အပစ်ရပ်စဲရေးနှင့်ပတ်သက်၍ သမ္မတ၏ကမ်းလှမ်းချက်သည် အခွင့်ကောင်းအဖြစ် ရှုမြင်နိုင်သကဲ့သို့ ထောင်ချောက်များလည်းရှိနိုင်သည်ဟု NCCT အဖွဲ့ဝင် ထိပ်သီးခေါင်းဆောင်များအစည်းအဝေး အလှည့်ကျသဘာပတိပြောကြား
အပစ်ရပ်စဲရေးနှင့်ပတ်သက်၍ သမ္မတ၏ကမ်းလှမ်းချက်သည် တိုင်းရင်းသားလက်နက်ကိုင်အဖွဲ့များအတွက် အခွင့်ကောင်းအဖြစ် ရှုမြင်နိုင်သကဲ့သို့ ထောင်ချောက်များလည်းရှိနိုင်ကြောင်းဟု ကချင်ပြည်နယ် လိုင်ဇာ၌ ဇူလိုင် ၂၈ ရက်ကကျင်းပသည့် NCCT အဖွဲ့ဝင် ထိပ်သီးခေါင်းဆောင်များအစည်းအဝေး အလှည့်ကျသဘာပတိ ကရင်နီအမျိုးသားတိုးတက်ရေးပါတီ (KNPP) ဥက္ကဋ္ဌ ခွန်းအေဘယ်တွိဒ်က ပြောကြားသည်။
NCCT အဖွဲ့ဝင် တိုင်းရင်းသားလက်နက်ကိုင်အဖွဲ့ ထိပ်သီးခေါင်းဆောင်များ၏ တတိယနေ့အစည်းအဝေးတွင် အပစ်ရပ်မူကြမ်းပါ အခန်း(၅) မှစတင်ဆွေးနွေးခဲ့ပြီး နိုင်ငံရေးဆွေးနွေးရေးမူဘောင်ရေးဆွဲရေးဆိုင်ရာ၊ နိုင်ငံရေးဆွေးနွေးရေး ပူးတွဲဦးဆောင်ကော်မတီဖွဲ့စည်းရေး၊ အပစ်ရပ်စဲရေးကာလအတွင်း နှစ်ဖက်လိုက်နာရမည့် စစ်ဘက်ဆိုင်ရာ စည်းမျဉ်းစည်းကမ်းများ၊ ပူးတွဲစောင့်ကြည့်ရေးကော်မတီ ကော်မတီအဆင့်ဆင့်ဖွဲ့စည်းခြင်းနှင့် ဝေါဟာရအဓိပ္ပာယ်ဖွင့်ဆိုချက်ကိစ္စများကို ဆွေးနွေးခဲ့ကြကြောင်း သိရသည်။
တိုင်းရင်းသားအားလုံး၏ဆန္ဒမှာ လူမျိုးတိုင်း တန်းတူရေးနှင့် ကိုယ်ပိုင်ပြဋ္ဌာန်းခွင့်အပြည့်အ၀ရရှိသည့် ဖက်ဒရယ်ပြည်ထောင်စုထူထောင်ရန်ဖြစ်ကြောင်း၊ စည်းလုံးညီညွတ်မည်ဆိုပါက တိုင်းရင်းသားများ၏ လိုလားချက်များအောင်မြင်မည်ဟု မျှော်လင့်ကြောင်း KNPP ဥက္ကဋ္ဌ ခွန်းအေဘယ်တွိဒ်ကဆိုသည်။
ဘယ်လိုပဲဖြစ်ဖြစ် ကျွန်တော်တို့ အကောင်းဆုံးမျှော်လင့်သည်ဖြစ်စေ အဆိုးဆုံးလည်း ပြင်ဆင်ထားသည်ဖြစ်စေ အဓိကအရေးကြီးတာက ကျွန်တော်တို့တိုင်းရင်းသားအားလုံး စည်းလုံးညီညွတ်ဖို့လိုပါတယ်
ခွန်းအေဘယ်တွိဒ်က "သမ္မတဦးသိန်းစိန်ကမ်းလှမ်းလာတဲ့ အပစ်အခတ်ရပ်စဲရေးနဲ့ ငြိမ်းချမ်းရေးကတော့ ကျွန်တော်ထင်တယ် ဒီတစ်ကြိမ်ဟာ နောက်ဆုံးကမ်းလှမ်းချက်ဖြစ်ပါလိမ့်မယ်။ သမ္မတဦးသိန်းစိန်ကမ်းလှမ်းချက်ကတော့ ကျွန်တော်တို့အတွက် အခွင့်အရေးကောင်းကြီးတစ်ခု ရှုမြင်လက်ခံသလို ကျွန်တော်တို့အတွက်လည်း ထောင်ချောက်များ ရှိကောင်းလည်းရှိနိုင်တယ်လို့ မျှော်လင့်မိတယ်" ဟု ပြောကြားသည်။
နိုင်ငံတော်သမ္မတ၏ အပစ်ရပ်စဲရေးနှင့် ငြိမ်းချမ်းရေးဆိုင်ရာ ကမ်းလှမ်းချက်အပေါ် တိုင်းရင်းသားလက်နက်ကိုင်အဖွဲ့များအနေဖြင့် အကောင်းဘက်မျှော်လင့်ချက်ထားပြီး အဆိုးဆုံးအတွက်လည်း ကြိုတင်ပြင်ဆင်ထားရန်လည်းလိုအပ်မည်ဟု တိုင်းရင်းသားလက်နက်ကိုင်အဖွဲ့ခေါင်းဆောင်များကို ခွန်းအေဘယ်တွိဒ်က ပြောကြားသည်။
"ဘယ်လိုပဲဖြစ်ဖြစ် ကျွန်တော်တို့ အကောင်းဆုံးမျှော်လင့်သည်ဖြစ်စေ အဆိုးဆုံးလည်း ပြင်ဆင်ထားသည်ဖြစ်စေ အဓိကအရေးကြီးတာက ကျွန်တော်တို့တိုင်းရင်းသားအားလုံး စည်းလုံးညီညွတ်ဖို့လိုပါတယ်" ဟု ၎င်းကဆိုသည်။
ယခင်စစ်အစိုးရလက်ထက် ဗိုလ်ချုပ်ကြီးခင်ညွန့်နှင့် တိုင်းရင်းသားလက်နက်ကိုင်အဖွဲ့များအကြား ဆောင်ရွက်ခဲ့သည့် အပစ်အခတ်ရပ်စဲရေးသည် အောင်မြင်မှုမရရှိခဲ့သောကြောင့် သင်ခန်းစာယူရမည်ဖြစ်ကြောင်း၊ ယခင်က တိုင်းရင်းသားလက်နက်ကိုင်အဖွဲ့များသည် တပ်ပေါင်းစုအနေနှင့်မသွားဘဲ တစ်ဖွဲ့ချင်းစီသွားခဲ့သည့်အတွက်ကြောင့် တိုင်းရင်းသားများလိုချင်သော ဖက်ဒရယ်ပြည်ထောင်စုအဆင့်ထိရောက်အောင် မဆွေးနွေးနိုင်ခဲ့ဟု ခွန်းအေဘယ်တွိဒ်က ပြောကြားည်။
"ကျွန်တော်တို့ အဲဒါကိုသင်ခန်းစာယူပြီးတော့ ရှေ့ဆက် တိုင်းရင်းသားတွေရဲ့ အခွင့်အရေး အရေးဆိုတဲ့နေရာမှာ ကျွန်တော်တို့က အတတ်နိုင်ဆုံး တစည်းတလုံးတည်းဖြစ်ဖို့လိုတယ်။ စည်းလုံးညီညွတ်မှု အင်မတန်အရေးကြီးတယ်။ စည်းလုံးညီညွတ်မှုက အောင်ကြောင်းဖြာတယ် ကျွန်တော်တို့အတွက်။ ကျွန်တော်တို့က အဖွဲ့အစည်းမိမိရဲ့ဆန္ဒသဘောထားအရ မလုပ်မိဖို့ အရေးကြီးတယ်။
ဗမာစကားအရ နွားကွဲကျားကိုက်တယ်။ အခုနွားမကွဲဘဲ ကျားကကိုက်နေတဲ့အနေအထားမျိုးရှိတော့ ကျွန်တော်တို့ အတတ်နိုင်ဆုံးကို မိမိရဲ့ဆန္ဒ မိမိရဲ့သဘောထားအရ မလုပ်ကြဖို့ အင်မတန်အရေးကြီးတယ်လို့ ကျွန်တော်မြင်တယ်" ဟု ၎င်းကဆက်လက်ပြောကြားသည်။
KNU ဥက္ကဋ္ဌ ဗိုလ်ချုပ်ကြီးမူတူးစေးဖိုးကလည်း တိုင်းရင်းသားအဖွဲ့များအကြား ညီညွတ်ရေးကို စိန်ခေါ်မှုဖြစ်သော အပစ်ရပ်စဲရေးအတွက် အဆင်သင့်ဖြစ်သည့် အဖွဲ့လက်မှတ်ရေးထိုးကာ ကျန်နေသည့်အဖွဲ့ လမ်းဖွင့်ထားသည်ဆိုသည်မှာ အန္တရာယ်များလှသည်ဟု ပြောကြားထားသည်။
ငြိမ်းချမ်းရေး၊ အပစ်ရပ်စဲရေးတို့နှင့်ပတ်သက်ပြီး ရှေ့လုပ်ငန်းစဉ်များဆောင်ရွက်ရာတွင် တိုင်းရင်းသားလက်နက်ကိုင်အဖွဲ့များ၏ တပ်ပေါင်းစုရှိကြောင်း၊ တပ်ပေါင်းစုမပြိုကွဲရန် များစွာအရေးကြီးကြောင်း တပ်ပေါင်းစုဖြင့် စည်းလုံးညီညွတ်စွာဆောင်ရွက်ပါက တိုင်းရင်းသားများ၏ ရည်မှန်းချက်ပန်းတိုင်ကို မလွဲမသွေရရှိမည်ဟု ခွန်းအေဘယ်တွိဒ်က ပြောကြားသည်။
KNPP ဥက္ကဋ္ဌ ခွန်းအေဘယ်တွိဒ်သည် တိုင်းရင်းသားလက်နက်ကိုင်အဖွဲ့ ၁၂ ဖွဲ့နှင့် ဖွဲ့စည်းထားသော ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ (UNFC) တပ်ပေါင်းစု၏ ဒုတိယဥက္ကဋ္ဌဖြစ်သည်။
from Eleven Daily News http://ift.tt/1oC8c6U
Comments
Post a Comment