အမေရိကန်နိုင်ငံခြားရေးဝန်ကြီး ဂျွန်ကယ်ရီက မြန်မာအစိုးရအား ပြင်းထန်သော အသိပေးပြောဆိုမှုများ ပြုလုပ်လိမ့်မည်ဖြစ်ကြောင်း မြန်မာ့အရေးကျွမ်းကျင်သူ ဂျာနယ်လစ်များဖြစ်သည့် ဘာတေးလစ်တနာနှင့် လယ်ရီဂျာဂင်တို့ ပြောကြား
အာဆီယံဒေသတွင်း ဖိုရမ်သို့ တက်ရောက်ရန်အတွက် နေပြည်တော်သို့ လာရောက်မည့် အမေရိကန် နိုင်ငံခြားရေးဝန်ကြီး ဂျွန်ကယ်ရီအနေဖြင့် မြန်မာအစိုးရအား ပြင်းထန်သော အသိပေးပြောကြားမှုများ ပြုလုပ်လိမ့်မည်ဖြစ်ကြောင်း မြန်မာ့အရေးကျွမ်းကျင်သူ ဂျာနယ်လစ်များဖြစ်သည့် ဘာတေးလစ်တနာနှင့် လယ်ရီဂျာဂင်တို့က သြဂုတ် ၈ ရက်တွင် The Daily Eleven သတင်းစာသို့ ပြောကြားသည်။
“ဂျွန်ကယ်ရီနဲ့ အမေရိကန်အစိုးရအနေနဲ့က မြန်မာကို တရုတ်ရင်ခွင်ထဲကနေ ဆွဲထုတ်ဖို့ဆိုတဲ့ စိတ်ကူးယဉ်မှုအစား ဒီနိုင်ငံအတွင်းမှာ ဘာတွေဖြစ်နေလဲဆိုတာကို သေချာဆန်းစစ်ခြင်းအားဖြင့် လက်တွေ့ပိုကျတဲ့ အမြင်ကို ရှာဖွေသင့်တယ်။ ကယ်ရီက မွတ်စလင်ခံစားနေရတာ၊ ကချင်ကိစ္စတွေနဲ့ ပတ်သက်ပြီး ဆူဆူညံညံ ပြောဆိုနိုင်ပါတယ်” ဟု ဆွီဒင်ဂျာနယ်လစ် ဘာတေးလစ်တနာက ပြောကြားသည်။
“လူမျိုးရေး၊ ဘာသာရေးပဋိပက္ခ အရှိန်မြင့်တက်လာခြင်း၊ စီးပွားရေးပြုပြင်ပြောင်းလဲမှု ရပ်တန့်နေမှု၊ ငြိမ်းချမ်းရေး လုပ်ငန်းစဉ်တွေ နောက်ကျနေတာနဲ့ နိုင်ငံထဲမှာ လူ့အခွင့်ရေး အခြေအနေတွေ ဆုတ်ယုတ်လာတာတွေနဲ့ ပတ်သက်ပြီး အမေရိကန်က သူတို့ရဲ့ အဓိကစိုးရိမ်ပူပန်မှုတွေကို တွန်းအားပေးဖို့ အခွင့်အရေးကို အသေအချာပဲ ရယူပါလိမ့်မယ်။ အဲဒီကိစ္စတွေနဲ့ ပတ်သက်ပြီး ဂျွန်ကယ်ရီဟာပြင်းထန်တဲ့ အသိပေးပြောဆိုမှုတွေ လုပ်ပါလိမ့်မယ်” ဟု လယ်ရီဂျာဂင်က ဆိုသည်။
ထို့အပြင် သမ္မတ ဦးသိန်းစိန် အစိုးရအပေါ် အမေရိကန်၏ ဖိအားမှာ အစောပိုင်းအချိန်ကတည်းက ရှိနေပြီဖြစ်ကြောင်း လယ်ရီဂျာဂင်က ဆိုသည်။
“ဦးသိန်းစိန်အစိုးရအပေါ်မှာ အမေရိကန်ရဲ့ ဖိအားဟာအစောကတည်းက ရှိနေပါပြီ။ အထူးသဖြင့် စာနယ်ဇင်းလွတ်လပ်ခွင့်ကို နောက်ပြန်လှည့်တဲ့ ကိစ္စမှာပါ” ဟု လယ်ရီက ပြောကြားသည်။
“ကျွန်တော်ယုံကြည်တာတော့ ဦးအောင်ကြည်ကို ထုတ်ပစ်လိုက်ခြင်းက မီဒီယာတွေအပေါ် ဆက်ဆံနေတဲ့ပုံစံနဲ့ ပတ်သက်ပြီး အမေရိကန်ရဲ့ စိုးရိမ်ပူပန်မှုတွေကို ပြေရာပြေကြောင်း နှစ်သိမ့်လိုက်တဲ့ သဘောပဲ။ အမေရိကန်ဟာ အခုဆိုရင် မြန်မာနိုင်ငံနဲ့ သံခင်တမန်ခင်းမှာပိုပြီး ဝေေ၀၀ါးဝါးဖြစ်လာနေပြီ။ အဲဒါရဲ့ သက်သေကတော့ အဲဒီတုန်းက ပြန်ကြားရေးဒုတိယ၀န်ကြီး ဦးရဲထွဋ်ကို အမေရိကန်မှာတစ်လကြာ သင်တန်းတက်ရောက်ဖို့ ဖိတ်ခေါ်ခဲ့တာပါပဲ။ ဦးရဲထွဋ်အဲဒီမှာရှိနေတုန်းမှာ သူတို့က သူ့ကိုလွှမ်းမိုးနိုင်အောင် လုပ်နိုင်မယ်လို့ ထင်ခဲ့ကြတယ်။ ပြီးတော့ တိုက်တိုက်ဆိုင်ဆိုင်ပဲ ပြန်ကြားရေးဝန်ကြီး နုတ်ထွက်ရပြီး ရာထူးမတိုးခင် တစ်ရက်မှာပဲ ဦးရဲထွဋ်ဟာ နေပြည်တော်ကို ပြန်သွားခဲ့တယ်” ဟု လယ်ရီက ပြောကြားသည်။
သြဂုတ် ၁၀ ရက်တွင် ပြုလုပ်မည့် အာဆီယံဒေသတွင်း ဖိုရမ်သို့ အမေရိကန် လာရောက်ခြင်းနှင့် ဂျွန်ကယ်ရီ၏ မြန်မာခရီးစဉ်သည် အာရှဒေသအပေါ် ၀ါရှင်တန်၏ စိတ်ဝင်စားမှုကို ပြသခြင်းဖြစ်ကြောင်း ၎င်းကဆက်လက် ပြောကြားသည်။
“ဒီခရီးစဉ်ဟာ ၀ါရှင်တန်အနေနဲ့ အာရှအပေါ် ယေဘုယျ စိတ်ဝင်စားမှုရှိကြောင်း ပြတဲ့ပွဲဖြစ်ပြီး အစိုးရအဖွဲ့အနေနဲ့ အာရှဟာအရေးကြီးကြောင်း ပြဖို့အတွက်အခွင့်ကောင်းလည်း ဖြစ်ပါတယ်။ တောင်တရုတ် ပင်လယ်အရေးကိစ္စဟာ ဂျွန်ကယ်ရီအနေနဲ့ ဒီခရီးစဉ်လာရောက်ရတဲ့ အရေးကြီးဆုံးအချက်ပါပဲ။ အဲဒါကလည်း ပေကျင်းထောက်ခံတဲ့ နိုင်ငံတွေနဲ့ သိမ်းငှက်လိုစောင့်ကြည့်နေတဲ့ အမေရိကန်၊ တခြားအာဆီယံ နိုင်ငံတွေအကြား ကျဉ်းမြောင်းတဲ့လမ်းကျဉ်းကို လျှောက်ရမယ့် မြန်မာအတွက် ဖိအားတွေဖြစ်ပေါ် စေမှာပါပဲဟု လယ်ရီက ဆိုသည်။
သို့သော် အမေရိကန်အနေဖြင့် မြန်မာနိုင်ငံအား တရုတ်လွှမ်းမိုးမှု လက်အောက်ခံ ဘ၀သို့ ပြန်တွန်းပို့မည့် ကိစ္စများကိုလုပ်ဆောင်လိမ့်မည် မဟုတ်ကြောင်း ဘာတေးလစ်တနာက ပြောကြားခဲ့သည်။
“၀ါရှင်တန်အတွက် မြန်မာနိုင်ငံအတွင်း အဓိက အကျိုးစီးပွားဟာ အာရှမှာ တရုတ်ကို ပထ၀ီနိုင်ငံရေးအရ တန်ပြန်နိုင်ဖို့ အတွက်သာဖြစ်တယ်လို့ ကျွန်တော် ယုံကြည်တယ်။ အခုဖြစ်နေတဲ့အရာတွေဟာ အမေရိကန်အစိုးရကို စိတ်အနှောင့်အယှက် ဖြစ်နေစေပေမယ့်လည်း သူတို့အနေနဲ့ မြန်မာနိုင်ငံကို တရုတ်ရဲ့ သြဇာအောက်ကို ပြန်တွန်းပို့သလိုဖြစ်သွားမယ့် ဘယ်လိုကိစ္စရပ်မျိုးကိုမှ လုပ်မှာမဟုတ်ဘူးလို့ ကျွန်တော်ထင်ပါတယ်” ဟု ဘာတေးလစ်တနာက ပြောကြားသည်။
from Eleven Daily News http://ift.tt/1lIb0L6
Comments
Post a Comment