စည်းကမ်းမဲ့ယာဉ်များကို ယာဉ်မောင်းလိုင်စင် လေးနှစ်အထိ ပိတ်သိမ်းအရေးယူမည့် စီမံချက...

စည်းကမ်းမဲ့ယာဉ်များကို ယာဉ်မောင်းလိုင်စင် လေးနှစ်အထိ ပိတ်သိမ်းအရေးယူမည့် စီမံချက် ဇူလိုင် ၁၁ရက် စမည်



နန်းမြင့်



ရန်ကုန်၊ မဇ္ဈိမ။ ။ ရန်ကုန်တိုင်းအတွင်းရှိ စည်းကမ်းမဲ့ ယာဉ်မောင်းများကို ဒဏ်ငွေကျပ် ၁၅၀၀အစား ယာဉ်မောင်းလိုင်စင် လေးနှစ်အထိ ပိတ်သိမ်း အရေးယူမည့် အစီအစဉ်ကို ဇူလိုင် ၁၁ရက်မှ စတင်၍ အကောင်အထည် ဖော်တော့မည်ဟု အမှတ်(၂) ယာဉ်ထိန်းရဲတပ်ဖွဲ့ ခွဲမှူးရုံးမှ ဒုတိယရဲမှူးကြီး ဦးလင်းထွဋ်က ဇူလိုင် ၄ရက်တွင် မီဒီယာများကို ပြောသည်။



ယခင်က ယာဉ်စည်းကမ်း၊ လမ်းစည်ကမ်း ချိုးဖောက်သည့် ယာဉ်မောင်းများကို ၁၉၆၄ခုနှစ် မော်တော်ယာဉ် ဥပဒေအရ ယာဉ်စည်းကမ်းတရားရုံးတွင် ဒဏ်ငွေ ကျပ် ၁၅၀၀ဖြင့် အရေးယူခဲ့သည့်အတွက် ထိုဒဏ်ငွေသည် ထိရောက်မှုမရှိသဖြင့် ယခုအခါတွင်းဒဏ်ငွေအပြင် ကျူးလွန်သည့် ပြစ်မှုအကြိမ်အရေအတွက်ပေါ်မူတည်၍ အနည်းဆုံး တစ်လမှ လေးနှစ်အထိ ယာဉ်မောင်းလိုင်စင် ပိတ်သိမ်း အရေးယူသွားမည် ဖြစ်သည်။



ထိုသို့ အရေးယူဆောင်ရွက်ရာတွင် ခရီးသည်ယာဉ်၊ ကုန်တင်ယာဉ်၊ ကိုယ်ပိုင်ယာဉ်နှင့် ဆိုက်ကယ် အစရှိသည့်ယာဉ်များ ကျူးလွန်သည့် ပြစ်မှုနှင့် အကြိမ်အရေအတွက်ပေါ်မူတည်ပြီး အရေးယူသွားမည် ဖြစ်သည်။



ဦးလင်းထွဋ်က“ စည်းကမ်းမဲ့ယာဉ်များကို လိုင်စင်ပိတ်သိမ်းအရေးယူဖို့ ဇူလိုင် ၂ရက်က စတင် အသိပေးထားပြီးဖြစ်တဲ့အတွက် ၁၁ရက်မှာ အကောင်အထည်ဖော်သွားမယ်”ဟု ပြောသည်။



ယာဉ်၏ ဘေးနှင့် နောက်တွင် ခရီးသည် စီးနင်သည်ကို မတားမြစ်ခြင်း၊ ယာဉ်ရပ်ထားစဉ် တံခါးပိတ်ထားခြင်း ပြုလုပ်လျှင် ပထမအကြိမ် တစ်လ၊ ဒုတိယအကြိမ် သုံးလ၊ တတိယအကြိမ် ခြောက်လနှင့် စတုတ္ထအကြိမ် တစ်နှစ်အထိ ယာဉ်မောင်းလိုင်စင်ပိတ်သိမ်းသွားမည် ဖြစ်သည်။



ထို့ပြင် မီးနီဖြတ်ခြင်း၊ အရက်သေစာ၊ မူယစ်ဆေးဝါးသောက်စားပြီး ယာဉ်ကိုမထိန်းနိုင်အောင် မောင်နှင်ခြင်း၊ ယာဉ်မရပ်ရနေရာ သတ်မှတ်ထားသော ၁၂ နေရာ၌ ယာဉ်ခြင်း၊ မီးပွိုင့် လူတက်/ဆင်း တင်ခြင်း၊ အာဏာပိုင်အဖွဲ့မှ ထုတ်ပြန်ထားသော ညွန်ကြားချက်နှင့် မညီညွတ်ခြင်း၊ စည်ပင်နယ်နမိတ်အတွင်း ဆိုင်ကယ် နယ်ကျော်စီးခြင်း ပြစ်မှုများချိုးဖောက်လျှင် ပထမအကြိမ် ခြောက်လ၊ ဒုတိယအကြိမ် တစ်နှစ်၊ တတိယအကြိမ် သုံးနှစ်၊ စတုတ္ထအကြိမ် လေးနှစ် အထိ လိုင်စင်ပိတ်သိမ်း သွားမည်ဖြစ်သည်။



ကုန်တင်ယာဉ်များ မဝင်ရလမ်းဝင်ခြင်း၊ အမြန်နှုန်းကန့်သက်ချက်ထက် ပိုမောင်းခြင်းများ ပြုလုပ်လျှင် ကျူးလွန်သည့် အကြိမ်ရေပေါ်မူတည်ပြီး တစ်နှစ်မှ လေးနှစ်အထိ လိုင်စင်ပိတ်သိမ်းသွားမည် ဖြစ်ခြင်းနှင့် ရန်ကုန်မြို့တော် ယာဉ်မရပ်နားရ သတ်မှတ်ထားသည့် လမ်း ၈၂လမ်းတွင် ယာဉ်ရပ်ခြင်းများ၊ စက်ပျက်ယာဉ် လမ်းဘေးမရွေ့လျှင် အကြိမ်ရေပေါ်မူတည်ပြီး အနည်းဆုံး သုံးလမှ တစ်နှစ်အထိ ယာဉ်မောင်းလိုင်စင် ပိတ်သိမ်း အရေးယူ သွားမည် ဖြစ်သည်။



ယာဉ်စည်းကမ်းလမ်းစည်း ကမ်းချိုးဖောက်သည့် ယာဉ်မောင်းများကို ယာဉ်ထိန်းရဲ၊ ကညန၊ မထသ၊ စည်ပင်ရဲ၊ စည်ပင်လမ်း၊ စည်ပင်လမ်းတံတား တို့ဖြင့် ဖွဲ့စည်းထားသော အဖွဲ့ကိုးဖွဲ့က ဖမ်းဆီးအရေးယူသွားမည် ဖြစ်သည်။ ရန်ကုန်တိုင်းတွင် ယာဉ်စီးရေ ၃၈၀,၀၀၀ ခန့် ရှိသည်။

from Mizzima - News in Burmese's Facebook Wall http://ift.tt/1xqBF6i