မန်ဂါလာကို မန်စီးတီးအသင်း (၅)နှစ်စာချုပ်ဖြင့် ခေါ်ယူ
မန်စီးတီးအသင်းသည် ပေါ်တိုအသင်း၏ ပြင်သစ်လက်ရွေးစင်နောက်ခံလူ မန်ဂါလာအား အပြီးသတ်ခေါ်ယူနိုင်ခဲ့ပြီး (၅)နှစ် စာချုပ်ချုပ်ဆိုခဲ့ကြောင်း သိရှိရသည်။
မန်စီးတီးနည်းပြ ပယ်လီဂရီနီသည် အာဆင်နယ်အသင်းကို ဂိုးပြတ်ရှုံးနိမ့်ခဲ့သည့် ကွန်မြူနတီဒိုင်းပွဲစဉ်အပြီးတွင် မန်ဂါလာသတင်းကို အတည်ပြုပြောကြားခဲ့ခြင်းဖြစ်ပြီး မိမိသည် အသင်း၏လက်ရှိလူအင်အားကို အလွန်အားရကျေနပ်မိသည်ဟု ပြောကြားခဲ့သည်။ ပယ်လီဂရီနီက “မန်ဂါလာကို အသင်းရဲ့ခံစစ်ကြောင်းအတွက် ကျွန်တော်အရမ်းအလိုရှိပြီး အခုလိုခေါ်ယူနိုင်ခဲ့တဲ့အတွက် ၀မ်းမြောက်မိပါတယ်”ဟု ပြောကြားခဲ့သည်။ မန်ဂါလာသည် ပြီးခဲ့သည့် တနင်္လာနေ့က မန်စီးတီးအသင်းနှင့် အပြီးသတ်စာချုပ်ချုပ်ဆိုနိုင်ခဲ့ခြင်းဖြစ်ပြီး မန်စီးတီးအသင်းအနေဖြင့် ၎င်းအတွက်ပြောင်းရွှေ့ကြေး ပေါင်(၃၂)သန်းဝန်းကျင် အသုံးပြုခဲ့ရကာ ကျောနံပါတ်(၂၀)ပေးအပ်ခဲ့ကြောင်းလည်း သိရှိရသည်။
မန်စီးတီးအသင်းသည် ပေါ်တိုအသင်း၏ ကွင်းလယ်လူ ဖာနန်ဒိုကိုလည်း ခေါ်ယူထားပြီး ကွန်မြူနတီဒိုင်းပွဲစဉ်တွင် အသုံးပြုခဲ့သည်။ ယင်းပွဲတွင် အာဆင်နယ်အသင်းကို ဂိုးပြတ်ရှုံးနိမ့်ခဲ့သော်လည်း လာမည့်ရာသီ ပရီးမီးယားလိဂ် ပြိုင်ပွဲအတွက် ယုံကြည်ချက်အပြည့်ရှိကြောင်းနှင့် မိမိသည် အသင်း၏လက်ရှိလူအင်အားကို အလွန်အားရကျေနပ်နေကြောင်း ပယ်လီဂရီနီကပြောကြားခဲ့သည်။ ၎င်းက “ကျွန်တော်တို့အသင်းမှာ အလွန်တောင့်တင်းတဲ့လူစာရင်း ရှိပါတယ်။ ကာဘယ်လာရို၊ ဆက်ဂ်ညာ၊ ဖာနန်ဒိုနဲ့ မန်ဂါလာတို့ဟာ အသင်းကိုပိုပြီးအားကောင်းစေမှာပါ။ ကျွန်တော်တို့ရဲ့ခံစစ်က ပိုတောင့်တင်းလာသလို၊ တိုက်စစ်ကလည်း ပိုကောင်းလာဖို့မျှော်လင့်ထားပါတယ်”ဟုဆိုခဲ့သည်။
(မန်စီးတီးအသင်းသို့ ရောက်ရှိလာသည့် ပေါ်တိုနောက်ခံလူ မန်ဂါလာ)
from Eleven Media Group's Facebook Wall http://ift.tt/1nJC2Bn
Comments
Post a Comment