ထိုင်းအရေးကြောင့် ဧည့်သည်ဝင်ရောက်မှု များစွာမထိခိုက်နိုင်
မြန်မာနိုင်ငံခရီးသွားလုပ်ငန်းမှာ အရှိန်အဟုန်နဲ့တိုးတက်လာနေပါတယ်။ ဒီအချိန်မှာပဲ ပြည်ပခရီးသည်ဝင်ရောက်မှုအတွက် အရေးအပါနေတဲ့ ထိုင်းနိုင်ငံရဲ့ နိုင်ငံရေးဖြစ်စဉ်တွေကြောင့် မူလခန့်မှန်းထားခဲ့တဲ့ ဧည့်သည် ၃ သန်းပြည့်မီရေးဟာ စိုးရိမ်စရာအနေအထားကို ရောက်မလာနိုင်ဘူးလို့ မြန်မာနိုင်ငံ ဟိုတယ်နဲ့ ခရီးသွားလာရေး ဝန်ကြီးဌာန ညွှန်ကြားရေးမှူးက ပြောပါတယ်။
“Impact တော့ ရှိတယ်။ ၃သန်းကတော့ ပြည့်မီမယ် ယုံတယ်။ ဘာဖြစ်လိုလဲဆိုတော့ ယုံကြည်တာက အရှိန်ပေါ့။ အရှိန်ရှိနေတော့ ဧည်သည်တွေလာနေတယ်။ အခုထက်ထိလည်းလာနေတာပဲ။ အခုဆို စပြီး ပြင်ဆင်နေရပီပေါ့။ ပွင့်လင်းရာသီမှာလာကြမယ်ကိစ္စအတွက်” လို့ ဟိုတယ်နဲ့ ခရီးသွား ဝန်ကြီးဌာန ညွှန်ကြားရေးမှူး ဦးတင်ထွန်းအောင်က ပြောပါတယ်။
မြန်မာနိုင်ငံအနေနဲ့ ပြီးခဲ့တဲ့နှစ်အတွင်း ပြည်ပခရီးသွားဧည့်သည် ၂ သန်းကျော်ထိရှိခဲ့ပြီး အခုနှစ်အတွက် ၃ သန်းထိ ဝင်ရောက်ဖို့ မျှော်မှန်းထားပါတယ်။ အခုနှစ် ၂ဝ၁၄ အတွက် နောက်ဆုံးရရှိထားတဲ့စာရင်းတွေအရ ဇွန်လအထိ ခရီးသွား ၂ သန်းလောက် ဝင်ရောက်ပြီးဖြစ်တယ်လို့ စာရင်းတွေမှာ ဖော်ပြထားပါတယ်။
“ဟိုမှာက နိုင်ငံရေးအခြေအနေ မကောင်းလို့ စီးပွားရေးတွေ ကျဆင်းလို့ ဝင်ငွေတွေ လျော့ကုန်လို့ အလာကျဲနိုင်တဲ့ အလားအလာတော့ရှိတာပေါ့။ သိုသော် ခုထက်ထိတော့ မိုးရာသီလည်း ရောနေတယ်ဆိုတော့ ရှင်းရှင်းလင်းလင်း မသိရသေးဘူး။ မိုးရာသီကုန်လို့ ရှိရင် Tourism ရာသီ ကျရင် ပွင့်လင်းရာသီ ရောက်ရင် ဒီအရေအတွက်ကတော့ အနည်းအကျဉ်း ထိခိုက်နိုင်တယ်ပေါ့။”
ဟိုတယ်လုပ်ငန်းရှင်များအသင်းရဲ့ ဒု-ဥက္ကဌ ဦးကျော်ခိုင် ပြောပြခဲ့တာဖြစ်ပါတယ်။လာမယ့် အောက်တိုဘာလကိုရောက်ရင်တော့ မူလခန့်မှန်းထားတဲ့ ဧည့်သည် ၃ သန်းပြည့်မပြည့် ခန့်မှန်းနိုင်လိမ့်မယ်လို့ ပြောပါတယ်။
လက်ရှိထိုင်းနိုင်ငံရေးအခြေအနေနဲ့ ပက်သက်ပြီး ထိုင်းနိုင်ငံ Air Asia X လေကြောင်းလိုင်းရဲ့ အမှုဆောင်ရာရှိချုပ်ကတော့ ဒီလိုပြောပါတယ်။
“လက်ရှိထိုင်းနိုင်ငံရဲ့ အခြေအနေကို ခင်ဗျားတို့လေ့လာကြည့်ရင် သေးငယ်တဲ့တည်ငြိမ်မှုတွေ ပြန်လည်ဖြစ်ပေါ်နေပါပြီ၊ တည်ငြိမ်မှုကြောင့် ခရီးသွားလုပ်ငန်းဟာအပေါင်းလက္ခဏာ ဆောင်တဲ့ ယုံကြည်မှုတွေဖြစ်နေပါပြီ။ ခရီးသွားလုပ်ငန်းနဲ့ ပက်သတ်တဲ့ စီးပွားရေးလုပ်ငန်း တွေမှာ ငွေကြေးအရင်းအနှီးဈေးကွက်တွေ တိုးတက်စပြုနေပါတယ်၊ ဒါကြောင့် ဘယ်သူမဆို စီးပွားရေးလုပ်ဖို့ တည်ငြိမ်တဲ့အခြေအနေကောင်းတြွေုဖစ်နေပြီလို့ သုံးသပ်ပါတယ်။”
မြန်မာနိုင်ငံကို ဝင်ရောက်နေတဲ့ ခရီးသွားဧည်သည်တွေထဲမှာ ထိုင်း၊ တရုတ်၊ ဂျပန်နဲ့ ကိုရီးယားနိုင်ငံတွေက အများဆုံးဖြစ်ပါတယ်။
ထိုင်းအရေးကြောင့် ဧည့်သည်ဝင်ရောက်မှု များစွာမထိခိုက်နိုင်
ထိုင်းနိုင်ငံရေး မတည်ငြိမ်မှုတွေကြောင့် မြန်မာ့ခရီးသွားလုပ်ငန်းကို ထိခိုက်လာနိုင်မလားဆိုပြီး စိုးရိမ်မှုတွေ ရှိနေပါတယ်။ အခု ၂၀၁၄ - ၂၀၁၅ ခရီးသွားရာသီအတွက် ပြည်ပ...
from Mizzima - News in Burmese's Facebook Wall http://ift.tt/1mARDs3
Comments
Post a Comment