မြို့ကြီးသုံးမြို့ရှိ ခြေ၊ လက်အင်္ဂါမဲ့သူများကိုရှာဖွေကာ ခြေတု၊ လက်တု တပ်ဆင်ပေးမည်
မန္တလေး၊ ဇူလိုင် ၁
ပြည်တွင်းစစ်နှင့် လုပ်ငန်းခွင်အပါအဝင် အကြောင်းအမျိုးမျိုးကြောင့် ခြေ၊ လက်ပြတ်ပြီး ကိုယ်အင်္ဂါ မသန်စွမ်းဖြစ်နေရာ ရန်ကုန်တိုင်းဒေသကြီးနှင့် ရှမ်းပြည်နယ်တို့ရှိ မြို့ကြီးသုံးမြို့တွင် ခြေ၊လက်အင်္ဂါမဲ့သူများကို ရှာဖွေကာ မြန်မာနိုင်ငံ ကြက်ခြေနီအသင်းနှင့် အပြည်ပြည်ဆိုင်ရာ ကြက်ခြေနီကော်မတီတို့ ပူးပေါင်းပြီး ခြေတုလက်တု ရှာဖွေတပ်ဆင်ရေးလုပ်ငန်းများ ဆောင်ရွက်ပေးသွားမည် ဖြစ်ကြောင်း မန္တလေးတိုင်းဒေသကြီး ကြက်ခြေနီ ဒုတိယတပ်ဖွဲ့မှူး ဦးဘုန်းကျော်က ပြောကြားသည်။
ခြေတုလက်တု ရှာဖွေတပ်ဆင်ရေး လုပ်ငန်းများကို ရန်ကုန်တိုင်းဒေသကြီး ရန်ကုန်မြို့၊ ရှမ်းပြည်နယ် တောင်ကြီးမြို့နှင့် လားရှိုးမြို့တို့တွင် ဆောင်ရွက်ပေးမည်ဖြစ်ပြီး ယင်းမြို့သုံးမြို့တွင်ရှိသော ကြက်ခြေနီ တပ်ဖွဲ့ဝင်များက မွေးရာပါ ကိုယ်လက်အင်္ဂါချို့ယွင်းသူ၊ အကြောင်းအမျိုးမျိုးကြောင့် ကိုယ်လက်အင်္ဂါ ချို့ယွင်းသူနှင့် ရောဂါဘယကြောင့် ဖြတ်တောက်လိုက်ရသည့် ခြေလက်မသန် စွမ်းသူများကို လိုက်လံရှာဖွေပြီး မိမိတို့၏ ပြည်နယ်၊ တိုင်းဒေသကြီး ကြက်ခြေနီရုံးများမှတစ်ဆင့် မတ္တရာမြို့နယ်ရှိ ရေနံ့သာ ခြေတုစက်ရုံထံ အခမဲ့ပို့ဆောင်ပေးပြီး တပ်ဆင်ရေး လုပ်ငန်းများကို ဆောင်ရွက်ပေးမည်ဖြစ်ကာ တပ်ဆင်ပေးမည့်သူများသည် တိုင်းဒေသကြီး ကြက်ခြေနီရုံးများသို့ ရောက်ရှိလာလျှင် အသွားအပြန် ကုန်ကျစရိတ်များကို ကျခံပေးမည့်အပြင် ခြေတုလက်တု တပ်ဆင်သွားသူများကို တပ်ပေးသည့်အချိန်မှစ၍ ခြောက်လအတွင်း တိုးတက်မှု အခြေအနေများကို ပြန်လည် ဆန်းစစ်သည့် လုပ်ငန်းများလည်း လုပ်ဆောင်မည် ဖြစ်ကြောင်း ၎င်းက ထပ်လောင်းပြောကြားသည်။
“အဲ့ဒီ ခြေတုတပ်ဆင်ရေး လုပ်ငန်းတွေကို စီမံကိန်းဝင် မြို့နယ်မှာရှိတဲ့ ကြက်ခြေနီလူငယ်တွေက နေရာအနှံ့ လိုက်လံရှာဖွေမှာပါ။ ရှာဖွေမှုကတော့ မြို့နယ် ကြက်ခြေနီအသင်းရဲ့ အစီအစဉ်နဲ့ ရှာဖွေမှာပါ” ဟု ၎င်းကဆိုသည်။
မန္တလေးတိုင်းဒေသကြီးအနေနှင့် ခြေတုလက်တု တပ်ဆင်ရေး စီမံကိန်းတွင် မပါဝင်သော်လည်း မြို့နယ်ကြက်ခြေနီ အသင်းများသို့ ခြေတုလက်တု တပ်ဆင်လိုကြောင်း လာရောက် အကူညီတောင်းခံမှုရှိလျှင် မြို့နယ်ကြက်ခြေနီ တပ်ဖွဲ့ဝင်များမှတစ်ဆင့် တိုင်းဒေသကြီး ကြက်ခြေနီသို့ ဆက်သွယ်ပေးပြီးနောက် အသင်းပိုင် မော်တော်ယာဉ်များဖြင့် ရေနံ့သာခြေတု လက်တုစက်ရုံသို့ ပို့ဆောင်ပေးနေကြောင်း အောင်မြေသာစံမြို့နယ် ဒေါနဘွား ရပ်ကွက်ရှိ ကြက်ခြေနီတပ်ခွဲမှူး ဦးသိန်းထွန်းအောင်က ပြောကြားသည်။
“ကျွန်တော့်ခြေထောက်ကို ကန္တာရဆူးစူးလို့ ညာဘက်ခြေထောက်တစ်ချောင်း ဖြတ်လိုက်ရတယ်။ ခြေတုတပ်ချင်တော့ တိုင်းကြက်ခြေနီအသင်းကို သွားအကူညီတောင်းခဲ့ပါတယ်။ သူတို့ကပဲ အဲ့ဒီရေနံ့သာစက်ရုံ ရောက်အောင်အစအဆုံး အကူအညီ ပေးခဲ့ပါတယ်” ဟု တောင်သာမြို့မှ ပဲမျိုးစုံ ရောင်းဝယ်နေသည့် ဦးကိုလေးက ဆိုသည်။
ရေနံ့သာစက်ရုံတွင် ခြေတု၊ လက်တု ပညာရှင် ၂ ဦးသာရှိသည့်အတွက် အရည်အသွေး ပြည့်မီသည့် ခြေတု၊ လက်တုလုပ်ငန်းများ ဆောင်ရွက်နိုင်ရန် တစ်လလျှင် ခြေတုအချောင်း ၂၀ သာလုပ်ဆောင်နိုင်ပြီး ခြေတုစီမံချက် ဆောင်ရွက်နေသည့် တိုင်းဒေသကြီးသုံးခုအတွက် တတ်နိုင်သ၍ ကြိုးစားလုပ်ဆောင် ပေးနေကြောင်း မတ္တရာမြို့နယ် ရေနံ့သာခြေတုလက်တုစက်ရုံ စက်ရုံမှူး ဒေါက်တာဒေါ်မြသီတာက ပြောကြားသည်။
“မန္တလေးဆေးရုံမှာတော့ ခြေတုလက်တု တပ်ဆင်ရေး လုပ်ငန်းရှိတယ်။ အခု ဆေးရုံအကြီးစား ပြင်ဆင်နေလို့ အဲ့ဒီလုပ်ငန်း ခဏရပ်ထားပါတယ်” ဟု ယင်းဆေးရုံ တာဝန်ရှိသူတစ်ဦးက ဆိုသည်။
မန္တလေးတိုင်းဒေသကြီးအတွင်း၌ ခြေတုလက်တု တပ်ဆင်ရေး အလုပ်ရုံမရှိသဖြင့် မြန်မာနိုင်ငံ ကိုယ်အင်္ဂါမသန်စွမ်းသူ အသင်းအနေနှင့် ခြေတုလက်တု တပ်ဆင်လိုသူများ လာရောက် ဆက်သွယ်လျှင် အသင်းချုပ်၏ ရန်ကုန်ရှိ အလုပ်ရုံသို့ ဆက်သွယ်ပေးကြောင်း၊ ဆေးရုံကြီးရှိ ခြေတုလက်တုအလုပ်ရုံ ပြင်နေသဖြင့် အသင်းမှ ICRC နှင့် ပြုလုပ်ရန်ရှိသည့် ခြေတုအချောင်း ၄၀ မရသေးကြောင်း မြန်မာနိုင်ငံ ကိုယ်အင်္ဂါမသန်စွမ်းသူများအသင်း (မန္တလေးတိုင်းဒေသကြီး) ဥက္ကဋ္ဌ ဦးစိုင်းအောင်ထက်က ပြောကြားသည်။
အဆိုပါခြေတုလက်တု တပ်ဆင်ရေးလုပ်ငန်းများကို ကြက်ခြေနီအသင်းနှင့် ICRC တို့မှ ၂၀၁၂ ခုနှစ်တွင် မကွေး၊ စစ်ကိုင်းတိုင်းဒေသကြီးနှင့် ကချင်ပြည်နယ်တို့တွင် စတင်လုပ်ကိုင်ခဲ့ပြီး မန္တလေးတိုင်းဒေသကြီးအနေနှင့် ခြေတုလက်တု တပ်ဆင်ရေး လုပ်ငန်းများကို မြို့ပေါ်မှ လာရောက် ဆက်သွယ်မှု နည်းပါးပြီး နယ်မြို့များမှ လာရောက် ဆက်သွယ်မှုများကြောင်း မန္တလေးတိုင်းဒေသကြီး ကြက်ခြေနီရုံးထံမှ စုံစမ်းသိရှိရသည်။
from The Voice Weekly's Facebook Wall http://ift.tt/1rhM3wv
Comments
Post a Comment