အရှိုချင်းအမျိုးသားပါတီ ကြားဖြတ်ရွေးကောက်ပွဲဝင်မည်
မှူး(အောင်လံ)
အောင်လံ၊ မဇ္ဈိမ။ ။ အရှိုချင်းအမျိုးသားပါတီသည် ၂၀၁၄ကြားဖြတ်ရွေးကောက်ပွဲတွင် မကွေးတိုင်းဒေသကြီး၊ သရက်ခရိုင် ကံမမြို့နယ်၌ လစ်လပ်နေသော ပြည်သူ့လွှတ်တော်ကိုယ်စားလှယ် နေရာတွင်
ဝင်ရောက်ယှဉ်ပြိုင်မည်ဟု အရှိုချင်းအမျိုးသားပါတီ၏ အလုပ်အမှုဆောင်အဖွဲ့ ဥက္ကဋ္ဌ ဦးကြည်ဟန်ကပြောသည်။
"ကြားဖြတ်ရွေးကောက်ပွဲမှာ ကျွန်တော်တို့ပါတီ အနေနဲ့ ကံမမြို့နယ်မှာ ဝင်ရောက်အရွေးခံမှာပါ" ဟု ၎င်းကဆိုသည်။
အရှိုချင်းအမျိုးသားပါတီသည် မကွေးတိုင်းအတွင်း၌ မင်းတုန်း၊ ကံမ၊ မင်းလှ၊ ဆင်ပေါင်ဝဲ၊ တောင်တွင်းကြီး စသည့် မြို့နယ်များ၊ အောင်လံမြို့နယ် မင်းကန်ကျေးရွာတို့တွင် ရုံးများဖွင့်လှစ်ထားပြီး ပါတီစည်းရုံးရေး
လုပ်ငန်းများ ဆောင်ရွက်နေပြီ ဖြစ်သည်။
ကံမမြို့နယ် ပြည်သူ့လွှတ်တော်နေရာသည် ပြန်ကြားရေး ဒုတိယ၀န်ကြီးဟောင်းနှင့် ယခု သာသနာရေးဝန်ကြီးဌာန ပြည်ထောင်စုဝန်ကြီး အဖြစ် ရာထူးတိုးမြှင့်ခံရသည့် ဦးပိုက်ထွေး၏ မဲဆန္ဒနယ်ဖြစ်သည်။
အရှိုချင်းအမျိုးသားပါတီကို ပြည်ထောင်စုရွေးကောက်ပွဲကော်မရှင်က ၂၀၁၂ ခုနှစ်၊ ဇွန် ၅ရက်တွင် နိုင်ငံရေးပါတီအဖြစ် တရားဝင်ရပ်တည်ခွင့်ပြုခဲ့ပြီး တစ်နိုင်ငံလုံးတွင် ပါတီရုံး ခွဲ ၁၈ ခုဖွင့်ထားသည်။
from Mizzima - News in Burmese's Facebook Wall http://ift.tt/VgLxSh
Comments
Post a Comment