ထိုင်းရောက် ရွှေ့ပြောင်းလုပ်သားများအတွက် တရားဝင်လက်မှတ်ထုတ်ပေးနေရာ မြန်မာလုပ်သား...

ထိုင်းရောက် ရွှေ့ပြောင်းလုပ်သားများအတွက် တရားဝင်လက်မှတ်ထုတ်ပေးနေရာ မြန်မာလုပ်သား သုံးပုံ တစ်ပုံသာ လာလုပ်သေး



ဖနိဒါ



ချင်းမိုင်၊ ဇူလိုင် ၁



မြန်မာလုပ်သားများ အပါအဝင် ထိုင်းနိုင်ငံအတွင်း လာရောက် လုပ်ကိုင်နေသည့် ရွှေ့ပြောင်းအလုပ်သမားများအား တရားဝင် အလုပ် လုပ်ကိုင်နိုင်ရန် အလုပ်သမားလက်မှတ်(ဘတ်)ကို ဇွန်လ ၃၀ ရက်မှ စတင် ထုတ်လုပ်ပေးနေရာ မြန်မာနိုင်ငံသား အလုပ်သမား ၃ ပုံ ၁ ပုံခန့်သာ လာရောက် လုပ်ကိုင်သည်ဟု ထိုင်းနိုင်ငံရောက် မြန်မာနိုင်ငံသားအဖွဲ့ (MAT)၏ အထွေထွေ

အတွင်းရေးမှူး ကိုခိုင်ကြီးက မဇ္ဈိမကို ပြောသည်။



မြန်မာ၊ လာအိုနှင့် ကမ္ဘောဒီးယား တရားမဝင် ရွှေ့ပြောင်းအလုပ်သမားများအား ထိုင်းနိုင်ငံ အာဏာသိမ်း စစ်ကောင်စီက စမွတ်စခွန်(မဟာချိုင်)တွင် တရားဝင် အလုပ်လုပ်ကိုင်ခွင့် လက်မှတ် ထုတ်ပေးနေရာ ဇွန်လ ၃၀ရက်က အလုပ်သမား ၁၈၀၀ ကျော်နှင့် ဇူလိုင်လ ၁ ရက်တွင် အလုပ်သမား ၁၅၀၀ ကျော် စုစုပေါင်း (၃၃၀၀)ကျော် လာရောက် လုပ်ဆောင်ရာတွင် မြန်မာအလုပ်သမား

၁၀၀၀ ခန့်သာ ပါဝင်သည်ဟု သူက မဇ္ဈိမကို ပြောသည်။



“မဟာချိုင်မှာ မနေ့က ရုံးဖွင့်တယ်။ လူပေါင်း ၁၈၀၀ လောက်လာတယ်။ ဒီနေ့မနက်ပိုင်း မိုးလင်းတာနဲ့ လူ ၈၀၀ လောက်ရှိပြီး ညနေပိုင်း ၃ နာရီလောက်မှာ တခေါက်ပြန်ကြည့်တော့ ၁၅၀၀ လောက်တော့ရှိတယ်။ ဒါပေမဲ့ အဲဒီထဲမှာ မြန်မာနိုင်ငံသား တော်တော်နည်းတယ်။ ကမ္ဘောဒီယားနဲ့ လာအိုတွေပဲ များတယ်။ မြန်မာနိုင်ငံသားက သုံးပုံ တပုံလောက်ပဲ ရှိတယ်”ဟု ကိုခိုင်ကြီးက

ပြောသည်။



အခြား လာအိုနှင့်ကမ္ဘောဒီးယားနိုင်ငံသား အများစုမှာ ဆောက်လုပ်ရေးလုပ်ငန်းများတွင် လုပ်ကိုင်နေသူ များပြီး မြန်မာနိုင်ငံသား အများစုမှာ စက်ရုံ၊ အလုပ်ရုံတွင် လုပ်ကိုင်ရာ အလုပ်ရှင်က အာဏာပိုင်များကို ပိုက်ဆံပေး၍ လုပ်ခွင့်ပြုထားသဖြင့် မလုပ်မဖြစ် အလုပ်သမားများကိုသာ တရားဝင်ကတ် လာရောက်လုပ်ကိုင်သည်ဟု သူက ဆိုသည်။



“ ပြဿနာက တရားဝင်လုပ်တဲ့စနစ်က ငွေကို ကိုယ်တိုင်ရှင်းရတဲ့စနစ်ကို လုပ်တာပဲ။ လုပ်ငန်းရှင်ကနေ ကြားထဲ ဘယ်လောက်ကုန်တယ်ဆိုတာ ပွင့်လင်းမြင်သာအောင် လုပ်တော့ သူတို့အတွက် အကျိုးအမြတ် မရှိဘူး။ အဲတော့ တကယ့် မဖြစ်မနေလူလောက်ပဲ တက်လုပ်နေတာ။ အလုပ်သမား လက်မှတ် လုပ်ထားပြီဆိုရင် သူတုိ့က အစိုးရကို အခွန်ဆောင်ရတော့မယ်။ လိုက်မှာကြောက်လို့ အခြေအနေကြည့်ပြီး မလုပ်ပေးသေးတာ”ဟု သူက ဆက်ပြောသည်။



ထိုင်းအလုပ်ရှင်များဘက်မှ စောင့်ကြည့်နေသည့် အနေအထား ရှိနေပြီး လတ်တလော မြန်မာနိုင်ငံသား ပွဲစားများ စမွန်စခွန်(မဟာချိုင်) ရုံးသို့ ရောက်လာပါက ဖမ်းဆီးမည် ဟူသော သတင်း ထွက်ပေါ်နေသဖြင့် အလုပ်သမား အကျိုးဆောင်များက မသွားရဲဘဲ ဖြစ်နေသည်ဟု သူက ဆိုသည်။



ဇွန်လ ၃၀ ရက်က စတင်၍ ထိုင်းနိုင်ငံ အလုပ်သမားရေးရာဌာနက တရားမဝင် အလုပ်သမားများအတွက် တရားဝင် အလုပ်လုပ်ခွင့် လက်မှတ်ကို တစ်နေရာတည်းအပြီး (One stop service) လုပ်ဆောင်ပေးနေပြီး အဆိုပါ အလုပ်သမား လက်မှတ်ကို နှစ်လအတွင်း လာရောက် လုပ်ရမည်ြ ဖစ်သည်။ နှစ်လအတွင်း တရားဝင် လာရောက် မလုပ်ပါက ထိုင်းစစ်တပ်က ပြန်လည် ဖမ်းဆီးသွားမည် ဖြစ်သည်။



အလုပ်သမားလက်မှတ်(ဘတ်)အတွက် ၈၀ ဘတ် (မြန်မာငွေ ၂၄၀၀ကျပ်)၊ ကျန်းမာရေး ဆေးစစ်ခ ဘတ်၅၀၀(၁၅,၀၀၀ကျပ်)၊ ကျန်းမာနေရေးအာမခံ ၅၀၀(၁၅,၀၀၀ကျပ်)၊ အလုပ်လုပ်ခွင့် ၂၂၅ ဘတ်(၆၇၅၀ကျပ်) စုစုပေါင်း ၁၃၀၅ဘတ်(ကျပ် လေးသောင်းဝန်းကျင်) ကုန်ကျမည် ဖြစ်သည်။



ယခု အလုပ်သမားလက်မှတ်(ဘတ်) လုပ်ပေးခြင်းသည် ယာယီထောက်ခံစာ အနေဖြင့် လုပ်ပေးခြင်းဖြစ်၍ ကြိုဆိုကြောင်း ထိုင်းနိုင်ငံ အခြေစိုက် ရွှေ့ပြောင်းအလုပ်သမား အခွင့်အရေးကွန်ရက် (MWRN) ၏ ဥက္ကဋ္ဌ ဦးအောင်ကျော်က ပြောသည်။



“မနေ့က ကျွန်တော် တနေကုန် သွားလေ့လာကြည့်တော့ ထိုင်းတာဝန်ရှိ အစိုးရပုဂ္ဂိုလ်တွေ ပြောတာက တစ်ရက်ကို အလုပ်သမား ၂၀၀၀ လောက်ပြည့်အောင် လုပ်ပေးမယ်လုိ့ ပြောတယ်။

ကုန်ကျစရိတ်ကလည်း သက်တောင့် သက်သာနဲ့ လုပ်ပေးနေတယ်။ အထောက်အထားမရှိတဲ့ အလုပ်သမားတွေကို ခုလို လုပ်ပေးလိုက်တာတော့ ကောင်းတဲ့လက္ခဏာလို့ ကြိုဆိုတယ်”ဟု ဦးအောင်ကျော်က မဇ္ဈိမကို ပြောသည်။



ဇွန်လလယ်ပိုင်းက ရွှေ့ပြောင်းအလုပ်သမားများအား ထိုင်းစစ်တပ်က ဖမ်းဆီးမှုများ ရှိခဲ့သဖြင့် ကမ္ဘောဒီယား အလုပ်သမား ၁ သိန်းကျော် မိမိနိုင်ငံသို့ ပြန်သွားခဲ့ပြီးနောက် ထိုင်းနိုင်ငံ၏ စက်ရုံများတွင်

လုပ်သားလိုအပ်ချက်မှုများ၊ စီးပွားရေး ဆုံးရှုံးမှုများ ရှိခဲ့သည်။



ထိုင်းနိုင်ငံအတွင်း မြန်မာအလုပ်သမား လူဦးရေ ၃ သန်းခန့် နေထိုင်လျက်ရှိသည်။

from Mizzima - News in Burmese's Facebook Wall http://ift.tt/1rbmY6k