လုပ်ပွဲပြဿနာနှင့် ပတ်သက်ပြီး စုံစမ်းစစ်ဆေးမှုပြုလုပ်မည်ဟု ကင်မရွန်းဘောလုံးအဖွဲ့ချုပ် အတည်ပြုကြေညာ
ကင်မရွန်းဘောလုံးအဖွဲ့ချုပ်(FECAFOOT) သည် ကမ္ဘာ့ဖလားအုပ်စုအဆင့်ပွဲစဉ်များတွင် လက်ရွေးစင်ကစားသမားများ လုပ်ပွဲပြုလုပ်ခြင်းရှိ၊ မရှိကို စုံစမ်းစစ်ဆေးသွားမည်ဖြစ်ကြောင်း ဇွန်လ ၃ဝရက်က ထုတ်ပြန်ကြေညာခဲ့သည်။
FECAFOOT သည် ကင်မရွန်း၏ အုပ်စုပွဲစဉ် သုံးပွဲစလုံးစစ်ဆေးသွားမည်ဖြစ်သော်လည်း ဇွန်လ ၁၈ရက် ကကစားခဲ့သည့် ခရိုအေးရှားအသင်းကို လေးဂိုးပြတ် ရှုံးနိမ့်ခဲ့သည့် အုပ်စုဒုတိယပွဲစဉ်ကို အဓိကစုံစမ်းသွားမည်ဖြစ်သည်။
ဂျာမန်မဂ္ဂဇင်း Der Spiegel ၏ဖော်ပြချက်အရ လုပ်ပွဲပြုလုပ်သူဟု သံသယရှိသူ စင်ကာပူနိုင်ငံသား ဝီလ်ဆင်ရာပီရူမယ်သည် ယင်းပွဲရလဒ်နှင့် ကင်မရွန်းကစားသမားတစ်ဦး ပထမပိုင်းတွင် အထုတ်ခံရမှုကို မှန်ကန်အောင် ခန့်မှန်းနိုင်ခဲ့ကြောင်း သတင်းများက ဖော်ပြခဲ့သည်။
FECAFOOT ၏ကြေညာချက်တွင်၎င်းတို့အနေဖြင့် ယင်းကိစ္စနှင့်ပတ်သက်သည့် အချက်အလက်များကို အများပြည်သူရှေ့မှောက်သို့ ထုတ်ပြန်ပေးသွားမည်ဖြစ်ပြီး FIFA နှင့်မူ ဆက်သွယ်ဆောင်ရွက်မည် မဟုတ်ကြောင်း၊ အဖွဲ့ချုပ်၏ စည်းကမ်းပိုင်းဆိုင်ရာနှင့် ကျင့်ဝတ်ကော်မတီမှသာ စွပ်စွဲချက်များကို စစ်ဆေးသွားမည်ဖြစ်ကြောင်းပါရှိခဲ့သည်။ ကင်မရွန်းဘောလုံးတွင် လူပွဲကစားမှုမရှိခဲ့ဖူးကြောင်း ယင်းကြေညာချက်တွင် ဖော်ပြခဲ့သည်။
လုပ်ပွဲကစားသည်ဟု စွပ်စွဲခံနေရသည့် ကင်မရွန်းလက်ရွေးစင်အသင်း (Photo-AFP)
from Eleven Media Group's Facebook Wall http://ift.tt/1qeDqRI
Comments
Post a Comment