မြန်မာ-အိန္ဒိယ နယ်စပ်ကုန်သွယ်ရေးတွင် အိန္ဒိယအစိုးရက အခွန်ဆောင်ရန် အိန္ဒိယနိုင်ငံသို့တင်ပို့မည့်ကုန်စည်များ တမူးမြို့ ၌ စုပြုံနေ
မြန်မာ - အိန္ဒိယနယ်စပ်ကုန်သွယ်ရေးတွင် အိန္ဒိယနိုင်ငံဘက်ကအခွန်ဆောင်ရန် တင်းကျပ်လာမှုကြောင့် အိန္ဒိယနိုင်ငံသို့ တင်ပို့မည့်ကုန်စည်များ တမူးမြို့တွင် စုပုံနေကြောင်း သတင်းရရှိသည်။
"အရင်က မြန်မာနိုင်ငံဘက်ကနေ ကွမ်းသီးတွေကို အိန္ဒိယနိုင်ငံတင်ပို့မယ်ဆိုရင် တရားဝင်အိပ်စ်ပို့နဲ့ တင်ပို့တယ်။ အရင်က ကွမ်းသီးအိတ်တွေကို အိန္ဒိယနိုင်ငံဘက်က ကုန်သည်တွေက အစိုးရဆီကိုအခွန်မဆောင်ဘဲ နယ်စပ်မှာရှိတဲ့ လက်နက်ကိုင်အဖွဲ့အစည်း (သူပုန်) တွေကိုသာ ဆက်ကြေးပေးပြီး အင်ဖာကိုပို့ကြတယ်။ အခုတော့ အိန္ဒိယနိုင်ငံအစိုးရကနေပြီး အခွန်ဆောင်ဖို့ကို တင်းကျပ်လိုက်တာကြောင့် အိန္ဒိယကုန်သည်တွေက ပစ္စည်းတင်သွင်းမယ်ဆိုရင် အစိုးရရဲ့ အခွန်ကော ဆက်ကြေးရော ပေးရတော့မယ်။ ဒီလိုဆိုတော့ အခွန်နှစ်ထပ်ဆောင်ရသလို ကုန်သည်တွေမှာ ဖြစ်သွားတယ်။ ဒါ့ကြောင့် ကွမ်းသီးတွေကို အိန္ဒိယကုန်သည်တွေက မတင်သွင်းဘဲနေကြတာ တစ်ပတ်လောက်ရှိနေပြီ၊ ကွမ်းသီးတွေကလည်း တမူးမြို့မှာရှိတဲ့ ကုန်လှောင်တဲ့ဂိုဒေါင်တွေထဲမှာ ပြည့်နေပြီး စုပုံနေပါတယ်" ဟု တမူးမြို့မှ နယ်စပ်ကုန်သွယ်ရေး ကုန်သည်တစ်ဦးက ပြောကြားသည်။
မြန်မာ- အိန္ဒိယနယ်စပ်ကုန်သွယ်ရေးကုန်သွယ်မှုမှာ ဇူလိုင်လတွင်းတွင် တမူးနယ်စပ်ကုန်သွယ်ရေးမှ ကုန်သွယ်မှုပမာဏ အမေရိကန်ဒေါ်လာ ၃ ဒသမ ၉၆၄ သန်းရရှိခဲ့ပြီး ရိဒ်နယ်စပ်ကုန်သွယ်ရေးစခန်းမှ အမေရိကန်ဒေါ်လာ ၁ ဒသမ ၆၆၆ သန်းရရှိခဲ့သည်ဟု သိရသည်။
"ဒီနှစ်မှာတော့ တမူးနယ်စပ်ကနေပြီး ကွမ်းသီးပို့ရတာအများဆုံးပါပဲ။ ကြက်သွန်တွေလည်း အရင်ကဆွဲသေးတယ်။ အခုတော့ သူတို့နိုင်ငံဘက်က အထွက်နှုန်းကောင်းလို့ဆိုပြီး မယူတော့ဘူး။ အိန္ဒိယနိုင်ငံမှ တင်သွင်းလာတဲ့ကုန်စည်တွေကတော့ ပုံမှန်ဝင်လျက်ရှိပါတယ်" ဟု နယ်စပ်ကုန်သည် ဒေါ်တင်တင်ရီက ပြောကြားသည်။
တမူးနယ်စပ်ကုန်သွယ်ရေးစခန်းမှ ပုံမှန်ကုန်သွယ်မှုမှ ထူးခြားသော တင်သွင်းရမှုအနေဖြင့် ဇူလိုင်အတွင်း အိန္ဒိယနိုင်ငံထုတ် ဆိုင်ကယ်အစီးပေါင်း ၄၅၀ အထိ ကုန်သွယ်မှုပြုနိုင်ခဲ့သည်။သို့သော်ရိဒ်နယ်စပ်ကုန်သွယ်ရေးစခန်းကမူ ပုံမှန်ကုန်သွယ်မှုပြုလုပ်နေကျ ကုန်စည်များဖြစ်သော ဆံပင်ပဲအမျိုးမျိုးနှင့် မြေ၀ါများတင်သွင်းနိုင်ပြီး ပို့ကုန်အဖြစ် ကွမ်းသီးများ အများဆုံးတင်ပို့ရသည်ဟု တမူးနှင့် ရိဒ်နယ်စပ်ကုန်သွယ်ရေးစခန်းမှ တာဝန်ရှိသူများ၏ပြောကြားချက်အရ သိရသည်။
"ရိဒ်နယ်စပ်ကုန်သွယ်ရေးမှာက အဲဒီပြဿ နာမရှိဘူး။။ ဒါပေမဲ့ မိုးရာသီဆိုရင် လမ်းတွေမကောင်းတော့ ကုန်စည်စီးဆင်းမှု မလွယ်ကူဘူးဖြစ်နေတယ်" ဟု ရိဒ်နယ်စပ်ကုန်သည်တစ်ဦးက ပြောကြားသည်။
မြန်မာ-အိန္ဒိယ နယ်စပ်ကုန်သွယ်ရေးတွင် အိန္ဒိယအစိုးရက အခွန်ဆောင်ရန်...
news-eleven.com
မြန်မာ - အိန္ဒိယနယ်စပ်ကုန်သွယ်ရေးတွင် အိန္ဒိယနိုင်ငံဘက်ကအခွန်ဆောင်ရန် တင်းကျပ်လာမှုကြောင့် အိန္ဒိယနိုင်ငံသို့ တင်ပို့မည့်ကုန်စည်များ တမူးမြို့တွင် စုပုံနေကြောင်း သတင်းရရှိသည်။"အရင်က မြန်မာနိုင်ငံဘက်ကနေ ကွမ်းသီးတွေကို အိန္ဒိယနိုင်ငံတင်ပို့မယ်ဆိုရင် တရားဝင်အိပ်စ်ပို့နဲ့ တင်ပို့တယ်။ အရင်က ကွမ်းသီးအိတ်တွေကို…
from Eleven Media Group's Facebook Wall http://ift.tt/1ypdofp
Comments
Post a Comment