MI–DAS လိုင်းတွင် လုပ်ခ အဖြတ်ခံရသည့် မြန်မာသင်္ဘောသားများ ကန်ဒေါ်လာ နှစ်သန်းပြန်ရ
ဂျပန် သင်္ဘောလိုင်း MI–DAS ပိုင် သင်္ဘော ၁၀ စီးတွင် လုပ်ကိုင်ခဲ့သော မြန်မာသင်္ဘောသား ၅၀၀ ဝန်းကျင်ထံမှ ဖြတ်တောက်ယူထားသော လုပ်အားခအဖြစ် အမေရိကန်ဒေါ်လာ နှစ်သန်းဝန်းကျင်ကို သင်္ဘောလိုင်းက ပြန်ပေးကြောင်း Transport worker federation (ITF) မှ Inspector ဦးရွှေထွန်းအောင်က ပြောကြားသည်။
အဆိုပါ သင်္ဘောလိုင်းသည် ITF နှင့် စာချုပ်ချုပ်ဆိုထားသည့် သင်္ဘောဖြစ်သဖြင့် သင်္ဘောသားများကို သတ်မှတ်ထားသည့် လုပ်ခပေးရန် တာဝန်ရှိကြောင်း၊ သို့သော်လည်း မြန်မာသင်္ဘောသားများကို သတ်မှတ်လုပ်အားခ လျှော့ပေး၍ ITF တရားစွဲဆိုခဲ့ရာ လုပ်အားခ ပြန်ပေးခြင်း ဖြစ်ကြောင်း ၎င်းကဆိုသည်။
လုပ်အားခ အပြည့်အဝ မရှိခဲ့သည့် မြန်မာသင်္ဘောသား ၅၀၀ ဝန်းကျင် ရှိသည့်အနက် လာရောက်ဆက်သွယ်သူ သင်္ဘောသား ၃၀ ဝန်းကျင်သာ ရှိသေးကြောင်း၊ ဖြတ်တောက်ခံခဲ့ရသည့် လုပ်အားခများကို ပြန်လည်ရရှိရေးအတွက် နစ်နာခဲ့သည့် သင်္ဘောသားများ ITF ထံ ဆက်သွယ် ထုတ်ယူနိုင်ကြောင်း ဦးရွှေထွန်းအောင်က ရှင်းပြသည်။
မြန်မာသင်္ဘောသား ၅၀၀ ကို ၂၀၀၉ ခုနှစ်၊ အောက်တိုဘာလ ၈ ရက်နေ့မှ ၂၀၁၃ ခုနှစ်အတွင်း လုပ်အားခ ဖြတ်တောက်ခဲ့ခြင်း ဖြစ်ပြီး သင်္ဘောလိုင်းက ပြန်ပေးသည့် လုပ်အားခကို ၂၀၁၄ ခုနှစ်မှ ၂၀၁၇ ခုနှစ်အတွင်းတွင် ထုတ်ပေးမည် ဖြစ်ကြောင်း ITF ထံမှ သိရှိရသည်။“သင်္ဘောသားတွေ ကျန်ငွေ လာထုတ်လို့လည်း သင်္ဘောလိုင်းက အလုပ်မထုတ်ပါဘူး။ သင်္ဘောသားတွေ လာထုတ်နိုင်ပါတယ်” ဟု ဦးရွှေထွန်းအောင်က ပြောကြားသည်။
လုပ်အားခ ပြန်ထုတ်ရာတွင် ITF ၏ မြန်မာပြည် ကိုယ်စားလှယ် ဦးအောင်ကျော်လင်းထံ သင်္ဘောသားလက်မှတ် (CDC)၊ လစာများ ထုတ်ယူစဉ်က ငွေလက်ခံစာရွက်၊ လုပ်သက်နှင့် သင်္ဘောတက်သည့် အချိန်တို့ကို ပေးအပ်ရန် လိုကြောင်း ITF နှင့် ပူးပေါင်း ဆောင်ရွက်နေသည့် DODSON HOOKS and FREDER-ICK Law Corporation မှ MR. Micheal A. Colomb က ဆိုသည်။ MI–DASသင်္ဘောလိုင်းသည် ဂျပန်နိုင်ငံအခြေစိုက် သင်္ဘောလိုင်း ဖြစ်ပြီး မြန်မာသင်္ဘောသားများ ဝင်ရောက် လုပ်ကိုင်လျက်ရှိသည်။
from The Voice Weekly's Facebook Wall http://ift.tt/1nozmhd
Comments
Post a Comment