နေထိုင်သွားလာရေးနှင့် နေ့စဉ်စားစရိတ်များကို သင်တန်းမှကျခံသွားမည်ဖြစ်ပြီး လျှောက်လွှာများကို မြန်မာဂျာနယ်လစ်သမဂ္ဂ၏ အင်တာနက်စာမျက်နှာ myanmarjournalistunion.com တွင်ရယူနိုင်ပြီး သြဂုတ် ၂၅ ရက် နောက်ဆုံးထားကာ myanmarelection 2015@gmail.com သို့ပေးပို့ရမည်ဟု သိရသည်။
from Eleven Daily News http://ift.tt/1md78Cb
Comments
Post a Comment