မြန်မာ-ထိုင်း ရိုးရာလက်ဝှေ့စိန်ခေါ်ပွဲ SKY NET မှ တိုက်ရိုက်ထုတ်လွှင့် ပြသမည်
သောကြာ
လာမည့် ဇူလိုင် ၆ ရက်တွင် သိမ်ဖြူ အားကစားရုံ၌ ပြုလုပ်မည့် မြန်မာ-ထိုင်း ရိုးရာလက်ဝှေ့စိန်ခေါ်ပွဲ (One on One BIG FIGHT)ကို ရွှေသံလွင်ကုမ္ပဏီ၏ SKY NET ရုပ်သံလိုင်းမှ တိုက်ရိုက်ပြသမည်ဟု မြန်မာနိုင်ငံ ရိုးရာလက်ဝှေ့အဖွဲ့ချုပ် ဒိုင်လူကြီး ဦးချစ်ကိုကိုက မဇ်္ဈိမသို့ ပြောသည်။
မြန်မာဘက်မှ ရိုးရာလက်ဝှေ့ကျော် ၁၀ ဦးနှင့် ထိုင်းလက်ဝှေ့ကျော် ၁၀ ဦးတို့ ထိုးသတ်မည့် ရိုးရာလက်ဝှေ့ စိန်ခေါ်ပွဲ၏ ရုံဝင်ကြေးလက်မှတ်ခမှာ ရိုးရိုးတန်း ငွေကျပ် တစ်သောင်းခွဲ၊ ငွေကျပ်သုံးသောင်းနှင့် အထူးတန်း ငွေကျပ်ငါးသောင်း သတ်မှတ်ထားသည်။
ရိုးရာလက်ဝှေ့အဖွဲ့ချုပ် ဒိုင်လူကြီး ဦးချစ်ကိုကိုက “လောလောဆယ်SKY NET ရုပ်သံလိုင်းsports 1,2 လက် ကပြဖို့ သဘော တူညီချက် ရပြီးသွားပါပြီ။ မြန်မာ့အသံ အပါအ၀င် ကျန်ရုပ်သံလိုင်းတွေနဲ့တော့ ညှိနှိုင်းနေတုန်းပါပဲ။ မြန်မာအသံဘက်က လာမယ့်သောကြာနေ့မှ အကြောင်းပြန်ဖို့ ရှိပါတယ်” ဟု ပြော သည်။
ရိုးရာလက်ဝှေ့စိန်ခေါ်ပွဲတွင် ထိုးသတ်မည့် နှစ်ဖက် လက်ဝှေ့ကစားသမားများ၏ ထိုးသတ်ကြေးစုစုပေါင်း မှာ ငွေကျပ် သိန်း ၃၀၀ ကျော်အထိရှိသည့်အတွက် ရုံဝင်ကြေး လက်မှတ်ခဈေးနှုန်း မြင့်မားခြင်းဖြစ်သည်။ သို့သော် ရိုးရာလက်ဝှေ့စိန်ခေါ်ပွဲ စီစဉ်သည့် မြန်မာရိုးရာ လက်ဝှေ့အစည်းအရုံးမှ လက်ဝှေ့ပရိသတ်များ ကြည့်ရှုနိုင်ရန် ရုပ်သံလိုင်းများမှ တိုက်ရိုက်ပြသရန် စီစဉ်နေခြင်း ဖြစ်သည်။ ရိုးရာလက်ဝှေ့ပွဲ ထိုးသတ်မည့် ထိုင်းလက်ဝှေ့ကစားသမားများမှာ လာမည့် ဇူလိုင် ၄ ရက်တွင် ရန်ကုန်မြို့သို့ ရောက်ရှိမည် ဖြစ်သည်။
from Mizzima - News in Burmese's Facebook Wall http://ift.tt/1mneIyn
Comments
Post a Comment