ကျန်းမာရေးကိစ္စဆိုရင် ညမထွက်ရအချိန် သွားလာခွင့်ရမယ်
မန္တလေးမြို့တော်မှာ ဖြစ်ပွားနေတဲ့ ပဋိပက္ခကို ထိန်းချုပ်ဖို့ ညမထွက်ရအမိန့်ကို ထုတ်ပြန်ထား ပေမယ့် ကျန်းမာရေး အခြေအနေအတွက် အရေးကြီးရင် သွားလာခွင့် ပြုမယ်လို့ မန္တလေး ခရိုင် အထွေထွေအုပ်ချုပ်ရေးမှူး ဦးဝင်းဇော်နိုင်က ပြောပါတယ်။
ကျန်းမာရေးကိစ္စဟာ ရှောင်လွဲ မရတဲ့ကိစ္စ ဖြစ်တဲ့အတွက် ခွင့်ပြုတာဖြစ်ပါတယ်။ တခြားကိစ္စနဲ့ ဆိုင်ရင်တော့ အပြင်ထွက်ခွင့် ပြုမှာ မဟုတ်ဘူးလို့ သူက ဆိုပါတယ်။
“ကျန်းမာရေးက ဘယ်အချိန် ဘာဖြစ်မယ်ဆိုတာ ပြောလို့မရဘူးလေ။ အရေးပေါ် ကြုံလာပြီဆိုရင် မြို့နယ် အုပ်ချုပ်ရေးမှူးကို အကြောင်းကြားပြီး တာဝန်ရှိသူ ၃ ယောက်လောက် ကားပေါ်မှာ ပါလာတယ်ဆိုရင်တော့ ရပါတယ်” လို့ ဦးဝင်းဇော်နိုင်က ပြောပါတယ်။
မန္တလေးမြို့တော် စည်ပင်သာယာရေး နယ်နမိတ် အတွင်းမှာရှိတဲ့ မြို့နယ် ၆ မြို့နယ်ကို ဇူလိုင်လ ၃ ရက်နေ့ကနေ ည ၉ နာရီမှ နံနက်၅ နာရီအထိ ညမထွက်ရ အမိန့်ထုတ်ပြန်ထားတာ ဖြစ်ပါတယ်။
ပုဂ္ဂလိဆေးရုံ တချို့ကို ဖွင့်လှစ်ထားကြမှာ ဖြစ်ပါတယ်။ ဆေးရုံဝန်ထမ်းတွေ ကတော့ ညမထွက်ရ အမိန့် ထုတ်ပြန်ထားတဲ့ အချိန်မှာ ဆေးရုံမှာပဲ နေရမှာ ဖြစ်တယ်လို့ ဆေးရုံ၊ ဆေးခန်းတွေ ဆီကနေ သိရပါတယ်။
မန္တလေးမြို့တော်မှာ ဖြစ်ပွားနေတဲ့ ပဋိပက္ခကြောင့် လူနှစ်ဦး သေဆုံး၊ ၁၅ ဦး ဒဏ်ရာ ရရှိထားပါတယ်။
from The Voice Weekly's Facebook Wall http://ift.tt/1meJ3xE
Comments
Post a Comment